Pahadar 136 thun harei menek di Chu tich Ho Chi Minh, phuong Ben Thanh (TPHCM) brei tabiak rai tapuk dien tu Labik ilamo Ho Chi Minh, tacei pato pambak praong khang kadang ilamo, jalan diukrai di Ho Chi Minh di labik bhum palei, dalam yaok khu pho saong yaok baoh sang. Tapa blah website saong dom asar kadha, mong iek, bhap bini meda duah thau ka jalan diuk rai siam mekre di Ho Chi Minh, dom bruk ngak naih gheih di yaok don vi dalam bhum palei drei. 

Hadei sa thun, mbiah tal ini hu labaih 70.000 tấn “ Brah Viet hacih takik tathuak nerak” hu ba tabiak darak pasar dunya. Ini lac bruk ngak hu makna praong ka danak dak patagok 1 trieu hecta  padai asar siam, takik tathuak nerak di Bhum taneran kraong Cuu Long. Ta-eng  ban Can Tho, urak ini hu labaih 170 ribau ha tame ngak bruk ini di yaok rituh HTX. Bruk nan oh lac peih tabiak pabah mbang tame dom darak pasar kan pablei yau Nhat Ban, chau Au bo daok brei mboh jalan ngak tabiak asar padai siam, patrun takik tathuak nerak di Viet Nam daok ba mai kein laba glong.

Danak dak jakan ar ribaong Kỳ Son (palei 3, xã Ba Sao, tỉnh Đồng Tháp) atah 8km, padang ngak di akaok thun 2025, kham merat ba tame ngak bruk di bilan 1 thun 2026. Yau nan min, mbiah tal ini hu 24% bruk ba tabiak. Tui bhap bini bhum palei, jalan padang ngak meng suai lavik,  gaok tuk klak caik nan, tal bilan hajan ye gluh baok, daok bilan pandiak ye dhur mun ngak rilo kan kandah tal anek saih saong bhap bini daok jaik jalan nan. 

Panjiak dui atah ba tal  labaih 50.000 ha glai di Cà Mau thu lagu, mbuan apui khuah mbang. Dalam nan, hu labaih 27.000 ha daok mbuan apui khuah biak glong. Mban Tacei ba bruk pacang apui padam khuah tinh Cà Mau iew dom po glai, karja palei saong don vi pambuak tal peih ngak dom jalan pacang apui, padam khuah glai dalam bilan thu thun 2025 - 2026 anak dom bruk kan kandah. Tui nan, pakauk dom urang oh brei tame glai kayua  mbuan ngak apui khuah mbang.

Rayo Khi tuong Thuy van di bhum Nam Bo khan lac, langik pandiak di ralo tinh, ban di gah Meraong negar. Di TPHCM, panjiak glong meng 35 -36 do C. Jabat dut iek langik kakei dahlau, panjiak  dui atah  gam haong thu lagu ba tal mbuan patuh apui khuah di labik daok di bhap bini saong apui khuah glai. Tui nan, langik pandiak daok mbuan ngak lahik ia, abih prein atau dot quy kayua mebuk panjiak meyah mikva daok di panjiak catang suai.

Page ini, Po negar Trung Quoc Tập Cận Bình saong Tong thong My Donald Trump peih nyaom biai di ban ine Bac Kinh. Tong thong Mỹ biak sambai hatai anak bruk yer hala daok salam di dom uranaih Trung Quoc - nan lac bruk bo ong khan lac oh ka bhian mboh meng dahlau  mai. Gam brei mboh bruk “pambuak talei rohim siam gheih” haong Po negar Tập Cận Bình, daong dua gah hu taom gauk biai samar dom kan kandah tamuh tabiak saong khan lac dua taneh ia ini harei anak tal meda siam mekre.

Urak ini, urang lahik bruk ngak di Prang tagok labaih 8% dalam quy I ini, glong abih kuhria meng thun 2021. Urang langyah khan lac bruk dak harei dak lahik bruk ngak kayua rilo kadha, dalam nan hu bruk ngak mbang kinh te kan kandah, bruk ngak kong nghiep dang veik, takik palih ruah urang tame ngak saong dom bruk sraw kadau pambuak tal bruk pablei salih di dunya jeng yau bruk kandah di dunya.

Akok Mentri Năng lượng saong Khai khoáng Cuba mboh lac taneh ia ini abih menyek diesel saong menyek mazut. Rilo bhap bini gaok lahik ndien meng 20 tal 22 mon yaok harei. Yau nan min, Rajaei Cuba mboh lac daok kham merat ngak tabiak nang luong, gam ginum biai piah blei menyek tame./.