Page ini 19/6, Ban raya Ho Chi Minh pathau khan tanut pakacah tame tal bac 10 pakat karja thun 2026. Labaih 151.000 anek saih hu pakacah tame tal 10 pakat karja meda pasang duah tanut pakacah meng mon 9 tuk page di web diemthi.hcm.edu.vn meng taka so khan angan atau pasang duah di web ts10.hcm.edu.vn meng taka ngak tantu angan menuac urang. Tanut palih ruah tame tal bac 10 hu kuhria meng taong abih 3 mon Toan, Ngu Van saong Anh he so 1. Jeng dalam harei ini, Ban raya Ho Chi Minh pathau khan tanut njauk tame tal 10 chuyen di 4 sang bac dalam nan hu THPT chuyen Lê Hồng Phong, Trần Đại Nghĩa, Hùng Vương (labik 2) saong Lê Quý Đôn (labik 3).

Ngak tui jalan ramik pagam jabat karja, tinh Lam Dong daok pasamar peih ngak danak dak  ramik, pagam palei, kapol bhap bini  tui bruk ba tabiak labaih meteh. Bruk peih ngak brei cambaic laic, pamong tal bruk paglong khik iek saong pandar dom urang ngak bruk naih joi. Tui pasang iek di tinh Lam Dong, urak ini dalam tinh hu jaik 2.800 palei, kapol bhap bini. Meng bruk njauk hatai di bhap bini saong kham merat di karja palei, bruk ramik pagam  palei, kapol bhap bini daok dak harei dak pabak hu bruk carok patagok birau.

UB Bhap bini tinh Gia Lai bahrau ba tabiak Danak dak ngak betong jalan mbak palei pala tukvak 2026-2030 hu taong abih jien buh tame jaik 1.200 ty dong meng phun jien buh tame pakat karja tui meteh tukvak di labik palei pala. Tinh Gia Lai brei daong taong abih xi mang pajeng ba tal labik padang jalan ngan haong dom danak dak padang jalan mbak palei pala; gam haong nan daong taong abih ximang tal takai labik padang piah pasiam, peih praong dom jalan pambuak xa, jalan xa… Banah jien buh tame daok veik lac kayua dom bhum palei srap gap samu gauk meng phun jien njauk huklum karei.

TPHCM tui kuhria buh tabiak labaih 665 ti dong piah oh mek jien harak ve radaih buyt  ka bhap bini dalam 6 bilan puac thun ini. Sarak hu peih ngak tui 2 tukvak piah pachreih urang ndik radaih buyt jeng yau takik pandar radaih drei. Tui nan, TPHCM bayar ka dom po radaih pajeng tuai tui jien mek tame di dom mbang radaih pajeng salih radaih pajeng dom urang. Jabat chuc nang brei pagam GPS piah thau bruk pajeng ba,  camera di radaih piah duah thau jitvu saong harak ve ndien tu yaok kuhria tuai ndik radaih…

Jalan peih samar  Rạch Sỏi - Lộ Tẻ di tinh An Giang ba tame pandar hu jhul tagok kinh te – xa hoi bhum Taneran kraong Cuu Long. Min, tukvak tapa jeng daok bruk rahra peih nduac radaih moto, radaih patuh, radaih tho so, gaok mai nao tabak takai tame jalan peih samar, mbuan rah tabiak bruk gaok bala trak. Piah langyah bruk ini, Jabat Canh sat jalan mbak Kong an tinh An Giang hu peih ngak samu gauk rilo jalan langyah, bruk hu makna lac nao pasang pambuak haong bruk pathau khan tapak ka rahra rah tui jalan, abih di nyu nan lac jalan nao tapa xa Thạnh Đông. Dalam nan, duah mboh saong kakei, langyah catang dom bruk ngak suan.

Akok Mentri mesruh metak Mỹ Pete Hegseth birau khan brei thau pasang iek veik taong abih gah bol lin Mỹ di balai di chau Au, tui nan iew dom gah NATO ngak bruk praong piah khik brei salamat di bhum taneh ini. Ong Pete Hegseth khan lac, Mỹ kuhria labaih 1.500 ti USD ka bruk quoc phong 2027 piah patui khik bol lin di dunya.

Trung Quoc hu ba tabiak jalan ba radaih nang luong bahrau mai palei pala. Ini lac thun ka 6 danak bruk hadah krah ini hu peih ngak, piah peih praong darak pasar pablei radaih otto ndien di labik palei pala. Njauk caik hatai lac, taphia bruk patui veik pandar dom sarak lagaih yau patrun jien je saong buh jien tame pabak ka ha tang labik sạc, danak dak thun ini jhul khang bruk daong yaom salih radaih klak mek radaih ndien. Tuai damuai di palei pala tuk hu mbaok tame salih radaih klak mek radaih ndien. Tuai damuai di palei pala tuk hu mbaok tame salih radaih brei hu taduan bruk daong tui adat.

Dom urang roh duah Australia birau khan brei thau, kuhria meng tuk jit ruak kum H5 rah tabiak di kaoh pulao Heard di bilan 10 thun 2025 mbiah tal ini, labaih 13 ribau drei hải cẩu , sumu labaih 3/4 drei hải cẩu di kaoh pulao nan metai kayua jit rauk. Kaoh pulao Heard, daok atah di taneh Australia labaih 4.000km lac  sa dalam dom labik daok kandaok di hải cẩu saong cim tathik mai caik menek. Ruak kum manuk ada H5 ngak metai rilo athur di kaoh pulao ba tal kum H5 njom mbak tame taneh Australia, lac labik meng lavik di dunya oh hu ruak kum H5.