Rilo danak dak bayar dhar  phol hu dom bhum palei peih ngak piah pahadar 79 thun Harei Thuong binh – Liet si (27/7) piah sangka kuhria raidiuk bhap bini urang ngak bruk daong taneh ia. Mai rivang, alin kaya dom baoh sang sarak karja, urang ngak bruk cach mang naih gheihdi xã  Định Mỹ saong Vĩnh Trạch Thay, muk Nguyễn Thị Minh Thúy, Pho akaok UBND tỉnh An Giang hatung tian brei mboh bruk thau dhar phol anak dom bruk var klak rup drei brei ka taneh ia di dom rairah  nao dahlau dalam bruk peih paha bangsa saong khik caga palei Negar. Brei mboh bruk, Đảng, Karja oh padeih peih ngak rilo bruk bayar dhar phol, kuhria radiuk, jalan sahaneng ka dom baoh sang.

Tui harak pathau khan di Kapol duah pataom atau talang liet si di Bộ Tư lệnh TPHCM, di labik Bein bingu Lê Thị Riêng, gah chuc nang duah pataom hu veik 20 atau talang liet si. Kuhria tal tukvak ini, bruk duah pataom hu 69 atau talang liet si saong 1 kapol nyaom atau dom liet si. Bruk duah pataom talang liet si di labik ini daok hu peih ngak tal dalam sami samar. Kuhria taong abih bruk ngak di labik ini tagok tal yaok rituh urang jakar bol lin, ngak bruk oh padeih padei.

Hadei jaik dua bilan peih bruk dut iek prein yawa oh mek jien, TPHCM dut iek ruak ka jaik 468 ribau bhap bini saong harak ho so dien tu. Bruk peih ngak samar yau urak ini, ban raya  meda ngak bruk iek ruak hu 500.000 urang dalam adit ini. Tui PGS.TS.BS Tăng Chí Thượng, Yam ndoc Sở Y tế TP.HCM, bruk ngak di danak dak oh lac parilo urang bo daok pasram randap piah dut iek prein yawa  dahlau, padang ngak harak ho so dien tu ka yaok bhap bini, samar duah mboh ruak kik saong khik iek dom janih ruak oh njom mbak.

Rilo bilan tapa, ribaong Mương Lộ di xã Thạnh Hòa, Ban Cần Thơ njom nerak tachrauk biak trak, bak dom hareik harom. Bhap bini khan brei thau meng tuk peih ngak jalan peih drah samar Cần Thơ - Cà Mau, ia ribaong Mương Lộ gar tavak, ia oh daok nduac hu, gam hareik  tuh trun duah tapen kraong dak harei dak ralo ba tal njom nerak trak. Langiu di nan, ralo bhap bini bhian klak hareik trun kraong ia, ngak nerak trak.

Dom harei anak tal ia ndik tagok glong di rilo bhum tapen tathik meng gah Barak tal Meraong negar, mbuan ia dauk, njom ia mbak saong ngak kan kandah tal bruk nao mai tui jalan ia. Di bhum Dong Nam Bo, ia ndik tal harei 15/7, ia ndik tagok glong abih di balai Vũng Tàu hu meng 3,7-3,73 met. Dom urang ilamo gah langik tathik kakei lac, ia ndik tagok glong ngak suai tathuak ia di dom kraong jaik taphia. Tuk biar harei saong melam, njauk brei pacang caga ia nduac khang tuk ia trun, mbuan rah tabiak bala ka bruk pajeng ba nao mai saong yulit tathik.   

Campuchia saong Gilang Dunya daok taong yaom halau ia, ralo sinh hoc di Tathik Biển Hồ Tonle Sap piah padang jalan khik hu suai kajap. Biển Hồ Tonle Sap oh lac pabak kaya ikan praong bo daok pabak ia saong khik brei siam lagaih kaya ia di Campuchia. Bruk taong yaom  taong abih halau ia  saong kaya dalam ia caong khin daong ka Campuchia khik hu kaya ia Bien Ho, gam hu bruk ngak mbang suai lavik ka yaok trieu bhap bini daok ngak mbang pambak tame kaya ia pak ini.

Bruk mesruh metah Mỹ saong Iran daok catang mesruh cagar gauk, ngak mbuan tamuh bruk mesruh khang di Trung Đông. Bol lin Mỹ khan lac, ahaok palaik mbom cuh labaih 140 labik ngak bruk di bol lin di Iran piah taong tame gilai pajeng ba  kaya kan di eo tathik Hormuz. Iran khan brei thau cuh ten lua saong mac jamraih  par oh hu manuac peih  di dom labik bollin di Mỹ. Iran brei thau kareik veik pabah eo tathik Hormuz.

Oh lac Tây Ban Nha, Bồ Đào Nha atau Hy Lạp, urak ini dom mbang apui khuah glai praong pambak tal dom bhum jaik ban ine Paris di Phap. Bruk ini brei mboh langik pandiak  pambak praong di chau Au. Oh lac dang anak apui khuah, langik di chau Au daok gaok rilo bruk dak harei dak jhak. Langik pandiak ka 3 rah tabiak gam gam dalam bilan padeih hè thun ini me-om tagok Tay Au tuk pandiak meda tagok tal 40 do C./.