Di var taom gaok cử tri dom phuong di TPHCM, Uy vien Mentri Chinh tri, Bi thu Thnah uy TPHCM Trần Lưu Quang khan brei thau ban raya daok kham merat nga brei sumu gauk  piah patagok kinh te haong raidiuk bhap bini rahra, paglong raidiuk saong langyah dom bruk di ban ndo thi. Bruk cakrok patagok  puac abih di TPHCM pamong tal  raidiuk bhap bini siam jang. Oh lac kaya kan bo gam lavang labik daok, ilamo saong salamat xa hoi. Urang dang akaok Thanh uy TPHCM jeng khan lac Ban raya oh brei padang ngak rilo sang daok chung cu glong rilo tal di pasak meda tapa prein saong biak ralo rahra.

Ndem tal bruk ikan metai saong ngak khat lahik kayua kuac mek cuah padang ngak Danak dak peih praong, paglong Mblang kapal ahaok Cà Mau,UBND tinh Ca Mau brei ba tabiak tukvak cambaic laic, dahlau harei 18/5 anak tal, taong abih bruk ngak kuhria dom khat lahik brei salah blaoh. Dahlau harei 29/5, brei ginum biai cambaic laic jalan kuhria bayar jien. Mbiah tal ini hu 92 baoh sang  di phuong Tân Thành gaok kan kandah kuhria mboh labaih 85 hecta. 

Anak bruk durian, panat trun yaom dalam tukvak jaik ini, UBND tinh Dong Thap  caong khin Mentri Ngak nong saong Alam moi truong daong mek mau dut iek baoh durian, panat piah pablei tabiak negar langiu. Dong Thap jeng iew dom pasak brei dut iek, mek mau tame saong paglong prein ngak bruk dut iek baoh durian, panat  pablei tabiak negar Trung Quốc. Bruk gar tavak dut iek jru  Cadimi saong Vàng O lac sa dalam dom bruk ba tal yaom durian saong panat trun khang.

Thanh tra Ban raya Dong Nai khan brei thau sarak pasang iek 53 danak dak gaok kan kandah, tavak tavaiy di Ban raya ini. Dom danak dak, bruk padang ngak hu pasang iek mbang ini lac labik daok di bhap bini, sang daok  pablei, labik yulit, khu do thi daok gaok kan kandah, dui atah; oh ka ba tabiak panuac tamat, pasang iek, kuhria duah thau. Bruk kham merat lac pasang iek, taong yaom bruk ngak tui sarak, hukum dalam bruk peih ngak danak dak; tui nan brei sumu lang talaih dom kan kandah, tavak tavaiy.

Tui Rayo Khi tuong Thuy van gah Meraong,  TPHCM saong dom tinh, ban jaik taphia langik daok panjiak di ralo labik dalam dom harei anak tal. Panjiak tagok glong meng 35 -37 do C, labik glong jang 37 do C. Langik panjiak biar abih meng 40 tal 50%. Kayua panjiak gam mbuan rah tabiak apui khuah soang patuh ba tal bala di labik daok bhap bini kayua pandar ndien ralo. Langiu di nan, langik panjiak  meda ngak lahik ia dalam rup pabhap kayua gaok pandiak catang.

Mỹ khan tabiak brei dom công ty nang luong mesre menyek di gilang khik piah di drei saong pasang iek padeih mek jien je xang menyek lien bang piah patrun yaom xang menyek.  Dalam bruk karei ndem kadha ini ye, Tong thong My brei thau, njauk hatai ka bruk padeih mek jien je gah xang piah trun takik khat jien ka bhap bini Mỹ. Jien je xang lien bang urak ini labaih 18  cent/ga-lông saong bruk padeih jien je njuak Quoc hoi mbaoh harak.

Negar Duc daok gaok kan kandah kayua co klaik athur raong ralo di bhum palei. Rilo po raong glang athur khan lac yaok pluh drei limo lahik di melam oh thau yau halei. Dom urang pasang duah khan lac, bruk ini kayua kol duis tui kapol nyaom. Dom kapol nyaom gah ngak nong kakei dahlau bruk co klaik di bhum palei daok jeng bruk having akaok di Duc jeng yau di ralo taneh ia chau Au karei.

Campuchia daok patui bruk pasang duah chap mek kol pachot pagat online di dalam negar. Dalam bilan 4 meng blaoh, gah bol lin ini chap hu labaih 5.500 urang di 30 taneh ia di dom labik pachot pagat  online dalam negar. Bilan dahlau, Campuchia jeng patrauk tabiak jaik 3.600 urang pambuak tal bruk pachot pagat online…