Di nyaom biai Rajaei bilan 5 thun 2026 peih ngak di page ini, Thu tuong Lê Minh Hưng khan lac, 6 bilan saong dalam thun brei mboh bruk ba tabiak glong, brei ngak catang piah kham merat  ngak brei patagok 2 laik taka so. Thu tuong caong khin dom bhum palei pataom tame ngak bruk mek taneh, bayar jien, daong, padang labik daok birau hadei tuk hu sarak brei buh jien tame ngak hu mbaoh tangin. Patui nan ramik urang ngak bruk di dom mentri, jabat hu ba tame pandar, bruk ngak hu gam parabha adat ngak bruk.

Mban Tacei ka bruk nao duah, pataom saong duah thau angan je di urang liet si tinh Dong Thap birau peih ngak “ Bruk ngak 500 harei melam jhul pakhang buk duah pataom, duah thau angan je ka talang liet si”. Dalam nan kham merat meng ini tal bilan 7 thun 2027 duah pataom hu labaih 370 talang liet si. Piah ngak hu njauk, ilamo saong kein lagaih dalam bruk ngak, tinh peih ngak iek bruk kuac mek talang, mek mau saong ba bayar mau talang liet si di Kubo Liet si Châu Thành (xã Phú Hựu) dahlau tuk brei ngak pambak praong dalam tinh.

Tinh Lam Dong daok daok peih bruk ramik veik palei pala, kapol nyaom dan pho dalam tinh piah bruk ngak hu pataom tame, paglong bruk khik iek hu siam saong dan sumu bruk caong khin cakrok patagok dalam tukvak birau. Tui kuhria, dalam tinh trun hu labaih 1.100 don vi hanh chinh pakat palei, kapol nyaom dan pho. Njauk caik hatai, Lam Dong  khik tamo 70 palei, kapol nyaom dan pho yaom lac oh ka njauk tui tanut chuan quy mo baoh sang bhap bini. Ini lac dom bhum palei  hu pambuak tal sajarah dakrai, ilamo, bangsa atau labik daok karei.

Tapa jaik sa bilan ngak bruk khik brei salamat jalan mbak, peih ngak tabung glong “45 harei melam”, gah chuc nang langyah labaih 21.900 mbang urang menyum alak, 107 mbang urang peih radaih  hu matuy dalam rup. Tukvak anak tal, Jabat Canh sat PC08 – Kong an TPHCM patui bruk jak ba urang jakar bol bala,  radaih saong mac jamraih piah ngak bruk; pakhang bruk pasang iek, langyah catang dom bruk ngak suan mbuan ba tal bala rah tabiak di jalan mbak, tui nan jhul pakhang bruk pasang iek tapa camera blaoh ngak bruk.

Piah kuhria caga plaik njiak, takik gaok kan kandah di langik El Nino, So Ngak nong saong alam moi truong Tây Ninh saong dom bhum palei  gah ala kraong Vàm Cỏ hu peih ngak tui rilo jala pacang caga. Dom bhum palei tui iek catang halau ia, ia mbak di dom kraong, ribaong piah samar khan ka bhap bini thau; brei mek ia taba padang piah di ribaong. Njauk ndem tal, padang ngak jalan samar pacang caga ia mbak yau pagam balai njuk pruh ia, beik binek pacang ia mbak.

Trung Quoc parabha 99,9 ti Nhan dan te meng kadung jien negar brei daong ka bruk raong pato anek bik bac da-a dalam thun ini, tagok jaik 11% dut saong thun dahlau. Bruk kham merat nan piah pachreih dom baoh sang ndih tapui anek. Thun dahlau, Trung Quoc  peih ngak sa danak dak  pakat negar  daong yaok thun 3.600 nhan dan te  ka yaok uranaih umo 3 thun.

Gah Khi tuong Dunya khan brei thau, langik El Nino hu 80% meda rah tabiak di bilan 9 saong 90%  dui atah tal bilan 11 thun ini. Bruk ini kuhria mboh takik abih lac meng gap mbiah tal khang. Yau nan min, dunya brei kuhria caga El Nino  aval gilac veik, gam mbuan langik panjiak catang, hajan praong saong panjiak bhang…Tong Thu ky LHQ Antonio Guterres kakei El Nino trak jang kayua Baoh taneh  panjiak catang.

Gah bol lin khik iek ar tathik Mauritania daong hu 110 urang di cư Tây Phi, dalam nan hu 12 urang kumei saong 3 uranaih, hadei  gilai pajeng khut mac di kreh tathik negar ini. Tui dom kapol dunya, dalam dom thun jaik ini yaok ribau  urang metai atau lahik  di tathik kayua kham nao tapa tathik Đại Tây Dương atau Địa Trung Hải piah tame châu Âu, dom jalan nao yau ini  mbuan gaok bala abih di dunya./.