Ngak bruk haong Thuong truc Hoi dong Bangsa di page ini, Akok Quoc hoi Trần Thanh Mẫn caong khik Thuong truc Hoi dong Bangsa pambak tame bruk rah tabiak palih truah pasang iek bruk buh jien tame ngak Danak dak pakat negar  padang palei  pala birau, patrun kathaot khang kajap saong patagok kinh te - xa hoi bhum urang bangsa takik saong bhum ceik vaktu 2026-2035 dalam thun 2026. Tui nan, pakhang bruk pambuak bhum palei, njauk ndem tal dom labik praong, bhum taphia negar saong ba tabiak jalan piah pakhang bruk jum pataom dom bangsa.

Mentri Noi vu daok duah thau hatai caong khin sahaneng brei ka Du thao Sarak ka bruk padang tabiak, ngak bruk di palei, kapol bhap bini saong jien bilan, sarak daong ka urang ngak bruk ka palei, kapol nyaom bhap bini. Tui bruk ba tabiak di Ha Noi saong TPHCM, palei brei hu meng 500 baoh sang tagok, kapol nyaom bhap bini ban medil meng 700  baoh sang tagok. Ngan haong bhum Dong Nam Bo saong Bhum Taneran kraong Cuu Long, tui sarak brei hu meng 400 baoh sang tagok, kapol nyaom bhap bini ban medil 550 baoh sang tagok.

Pamaong tal bruk pahadar 80 thun Harei thuong binh – Liet si, tinh Vinh Long daok kham merat peih “Danak dak 500 harei malam jhul khang bruk duah, pataom saong brei thau angan di atau talang bol lin meng kal”. Dalam nan ba tabiak jalan peih bruk mek saong bayar labaih 4.800 atau talang bol lin di 29 kubo liet si dalam tinh. Meng harei ini tal bilan 7/2027, tinh Vinh Long kham merat duah, pataom 140 atau talang bol lin, daong ka sa negar ngak siam lagaih bruk tabung glaong biak hu makna ini.

Tui UBND  TPHCM, ga Thủ Thiêm  hu quy hoach lac ga praong labaih 17,2 hecta, jiak canah jalan An Phú, pambuak 3 jalan pasei nan lac jalan peih drah samar Bắc - Nam, metro Bến Thành - Thủ Thiêm saong jalan Thủ Thiêm - Long Thành. Hadei ngak salah blaoh jalan, ban raya brei brei padang ngak jalan glong di labik ga Thủ Thiêm tui TOD ( patagok do thi pambuak haong jalan mbak nao mai). Ga Thủ Thiêm hu jeng ga birau di TPHCM harei hadei.

UB Bhap bini phuong Sa Đéc (tinh Dong Thap) daok pambuak haong dom jabat hu ilamo brei mboh ngak cambaihlaih bruk 62 urang tame sang iek ruak medil kayua njauk ruak mek kaya mbang hadei var mbang huak ban tru di harei 19/5 di Sang bac tieu hoc Kim Đồng. Urak ini prein yava di 60 urang hu tani tanat saong patui veik tui veik taong ruak. Hu 2 urang njauk mek trak daok taong ruak di Sang iek ruak da khoa Sa Đéc. UB Bhap bini phuong Sa Dec hu mbaoh tangin pasang iek pambuak gah salamat kaya mbang katuak ngan haong Sang bac ini, pandar brei padeih peih dom var huak ban tru piah ngak tantu cambaih laih bruk ini.

Po negar Trung Quốc Tập Cận Bình kuhrai caga mai rivang Trieu Tien di puac bilan 5 ini atau akaok bilan 6 anak tal. Meyah mbang rivang rah tabiak, ini bruk kham merat di Trung Quoc piah brei mboh angan je dalam bruk ngak chinh tri dunya. Tui dom urang ilamo langyah, Trung Quốc  urak ini lac ayut sahabat dalam bruk ngak mbang kinh te saong chinh tri hu makna  praong di Trieu Tien. 

Thai Lan brei ngak catang kajap ka adat thi thuc jirah rivang, meng bruk cakak klaoh sarak brei tame thaoh 60 harei hu pandar ka 93 negar, dalam nan hu My, Anh, dom negar daok dalam labik Schengen saong Australia. Salih di nan, tuai damuai brei oh mek thi thuc dalam 30 harei. Makna kak khang kajap lac kayua huac kanda bruk urang negar langiu daok tapa tukvak brei dalam thi thuc, pablei salih suan hukum di dom labik jirah rivang saong dom kapul duas tapa negar pambak tame adat tame negar.

Truyen thong Australia khan brei thau, labaih meng 65% tal 80% bhap bini Tuvalu, kuhria  hu 8.700 urang payua harak gal likau thi thuc khi hau piah mai Australia diukrai. Bhap bini Tuvalu brei klak palei, kayua baoh taneh dak harei dak pandiak ba tal ia tathik tagok glong, ngak ka taneh di Tuvalu dak harei dak sit saong negar ini  dang anak bruk oh suai lavik karam dalam ia tathik./.