Danak dak yaok xa hu 1 ndap nda OCOP di dalam negar hu truh tapa tanut hu jaik 17.4000 ndap nda OCOP hu meng 3 patuk ba tagok di labaih 9.300 po kaya tame ngak ndap nda. Dom ndap nda brei pabak hu tanut asar siam, salamat kaya mbang, ngak kadung siam ka alam langik, daong pacang khik prein yava di urang blei pandar. Tui Mentri Ngak nong saong Alam langik, danak dak yaok xa hu 1 ndap nda OCOP hu ngak saong daok ngak tabiak bruk salih khang dalam bruk patagok kinh te palei pala, dak harei dak brei mboh asar siam saong kein lagaih di dom janih ndap nda ini.

Sang bac Trung cap Ky nang chuyen nghiep Nhat Ban ( JPC) akaok meti di Bhum taneran kraong Cuu Long birau hu padang ngak blaoh saong ba tame ngak bruk. Ini lac sa sang bac di Nhat Ban hu peih ngak di Bhum taneran kraong Cuu Long. Sang bac hu ngak tuk jalan pambuak bruk pato bac gam palih ruak tapak di po doanh nghiep Nhat Ban. Hu ginup ndap nda mac jamraih birau saong labik bac megru chuan Nhat Ban, dalam nan hu duk bilik pasram ngak bruk; tal bac akhar sap Nhat-Japon; pato pakai ilmao ngak bruk, bac bruk ngak…

Sang iek ruak Thống Nhất, Ban raya Ho Chi Minh bahrau ngak jak jeng bruk pagam baoh hatai akaok meti meng urang alin brei metai glo akaok. Urang brei tạng lac sa urang kamei gaok bala di jalan mbak. Hadei tuk nyaom biai, baoh sang urang nan hu mbaoh tangin brei tạng. Sa baoh ritak thận saong dua giác mạc meta hu caga ka urang ruak daok cang pagam di Sang iek ruak Trung uong Hue. Sa baoh ritak thận daok veik hu brei ka urang ruak daok cang pagam di Sang iek ruak Rahra Gia Định. Baoh hatai hu pagam ka urang ruak kurang baoh hatai daok taong ruak di Sang iek ruak Thống Nhất. Yau nan ye mbang brei saong pagam hu daong diuk saong pasiam asar siam raidiuk ka 5 urang ruak karei.

Ia ndik tagok glong ba tal ar pacang  ka 12, xã  Bình Hàng Trung, tinh Dong Thap talah, ia tame dauk yaok pluh hecta bein phun mbang baoh di mikva pak ini. Urak ini, xã jak ba bol lin bhap bini, dom kapol nyaom urang gam haong rahra di labik ini ngak pakajap, pacang meng kadung cuah, tamra nilong saong mac jamraih, piah takik khat lahik ka phun pala. Yaom lac hu pacang caga ribuk, ar pacang labik 12 saong rilo labik karei di xã Bình Hàng Trung daok mbuan glut jaleih.

Daok patui pathau khan di Balai Kuhria kraong ribaong tinh An Giang: Tanut ia di dom kraong, ribaong bhum ala kraong Vàm Nao, Chợ Mới, Long Xuyên patui veik tagok suai blaoh hadei nan trun samar. Kuhria mboh, labik pabah kraong di angaok kraong Cái Lớn - Cái Bè, ia ndik glaong abih dalam harei hu tagok suai dalam dom harei anak tal. Meda ia dauk dalam ban medin di Long Xuyên saong rạch Giá tuk rah tabiak hajan praong, ia ndik, ia tagok ngak ia dauk, glut jaleih ar kraong ribaong…

Bol lin Mỹ taong tame dua kapal gilai medil pajeng matuy gah Đông Thái Bình Dương, ngak metai 5 urang. Ini lac bruk ngak brei peih praong pacang caga matuy  bo karja Tong thong Donald Trump daok ngak, brei mboh mbang akaok meti bol lin Mỹ peih ngak chien dich yau nan di labik ini. Dom mbang taong tame nan yau patui veik 7 mbang dahlau di bhum tathik Caribbean ba tal 32 urang metai. Yau nan min, karja Mỹ  oh khan brei thau chap mek matuy hu dom.

Kapul Y te Dunya (WHO) bahrau ba tabiak brei mboh jit ruak patui veik rah tabiak srau kadau dalam dunya, abih di nyu nan lac labik chau A – Thai Binh Duong. Tui WHO, meng thun 2003 tal ini, dalam dunya hu 991 urang njom ruak kum menuk ada A (H5N1) di urang di 25 negar, dalam nan hu 476 urang metai, sumu haong bruk metai 48%. Daok di labik Thai Binh Duong hu 479 urang njom ruak saong 318 urang metai, rilo meng lac pataom tame di Indonesia, Campuchia saong Trung Quoc. (VTV) 

Labaih 100.000 gru pato, y te saong urang ngak jit vu karja di New Zealand jak gauk padeih ngak bruk, iew rajaei patagok bruk buh jien tame ka gah y te saong pato megru. Dom kong doan khan lac bruk padeih ngak hadei tuk biai tui kapol nyaom haong rajaei lien minh oh blaoh. Taong abih khan ka bruk yau gauk: jien bilan biar, kurang urang ngak, labik ngak bruk oh lagaih saong kayua kurang urang ngak ba tal ngak bruk tapa prein./.