Mentri Noi vu pandar UB Bhap bini dom tinh, ban peih ngak jalan ramik dak palei, to dan pho saong ramik caga, pandar, langyah ka sarak ngan haong urang ngak bruk oh chuyen trach di pakat xa, palei, to dan pho salah dahlau harei 10/6 anak tal. Jalan ngak taong abih brei hu sa asal kadha pasiam kapul urang ngak bruk oh chuyen trach di pakat xa, palei, to dan pho saong jalan langyah sarak daong tui adat…

Di nyaom biai pataom iek veik hadei jaik sa thun peih ngak karja dua pakat rah tabiak harei kabroi 28/5, Uy vien Mentri Chinh tri, Bi thu Thanh uy TPHCM Trần Lưu Quang taong yaom, Ban raya ngak hu rilo bruk siam tuk urang jakar hu palih ruah birau tame ngak bruk hu tani tanat, salah dom bruk hu jao brei; harak gal hanh chinh cakak trun ralo, kuhria labaih  meng 30 tal 40% harak adat, chung chi oh njauk. Bi thu Thanh uy TPHCM khan lac, tukvak anak tal brei pasang  iek, dak ramik veik urang ngak bruk, brei lagaih.

Di mbang nyaom biai ka bruk pasang iek padang ban medin dalam ban raya, ong Lê Quang Tùng, Bi thu Thanh uy Can Tho ndom lac, sa dalam dom bruk gar tavak praong abih urak ini di Can Tho lac gah ngak kong saong padang patagok daok suai, oh ka njauk haong kein lagaih saong bruk di ban raya. Bi thu Thanh uy Can Tho pandar dom so, dom gah, bhum palei brei salih ilamo pasang iek saong patagok ban medin; patagok bruk quy hoach, pasang iek bruk quy hoach, tui iek, pasang iek bruk padang; srap gap ba panuac ka co che, jalan langyah piah jhul tagok ban medin.

Ban raya Dong Nai birau alin ka tinh Cà Mau 3 balai y te kuhria tui jien 112 ty dong saong danak dak Bein bingu Dam dara. Bein bingu Dam dara padang ngak di taneh praong 2,5ha, jien labaih 150 ti dong. Labik siam gheih abih di bein bingu lac Thaik bingu “ Ariang  Cà Mau”,  brei pambuak haong mblang bein, labik phun kayau hijao, birau birang, brei hu labik  ma-in sambai, pasram rup pabhap gam hu labiak pataom gauk di dom dam dara, bhap bini Ca Mau

Di Harei Dunya Uranaih 1/6, Sang iek ruak Uranaih 2, Ban raya Ho Chi Minh pei danak dak adaoh tamia saong daong ka dom uranaih ruak hakik. Bruk naih gheih di danak dak lac labik parang thaik kayua dom uranaih ruak daok taong ruak di sang iek ruak. Bingun ini, gah padang danak dak hu alin 10 mbuk ja ka urang ruak ung thu, alin 150 paok pandap saong peih harei uan harei menek ka dom adei. Sang iek ruak jeng daong 50 trieu dong jien taong ruak ka dom uranaih ruak hakik baoh sang kan kandah.

Quoc hoi Ukraine birau mbaok harak ginum biai mesre phun jien yaom 90 ti dong meng Lien minh chau Au (EU). Thu tuong Ukraine khan lac phun jien parabha  ka bruk  quoc phong, an ninh taneh ia, pakhang nang luong saong pabak kadung jien karja. Tui kuhria, jien car pandar ka quoc phong di Ukraine  dalam thun ini meda tagok glong abih 100 ti dola.

Kapul Y te Dunya (WHO) hu ieu pandar padeih mesuh di gah Pur Cong hoa Dan chu Congo piah pacang cakak bruk tamuh jit ruak Ebola. Mesuh metak ngak rah tabiak bruk panduan menuac urang gam gam saong ngak pambak tabiak jit ruak dalam dom labik ti nan. Tal tuk ini, labaih 900 urang hu medil lac njom ruak saong hu labaih 200 urang medil lac metai hu pathau khan di klau tinh di bhum Pur Congo.         

Anak bruk langik panjak me-om tagok rilo bhum taneh di dunya, Gah Khi tuong Dunya  kakei dahlau Baoh Taneh  meda daok panjiak catang jang dom thun dahlau kuhria meng ini tal thun 2030. Dom urang sahaneng lac, urak ini bruk El Nino meda gilac veik di puac thun ini, langik daok panjiak veik. Dalam nan, Bac Cuc  hu kakei dahlau  tagok samar jang klauk mbang  kuhria tui dom thun dahau di dunya, gam ia khang ralai ralo ba tal langik panjiak./.