6 bilan akaok thun 2026, dom raya hu pambuak tal adat cambat saong labik ngak adat cambat dalam tinh Lam Dong hu ngak tui njauk adat di Karja. Harei raya rah tabiak khik kajap njauk asal kadha, khik bruk ginreih di adat cambat bhap bini, plaih bruk je tame dom adat oh lagaih. Meng nan, khik kajap bruk praong prang, an ninh siam mekre, pahacih sa-at alam langik. Di rilo harei raya daok hu peih ngak dom kadha me-in, kadha me-in bhap bini saong bruk bui sambai me-in, jitvu bahrau, hadah krah, siam mekre. Tapa nan, daong rairah sit thun umo thau jang ka gok agha, gam daong pasiam, daong brei bruk chreih takre ka danak dak bhap bini, jirah rivang di bhum palei. Lam Dong lac tinh hu rilo mikva bangsa takik diuk rai, hu labaih 683.000 urang dalam 49 bangsa, meblah labaih 17,6% rahra dalam tinh. Yaok bangsa jeng hu adat cambat biak gheih karei, ngak meda ilamo.

Dom jalan gom truac hadah, dom talei hala dok bhong meriak atau dom bruk khik iek alam moi truong daok ngak brei salih birau mbaok meta ka rilo bhum palei di Dak Lak. Meng dom bruk ngak hu dalam rai diuk, urang hoi saong bhap bini bhum palei  daok rik tame ngak ka alam moi truong hacih hijao, ngak mekre palei pala, rik tame padang dom bhum palei biak gheih piah diukrai. Dalam tinh Dak Lak  urakini hu 187 bruk urang nong khik caga alam moi truong pambuak haong bruk padang palei pala birau. Ong  Ya Toan Ênuôl, Akok Kapol urang ngak nong tỉnh Đắk Lắk khan brei thau, bruk pamong tal dom bruk ngak oh lac mbaok meta palei pala hadah hadai bo daok padang bhap bini diukrai siam mekre hadah hadai, khang kajap, dalam nan hu bhap bini rahra lac pasak.

Hadei tuk hu UNESCO mbaoh tangin lac ban raya hadah krah dalam gah ndien anh, jalan ngak urak ini di Ban raya Ho Chi Minh lac pamaong tal padang he sinh thai ndien anh hu ngak salah blaoh. Biak di nyu lac, rilo danak dak jaik ini hu brei mboh bruk pagam haong ndien anh haong yaih khan thaik thaot ban raya. Dom danak dak labik parang, yaih khan tu lieu ndien anh ka Ban raya Ho Chi Minh jeng pamaong tal bruk pambak dom yaom kaom sajarah, ilamo saong jirah rivang di ban raya tapa sap bahsa ndien anh. Dom urang ilamo maong mboh lac, meyah Ban raya Ho Chi Minh ba tabiak jalan jeng sa pasak ndien anh di dalam negar saong dak yam dak brei mboh labik dang di angaok harak labik ndien anh ban raya ye bruk buh jien tame ka rairah hadah krah bahrau brei hu maong lac sa jalan ngak suai atah.

Meng harei 11/ 6 tal harei 14/6, Gala “Palei negar salamat”, salam uan  80 thun Harei padang tabiak di gah bol lin (12-7-1946 - 12-7-2026) hu peih ngak  di labik nao tabak nao takai jalan Nguyễn Huệ (TP.HCM).  Gala “Palei negar salamat” lac pah ka dom rairah urang jakar, urang lin Kong an bhap bini halan hatian, var klak rup drei  daong ka bhap bini hu raidiuk haniem phol salamat. Ini lac bruk rik tame ngak brei pambak praong  thaik binguk  urang lin Kong an bhap bini  chinh quy, naih gheih, ilamo birau tal bhap bini saong ayut sahabat dunya. Danak dak hu dua kadha praong  lac rivang iek “ Bruk padang raidiuk salamat” saong danak dak nghe thuat  ngan kadha “ Daok kreh labik kol khamang saong khik kajap ban raya”

Ban raya Can Tho urak ini hu 108 inem mek hu ramik dak, ngan haong 1 inem mek pakat negar, 31 inem pakat negar saong 76 inem mek pakat ban raya, gam haong 16 drap ar ilamo oh mboh di meta pakat negar. Ini lac halau drap ar oh lac brei mboh ilamo di ban Can Tho, daong patagok jirah rivang, blaoh daok lac “harak brei nao tapa” ka jalan ba drei tame. Sa jalan langyah hu makna hu dom bhum palei pamaong tal lac pandar dom nen tang taka so, pasang iek, parang iek saong yaih khan drap ar.

Hukum pakauk uranaih umo ala 16 thun pandar mang xa hoi Australia meng harei 10/12/2025. Tui jabat chuc nang Australia hu labaih 5 trieu  tai khoan di dom adei  umo ala 16 thun di taneh ia ini palahik, atau oh tame hu jeng yau hu min takik. Yau nan min  mbiah tal ini, hadei 6 bilan hukum nan hu pandar, rilo uranaih umo ala 16 thun  di taneh ia ini  hu pandar mang xa hoi. Tapa nan brei mboh  dom mang xa hoi daok kurang khik iek brei ka dom uranaih mbuan pandar mang xa hoi. Tui hukum ba tabiak di Australia, jabat chuc nang di taneh ia ini meda taong phat dom mang xa hoi  tagok tal 49,5 trieu dola Uc meyah ngak suan hukum khik caga uranaih angaok mang xa hoi, yau nan min, mbiah tal ini, yaom lac dom nen tang hu kakei dahlau min oh ka mboh mang xa hoi halei njauk taong phat.

Hadei 35 harei juak radaih meng Costa Rica tal Ban ine Mexico City di Mexico, ong Ma-cây Bê-na-via, umo 66 thun, mek hu bruk biak njauk pok meyaom lac 4 mbang juak radaih piah nao tal dom negar dang peih Word Cup. Dalam luac jalan atah labaih 2.650 km nao tal World Cup 2026, ong Bê-na-via hu nao tapa rilo negar Trung My yau ye: Nicaragua, Honduras, El Salvador, Guatemala. Dahlau nan, ong Bê-na-via hu juak radaih ka luac jalan nao tal Brazil hu mbaok di World Cup 2014, nao tal Nga hu mbaok di World Cup 2018 saong nao tal Qatar hu mbaok di World Cup 2022.

Nyaom likei daoh danei angan di Han Quoc - BigBang khan ka bruk hu mbaok di World Tour 2026 pahadar 20 thun dak padang. Dalam poster hu khan, mbang nao parang iek di dunya di kapol  ini hu mai ban ine Ha Noi. Dalam nan, BigBang peih dua melam concert di mblang  caoh mbanh dat blong Mỹ Đình di harei 24 saong harei 25 bilan 10. World Tour 2026 di kapol ini camereip daoh melam di ban Goyang (Hàn Quốc) di bilan 8, dahlau tuk nao tal jaik 20 negar saong bhum taneh ia. Langiu di Viet Nam, kapol nyaom daoh ini hu nao tapa rilo ban raya di rilo negar angaok dunya yau Oakland, East Rutherford, Paris, London…