Ndom meyai di Nyaom biai dalam negar ngak patruh, peih ngak Sarak ka 06-NQ/TW ka bruk peih ngak jalan pambuak langiu negar di Nyaom biai XIV di Ndang harei 11/6, Tong Bi thu, Po negar Tô Lâm ndom khang ka caong khin Viet Nam patui veik patagok bruk srap gap, kham merat dalam dom co che rilo gah, rik daong tame bruk pasiam salamat, pambuak saong patagok. Dalam nan, Tong Bi thu, Po Negar Tô Lâm ndom lac: “Ngan haong prein ngak bahrau, drei meda uak drei tagok ngak bruk hu makna, dui ba saong hu mbaok tame brei mboh ka dom bruk njauk saong hu kein lagaih, prein ngak saong kein lagaih cambaih laih di drei”. Tui ASEAN, Viet Nam oh lac sa negar naih gheih di ASEANbo daok dak harei dak jeng sa dalam dom negar jhul tagok danak dak nyaom biai haong gauk, rik daong hadah krah saong padang bruk samu gauk dalam labik.

Pamaong tal hadar 80 thun Harei Thuong binh - Liet sĩ ( 27/7/1947 - 27/7/2027), tinh Lam Dong daok pasamar peih papak “Bruk ngak 500 harei melam jhuk pasamar bruk duah, pataom saong brei thau angan talang liet si”, ngak siam bruk mek mau, taka so saong jao talang liet si dahlau harei 15/11/2026. Mban tacei ba 515 tinh Lam Dong  padang hu 5 kapol ngak bruk piah mek mau, jao mau talang liet si di dom kubo oh ka thau angan je di dom kubo ghor liet si dalam tinh.  Tinh Lam Dong urak ini hu 4.845 kubo ghor liet si oh ka thau di thei brei mek mau duah thau. Ghor kubo liet si xa Đức Linh (di Bình Thuận klak) hu palih ruah lac don vi brei mek mau, jao brei saong ba tame tui taka so khaw tin di talang liet si piah pambak praong dalam tinh.

Meng thun bac 2026-2027, dalam negar brei pandar tapuk bac megru “Pambuak ilamo haong raidiuk” di Gah Patabiak Pato Megru Viet Nam dalam bruk pato megru pho thong. Urak ini Gah Patabiak Pato megru Viet Nam daok peih bruk pato pasram pandar tapuk ka gru pato saong urang jakar pasang iek pato megru jeng pandar paok tapuk dalam bruk pato megru siam abih. Danak dak pato megru, pabak gru pato rah tabiak meng harei 1/6 tal harei 24/07, ma-om taong abih 152 angan tapuk gru pato meng tal 1 tal tal 12, tui jalan online pambuak haong jalan tapak.

Rilo xã di TPHCM daok jeng dom labik ngak siam bruk pandar taka so dalam ngak nong. Meng bruk ngak mbang pala drak, duah thau meng halei mai tal bruk pablei salih dien tu, dom bruk ngak birau daong paglong kaya nong, peih praong darak pasar saong pabak prein khang  gah kinh te. Pandar taka so daok pambuak  dom urang ngak nong jeng kapol nyaom bac megru, ngak tabiak kaya kan saong patagok  darak pasar. Dom “ kapol nyaom ngak nong taka so”, to hop tac saong HTX lac bhap bini  klak rabha ilamo  pandar kong nghe, ngak tabiak kaya kan, padang angan je, ba kaya nong mai jiak jang haong urang blei.  Ini lac bruk hu makna praong piah jeng he sinh thai kinh te so meng bhum palei. TPHCM urak ini hu 425 HTX, 2 lien hiep HTX saong 1.232 kapol nyaom tut agan ngak bruk.

Dalam mbang tabung glaong 45 harei malam taong tame, mek kareik kol duas, Jabat Canh sat hinh su Kong an Ban raya Ho Chi Minh bahrau taong tayah sa kapul urang co klaik, pataom blei dauk mayao biak praong piah pajeng ba, pablei rilo tinh. Tapa bruk duah thau, kapul kong an hu duah mboh saong da-a mai ngak bruk haong rilo menuac urang hu pambuak, mbang akaok meti brei thau kapul ini peih bruk padang gaiy, pataom blei mayao meng rilo bhum dalam labaih 3 thun tapa. Meng panuac khan di dom urang, Kong an Ban raya Ho Chi Minh hu peih praong bruk pasang duah saong pasang iek sa labik pataom di tinh Tay Ninh. Taong abih mayao hu duah mboh, daong paklah saong pataom khik dalam luac tukvak pasang duah mbang akaok meti tagok tal 500 drei, brei mboh ka bruk ngak di jalan talei ini lac biak praong.

Dah page harei 12/6 tui tukvak pak Viet Nam, FIFA World Cup 2026 hu pakacah di mblang caoh mbanh dat blong Azteca, Mexico. Bruk ngak ka rilo urang catuah drei nan oh lac dom kadha parang iek biak gheih mekre bo tukvak peih papak biak drak. Danak dak sen ini nghe thuat  di Mexico saong Nam Phi dui atah 16 minit, salih ka labaih 25 minit tal 30 minit yau dom mbang World Cup jaik ini. Yaom lac tukvak biak katut, FIFA kham merat  peih ngak danak dak akaok  biak gheih mekre meta urang mong iek saong hadar abih, kayua hu ba ilamo tame saong alat ragam chreih chrai.

Kapul Y te Dunya (WHO) harei 11/6 brei mboh ka kanjah jhak di jit ruak Ebola pambak tal chau Au saong dom negar dang peih World Cup 2026 lac biar, dalam tuk yai caoh balaong hu peih ngak di Mỹ, Canada saong Mexico. Tui bruk kuhria mboh bahrau abih, CHDC Congo urak ini hu 676 urang njauk ruak Ebola; Uganda brei mboh 19 urang ruak. Kapul Y te Dunya brei mboh lac, oh brei ngak dom jalan ngak brei patakik nao mai pambuak tal jit ruak Ebola min rahra brei takik nao tal dom labik daok tamuh ruak meyah biak lac oh njauk hu. Kapul Y te Dunya jeng ieu da-a bhap bini dunya plaih bruk jhak hatai haong dom urang njauk ruak Ebola atau dom urang mai meng negar daok hu jit ruak.

Quoc hoi Latvia harei 12/6 khan tapa mbang pauac abih hukum tame negar birau, tui nan patagok biak ralo jalan pasang iek saong ramik pasiam tui hukum tame negar, daok veik di bhap bini negar langiu Lien minh chau Au( EU). Hukum birau brei adat ka urang negar angiu meda brei harak ba-ar labik daok  tukbak tagok tal 5  thun tapa dom danak dak  buh jien tame ngakmbang; urang tame negar  brei thau khaw tin cambaic laic ka mbang nao saong bruk daok veik  dahlau brei harak adat. Langiu di nan, hukum birau ngak catang bruk palih ruah urang ngak meng negar langiu EU tame ngak dom bruk ngak mbon mbiah, pakhang bruk taong phat bruk ngak suan hukum negar saong tui iek catang gah pato pakai./.