Labik parang 80 thun An ninh rahra – hala pacang gandi gandang, rah tabiak meng harei 11 tal 14/6, di jalan nao tabak takai Nguyễn Huệ (Ban raya Ho Chi Minh). Danak dak ini ndih dalam chuoi danak dak hu makna Negar sron mbon salamat. Labik parang rilo thaik binguk, harak gal, ndap nda banrik saong ilamo kong nghe bahrau. Dalam labik parang iek, urang maong iek daok hu ba drei tame pandar ilamo kong nghe bahrau, daong rahra thau cambaih jang ka dom asal kadha an ninh dalam raidiuk yaok harei yau ye an ninh mang, pacang caga chot pagat online, ilamo kong nghe UAV, camera hadah krah, ilamo thau ka kol duas kong nghe glaong, hukum ka an ninh siam mekre, pasang iek tabiak tame saong dom kadha bhian ka Kong an Ban raya ka raidiuk sron mbon salamat di rahra.

Urang K’ho daok khik hu gilang alat ragam ngak meng dom janih meng ceik glai yau: krein la-a, kayau, patau, take saong kalik kubao…Yaok janih alat ragam siam gheih karei di gauk, pambuak pagam haong dom ilamo gheih mekre karei di nyu. Dalam nan, alat ragam kong chieng  lac suan yawa di dom adat cambat. Di gah meraong Lam Dong, urang bangsa K’ho diukrai di dom xa Dong Giang, La Dạ, Hàm Thuận Bắc, Phan Sơn, Bắc Ruộng, Đồng Kho. Gam haong apuh ye ngak yang mebang meng kan, sap chieng, sap hagar, pasar, sap raklaiy mbuot hatai hagar sagơr urak ini daok hu mboh dalam bhap bini yau hadar veik saong khik ramik ilamo. Langiu di nan, urang K’ho  daok khik hu dom kadha daoh tamia ndam gam dalam raidiuk jeng yau roya di puk palei. Tui sa-ai Lê Trung Chính - akaok Jabat  Ilamo xã hội xã Đông Giang, bhum palei ini hu 2 kapol nyaom kong chieng Đông Giang saong Đông Tiến hu 40 urang.

Harak Time Out bahrau ba tabiak bruk ramik dak Dom ban medin kaya mbang bangi abih di thun 2026. Dalam nan. Ban raya Ho Chi Minh dang ka 6 dalam harak angan, brei mboh prein dui pachreih dak harei dak praong dalam harak labik kaya mbang dalam dunya. Time Out ndom lac thun 2026, kaya mbang Ban raya Ho Chi Minh oh daok di bruk “brok tagok” bo hu yam tame tukvak ngak cambaih laih, patagok taphia gauk di kaya mbang jalan mbak bhap bini saong dom kaya mbang glaong pakat urak ini. Tui bruk roh duah hu labaih 24.000 rahra dalam dunya hu taong yaom meng kapul urang ilamo gah kaya mbang di Time Out, Ban raya Ho Chi Minh mek hu tanut 70% tanut taong yaom meng kapul urang ilamo, dlaam tuk nan 75% rahra dalam bhum ndom lac mbang huak menyum ia dalam ban raya lac “siam” atau “biak bangi”.

Pamong tal bruk pahadar 50 thun ban raya Bai Gon-Gia Định pok meyaom angan Chu tich Ho Chi Minh (1976 - 2026), kadha ngak xiec, tamia roi hu angan “Mơ Show” hu UBND TP.HCM tacei pato, So Ilamo Padhih the thao TPHCM buh jien tame, Pasak Nghe thuat  TPHCM peih ngak. Ini lac kadha parang iek biak praong, hu peih ngak di Rạp xiếc  saong parang iek đa nang Phu Thọ - danak dak ilamo nghe thuat di ban raya. Kadha nghe thuat xiec roi hu padang ngak biak gheih, hu ba ilamo kong nghe tame, gam ngak xiec, roi, mapping. Hu mbaok di kapol nyaom nghe si naih joi Viet Nam saong dunya, Mơ show dak dalikan ngak urang druat druai. Dom mbang parang iek pablei harak ve Mơ show meng harei 20/6, kuhria meng mon 10 tuk harei sanecar saong harei adit.

Rilo danak dak “Gaok tame drap ar – Inem krung ban medin” hu Kadung jien Daong khik ramik drap ar ilamo Viet Nam, nen tang Tiktok pambuak saong So Ilamo saong Pahat padhih Ban raya Ho Chi Minh saong Kongti TNHH Ia Menyum Suntory PepsiCo Viet Nam dang ngak. Ini lac danak dak livestream biak praong piah yaih khan ilamo, drap ar nao tal jaik janghaong bhap bini sit thun umo. Dalam bilan 6 saong 7-2026, danak dak hu pamedeih 3 phuong ndung bak mbaok meta di Ban raya Ho Chi Minh yau ye: Sài Gòn, Bến Thành saong Chợ Lớn. Tapa dom mbang livestream di angaok Tiktok Drap ar Viet Nam, urang maong iek hu daong haong dom urang paneh asal kadha naih gheih yau ye Nguyễn Đức Huy, Hưng Lương, Mỹ Thiên… duah thau dom danak dak thaik thaot sang danaok, labik ilamo saong dom kaya mbang hu angan pagam haong angan je di yaok bhum palei.

Anak bruk caoh mbanh dat blong World Cup 2026 di Mỹ, Canada saong Mexico, bruk pakacah alat ragam panjiak tagok hu rilo kadha daoh pataom hu rilo urang danei angan di dunya. Meng Shakira, Lisa (BlackPink), Andrea Bocelli, David Guetta,... tal mang iShowSpeed, yaok radaoh hu ba tui kadha siam gheih karei,  rik tame ngak jeng bruk chreih chrai ka harei caoh mbanh  praong di dunya. Dalam dom kadha daoh njauk caik hatai lac bilan World Cup thun ini, Dai Dai di Shakira saong Burna Boy hu rilo urang takre abih. Kadha daoh birau, pachreih kham merat, jum pataom saong caong khin mek hu jayak. Njauk ndem tal, puac kadha daoh hu ndem tal rilo damnei ka mbang caoh mbanh di dunya.

Tuk World Cup 2026 daok rah tabiak, paok pataom khik dalam 10 thun di dua urang CĐV Croatia taduan hu bruk caik hatai di urang chreih takre caoh balaong. Ini lac sa dalam dom paok pataom khik kaya di caoh balaong chreih takre abih ngan haong labaih 6.000 blah ao caoh balaong gam haong yaok rituh thaong takhaok, baoh balaong, papaok tangin saong rilo kaya karei. Dalam dom kaya kan si duah abih hu blah ao di urang caoh balaong negar Duc hu angan Franz Beckenbauer cuk dalam mbang caong balaong haong negar Nam Tư di thun 1974. Tui dua urang CĐV pataom khik kaya ini, yaom kaom dom kaya ini hu yaom meng 3 tal 5 trieu euro.

Dom urang ilamo birau  duah mboh sa “ ghor ikan lamen”  praong di ala tathik Dong Nam An Do Duong, labik dom talang ikan yaok trieu thun daok raong dom sinh thai ala tathik saong kandauk. Labik nan duha mboh  dalam ala ia tathik tal 7 km. Ini lac ghor talang ikan lamen praong abih, dalam abih saong lavik abih meng tuk duah mboh. Dom urang ilamo oh ka thau habar talang ikan lamen pataom di labik ini ralo yau nan. Hu kadha langyah  ikan nan diuk rai labik ini saong metai tui umo di nyu./.