Mentri Kong thuong daok mek panuac ndom meyai ka du thao Thong tu brei adat pakacah, pabak harak brei peih nduac radaih; pabak, brei pandar harak peih nduac radaih pakat dunya. Dalam nan ba tabiak panuac brei patakik tukvak brei harak peih nduac radaih meng 7 harei trun 3,5 harei. Patrun tukvak pabak harak brei peih nduac radaih hu pabak di bruk ndien tu, bruk rahra hu hatai caong khin ye meng pabak harak peih nduac radaih meng kaya PET.

Dong Nai pataom tame ginup dom bruk lagaih piah hu jeng pasak bhum taneh pala phun mbang baoh kaya bingi di taneh ia, dalam nan hu baoh kruac bung, hu jaik 11 ribau hecta. Amuk Trần Thị Minh Hà, Akok Kalup kapol Doanh nong Viet Nam brei thau, kalup kapol brei palih ruah Dong Nai piah peih pagam 6 gah. Tui nan, pamong tal bruk padang  di Dong Nai dom bhum taneh pala kruac bung baoh praong siam, sumu gauk, brei rilo baoh, tani tanat, ginup pabak ka darak pasar dalam saong pablei ka negar langiu.

So Kong thuong Ban raya Ho Chi Minh peih pakak 2 labik pablei ralaow pabui meyao meyit tapa Labik Meyao Meyit ralaow pabui saong pagam “tick hijao ka bruk ngak” di darak Tan My, quan 7 klak. Ini lac bruk pablei ralaow pabui bahrau, mbang akaok meti hu peih ngak dalam negar. Piah peih praong bruk ini dalam tukvak anak tal, ralaow pabui pablei di angaok labik brei kataok tick hijao bruk ngak nan hu pasang iek asar siam yau ye: raong glang njauk tanut chuan, thik ralaow njauk tanut chuan, pajeng njauk tanut chuan…khik kajap salamat hacih sa-at kaya mbang.

HĐ Bhap bini tinh Vinh Long brei tapa Sarak njauk hatai ka jalan padang 16 phuong birau di tinh. Ong Nguyễn Minh Dũng, Akok HĐND tinh Vinh Long  khan lac, bruk padang 16 phuong lac njauk, lagaih haong bruk tacei pato patagok  ban medil, peih praong bruk khik iek ban medil saong paglong  bruk ngak tui bhum palei tui jalan ilamo, salih birau.

Bilan pandaik thun ini, dam dara Dak Lak peih bruk bilan pandiak taka so ngan haong dom bruk daong salih taka so, tacei ba ka tri tue nhan tao saong daong haong karja palei. Bruk ini brei pataom tame bruk di dam dara dalam salih lek taka so, bruk binh dan hoc vu taka so, tacei ba ka tri tue nhan tao saong daong karja palei ngak dom harak gal karja, pabak jitvu karja. Bingun ini tinh ndoan hu jao 20 paok jien pachreih bac alin ka anek saih truh tapa kan kandah bac megru naih joi; peih bruk pasang iek ruak, brei jru oh mek jien ka 200 rahra.

Page ini, di Tokyo, Kapol nyaom Tuong lai Chau Á mbang 31 hu peih pakak. Ini lac nyaom pataom ndem biai pakat dunya yaok thun hu angan je kayua kapol pathua khan Nikkei di Nhat Ban peih bruk meng thun 1995. Bruk pataom dom urang ngak praong  di gah chinh tri, kinh te, urang ilamo dang akaok di bhum chau A - Thai Binh Duong saong dunya piah ginum biai ka dom bruk  brei ngak samar chip di chau A angaok dunya ini. Bruk Viet Nam  hu mbaok yau taong yaom lac rik tame biak praong bruk ini.

Thuy Dien kuhria brei pakauk pandar smart phone dalam sang bac meng bilan bhang thun bac anak tal. Meng thun 2023, Rajaei Thuy Dien hu jhul tagok sarak patagok tukvak puac tapuk saong patakik bruk pandar smart phone, njauk ndom lac di uranaih. Urang jakar negar ini ndom lac prein puac tapuk saong vak akhar daok patakik, nan njauk brei caik dahlau ka tapuk saong jalan bac megru bhap bini. Bruk ini jeng rah tabiak di rilo negar karei.

Kadung jien daong ka urang padeih hưu saong gauk gar di Mỹ meda abih di puac thun 2032, samar jang dut sang kuhria dahlau di nan. Hadei  kadung jien piah caga  abih, kadung jien bhian thun ginup bayar ka labaih 78% dom kein laba tui hukum ba tabia. Bruk nan yau brei mboh urang mbang tui sarak meda cakak trun labaih 22% jien daong padeih hưu yaok bilan meyah  Quoc hoi oh hu jalan pacang caga./.