Ban raya Ho Chi Minh daok padang du thao Hukum Ban medin karei crih ngan haong jalan ngak jeng hukum naih gheih, tani tanat suai atah ka ban medin praong abih dalam negar. Du thao ba tabiak hu rabha ralo adat, hu jaik 300 thẩm quyền jao ka HĐ Bhap bini, UB Bhap bini saong Akaok UB Bhap bini Ban raya. Du thao hukum hu padang tui jalan sahaneng “bhum palei kham merat, bhum palei ngak, bhum palei ciuk bruk di drei”, pamaong tal bruk padang sa labik patagok bahrau, paglaong bruk srap gap saong bruk ngak di karja ban medin.

UBND tinh Dong Thap birau khan brei thau bruk quy hoach tinh meng thun 2021 tal thun 2030, pamong tal thun 2050. Quy hoach 5 bhum kinh te - xa hoi nan lac: Bhum kinh te - xa hoi pasak kraong Tiền; Bhum Kinh te - xa hoi Gah Meraong kraong Tiền saong Barak kraong Hậu;  Bhum kinh te ngak nong sinh thai Dong Thap Muoi; Bhum kinh te tathik; Bhum kinh te - xa hoi taphia negar. Hadei thun 2023 roh duah kuhria iek bruk panduan ba salih labik hanh chinh tinh nao bhum Cái Bè.

Bol lin Bien phong tinh Vinh Long pambuak haong pakat uy, karja palei xa Bảo Thạnh jao 2 baoh sang anit ranam ka baoh sang kan kandah dalam bhum tapen tasik. Danak dak hu makna gheih ghang siam mekre praong dalam, brei mboh hatai sahaneng “harak siam papaok hala taik”, bruk sangka di dom pakat, dom gah, gah ngak mbang pablei salih gam haong kapul Bol lin Bien phong sangka ka raidiuk di bhap bini rahra bhum tapen tasik.

Sở Ilamo, The thao saong Yulit tinh Lam Dong pambuak haong Tong Lanh su quan Ấn Độ peih adat ba  Labik Ilamo Ấn Độ tame ngak bruk. Labik Ilamo Ấn Độ hu padang ngak piah jhul pakhang pambuak ilamo, pato megru saong pambuak bhap bini Viet Nam saong An Do; pabak bruk duah thau, bac megru, roh duah ka taneh ia, anek manuac saong ilamo An Do di bhap bini, njauk ndem tal anek saih, sinh vien. Ini taong yaom lac makna siam gheih, rik tame pakhang bruk hu thau jang ka ilamo saong pambuak talei rohim di bhap bini dua taneh ia.

Meng bruk pasang duahmboh sa urang randap mahu pandar jru phil peih bruk pablei sit di tinh Binh Duong klak, Jabat canh sat pasang duah kol duas ka jru phil (PC04) Kong an Ban raya Ho Chi Minh hu padang chuyên án, pasang duah peih praong saong taong tayah jak jeng jalan talei jru phil praong ngak bruk pambuak tinh, mek kareik saong kaoh duas taong abih 140 urang. Kaya ndap nda pataom khik hu labaih 9kg jru phil rilo janih, 11 cân tiểu ly, 40 kaya ndap nda pandar jru phil, 2 radaih oto, rilo radaih moto, labaih 70 smart phone gam haong rilo harak gal, kaya hu pambuak tal.

Cảnh sát Thái Lan daok patui peih praong bruk pasang duah, chap mek veik hu rilo urang duis dalam mbang duah mboh gilang khik piah phao siuk gah bol lin biak ralo padauk dalam sa baoh sang pah di sa urang negar langiu di tỉnh Chonburi harei 9/5. Langiu pablei vu khi phao karong, dom urang nan daok pambuak tal bruk blah mek drap ar tapa mang, ngak khat lahik labaih 815 trieu bat (sumu balaih 25 trieu USD). Canh sat Thai Lan khan lac, dom bruk mek pataom brei mboh pambuak cambaic laic haong dom urang pachot pagat di Campuchia.

Uy mban Truyen thong saong Da phuong tien Malaysia hu payua caong khin hukum tal nen tang mang xa hoi TikTok, ndom lac ung dung ini oh hu jalan langyah dil samu saong ngak njauk ngan haong dom asal kadha puac pa-ua, ngak jhak tal angan je tame che do quan chu di negar ini. Malaysia daok kak kajap pasang iek ngan haong dom kongti mang xa hoi dahlau tuk patagok oh lagaih di dom asal kadha online kanjah jhak.

Yaok rituh bhap bini cih mbaok meta ginup sambo mau chiat tamia, tui sap hagar Khmer biak chreih sambai dalam adat ngak yang lukau hajan biak gheih di sa palei di ban ine Phnôm Pênh, Campuchia. Adat dui atah 2 harei, hu bhap bini khik saong ngak tui luac yaok rituh thun di tukvak akaok bilan hajan - tuk jaik tame bilan pala padai ia, janih phun pala brei hu rilo ia./.