Bi thu Trung uong Ndang, Phaok Thu tuong Phạm Thị Thanh Trà ndom meyai lac, hu ginup asar kadha bruk ngak brei mboh ka labik kubo hu labaih 900 tal 1.000 bol lin klak rup drei di Tet Mau Than -nethak Tra thun 1968 di Bein bangu Lê Thị Riêng, Ban raya Ho Chi Minh. Phaok Thu tuong jao ka UB Bhap bini Ban raya Ho Chi Minh samar chip pambuak haong Mentri Quoc phong, Quan khu 7 saong dom jabat hu pambuak padang tabiak jalan ngak taong abih, samar drah brei mboh njauk labik dom kubo rilo bol lin meng kal. Kham merat tal bilan 7/2026 brei peih bruk roh tagok ba nao palei, baoh sang saong ayut cuai bol lin.

Ong  Lương Quốc Đoàn - Akok Kapol urang Ngak nong Viet Nam pakat negar khan lac, Kapol urang ngak nong ba tabiak bruk 5 thun tra brei daong padang 5.000 doanh nghiep ngak nong. Hu labaih 3.300 don vi pakat xa di dalam negar, kuhria yaok xa padang labaih 1,5 doanh nghiep dalam luac tukvak ngak bruk. Ini lac bruk hu siam lagaih. Piah ngak hu bruk nan, yaok thun pato hu labaih 50.000 urang ngak nong pala drak, pablei salih naih joi, pataom tame  dom gah  khik iek doanh nghiep, kinh te, salih pandar taka so,  ngal tabiak kaya kan.

Tinh Gia Lai bahrau peih Bruk ngak tabung glaong 90 harei malam ngak Danak dak Sang bac Pho thong gam daok gam bac pambuak pakat Tieu hoc saong THCS di 7 xa tapen negar di tinh, hu taong abih jien buh tame labaih 1.516 ty dong. Tuk salah blaoh, danak dak brei duh labaih 7.000 anek saih. Urak ini danak dak ini brei salah blaoh labaih 50% bruk ngak, min, hu 7 sang bac urak ini jeng daok suai tukvak ngak tal 52 harei dut haong jalan kuhria.

TPHCM meda oh brei padang kapal yaih khan di taneh khik caga, jalan nao tabak; tui nan pasang iek, ramik abih dom danak dak meblah taneh tapen jalan, jalan pacang oh hu salamat, bruk ini brei ngak salah dalam 3 bilan puac thun. Taong abih TP.HCM urak ini hu jaik 1.000 danak dak yaoh khan di taneh tapen jalan saong dom labik pambuak tal jalan mbak nao mai. Yau nan min, rilo danak dak yaih khan meblah taneh tapen jalan, pacang jalan nao mai, oh lagaih ka urang nao tabak saong ngak kan kandah ka bruk khik iek ha tang dalam ban raya…

Urak ini tame bilan hajan ribuk, bruk jaleih ar tasik di labik Bhum taneran kraong Cuu Long daok rah tabiak srau kadau, ngak ka glai pacang caga tapen tasik lahik rah rah, ngak kan kandah tal co so ha tang, labik daok rahra. Di tinh Vinh Long, meng akaok thun tal ini, hu 38 labik jaleih taneh, jaleih ar kraong, ar tasik hu atah labaih 4km, ngak kan kandah tapak tal 67 baoh sang rahra, kuhria khat lahik jaik 7 ty dong. Di tinh Ca Mau glai pacang caga di rilo labik lapih rah rah, rah tabiak bruk jaleih ar tasik biak trak saong hu rilo tagok, jaleih taneh atah labaih 56km.

 Thụy Sĩ peih bruk duah thau hatai sahaneng di bhap bini di harei 14/6 piah ba tabiak  bruk  brei kuhria padeih taong abih 10 trieu bhap bini atau oh. Bruk duah thau hatai sahaneng di bhap bini dang anak rilo bruk kamelah gauk, sa gah daong ka bruk brei urang negar langiu tame saong sa gah oh njauk hatai kayua  huac bhap bini raha umo taha, kurang urang ngak bruk meng negar langiu.   

Daok dalam bruk mesuh metak haong Israel, Iran brei mboh ka mbang ndom meyai di negar ini saong My jeng daok rah tabiak. Tong thong Iran brei mboh bruk brei caik dahlau di Iran jeng daok ngak jeng bruk sron mbon salamat piah patagok. Gam tuk nan, Thu tuong Pakistan jeng patabiak bruk brei mboh ka kham merat ndom meyai di Mỹ-Iran jeng daok peih ngak. Jalan ngak puac abih di btuk ndom meyai jaik mek hu. Kayua nan, dom gah brei ein rilo abih piah brei kein lagaih praong jang ka bruk salamat.

Dom urang hu kaya drap ar meng 1 trieu USD tagok di chau Phi tagok khang dalam thun 2025, dalam nan  Maroc hu bruk patagok glong abih di dalam bhum. Dom urang ilamo  mboh lac bruk hu rilo urang kaya meda di chau Phi brei mboh  bruk pataok di dom gah kinh te praong saong bruk lagaih meng darak pasar. Yau nan min, bruk kathaot kaya meda daok atah di gauk ngan haong rilo taneh ia di bhum taneh ini./.