Kuhria tal ini jabat chuc nang duah mboh 9 talang liet si di bein bingu Lê Thị Riêng-TPHCM. Yau nan min, urak ini hu sa atau talang liet si meda thau lac di liet si Huỳnh Văn Quên hu kaya kan gam harak hu vak angan labik ngak bruk.  Harei ini, Bo Tu lenh TPHCM  pambuak haong Bo Chi huy quan su tinh Tay Ninh  mek mau ADN di gauk gar liet si Huỳnh Văn Quên. Gam haong nan, Bo Tu lenh TPHCM samar mek mau ADN di talang liet si Huỳnh Văn Quên.

Anak khaw tin Gah Y te dunya (WHO) khan brei thau sruh jit ruak meng gilai yulit MV Hondius pacang hu siam, Mentri Y te Viet Nam khan brei thau mbiah tal ni oh hu thei ruak kayua virus Hanta, oh urang Viet Nam pambak ruak di gilai MV Hondius. Yaom lac ruak njom mbak meng sruh jit padeih, Mentri Y te kakei bhap bini  brei pacang caga ruak njom mbak meng athur tapa manuac. Bhap bini  brei nao tame balai iek ruak tuk hu dom ruak yau pandiak, pandik talang,  glaih glar, pandik tian, patuk, pandik ta-da atau kan suak yawa hadei nyom mbak piah dut iek ruak hu sumu.  

Phuong Bình Qưới (TPHCM)padang bruk “ Labik tame angka so saong harak gal hanh chinh online” di  labik bhap bini,  caong khin ba jit vu kong online saong dom lagaih pandar taka so mai jaik bhap bini. Di labik ini, bhap bini brei pagam saong pandar dom ung dung brei payua 17 thu tuc harak gal online di labik drei daok ralo bruk yau ngak hộ tịch, tut angan baoh sang pablei salih, daong jien ka manuac urang, labik daok...Bruk ini, rik tame paglong bruk pandar taka so saong ba mbuan lagaih ka bhap bini hu pandar dom jitvu harak karja di labik daok.

Dalam tinh Cà Mau hu 1.238 urang jakar, kong chuc, vien chuc lac urang bangsa takik, meblah 3,76% dalam taong abih urang jakar dalam tinh. Bruk ini daok takik saong ilamo ngak bruk oh ka sumu gauk. UBND tinh Cà Mau ba tabiak bruk quy hoach suai lavik, pato pakai, pabak ilamo, brei urang jakar saong pandar  urang jakar kong chuc, vien chuc lac urang bangsa takik vaktu 2026 -2030. Dalam nan yaok thun, hu takik di nyu 15% urang jakar  bangsa takik hu bac  megru dom tal bac paglong ilamo ngak bruk.

Jabat Canh sat pasang iek Kong an tinh Gia Lai ba tabaik kaoh tui hukum 16 urang ka bruk “ Ma-in mbia” tapa bruk ca ndo caoh mbanh dat blong tapa mang internet. Camereip, jabat pasang iek kuhria abih tih jien meyao meyit tapa jalan ini labaih 100 ti dong. Bruk ini daong ka dom urang padauk, pambak tame  internet piah pambak prang bruk ca cuoc, mek jien tame biak ralo.

Rajaei Đức kuhria caga brei salih birau jien bilan padeih hưu, dalam nan brei tagok umo thun padeih hưu meng 67 tagok 70. Tui nan, Đức brei padeih dom danak dak padeih hưu aval  yau urak ini saong ba dom jien rik daong tame jeng kadung jien ngak mbang kayua karja khik iek. Tui jabat chuc nang, dom urang padeih huu aval ndua nong trak kadung jien bilan padeih hưu saong ngak kurang urang gak bruk naih joi njauk brei ngak.

Hajan praong dui atah ba tal Mumbai saong rilo bhum palei jaik taphia An Do gaok  bruk klaik klaoh, dom mbang karei hu manuac metai, ia dauk, glut jaleih saong gal tavak jalan. Karja ban ndo thi Mumbai brei kakreih bambang sang bac piah khik brei salamat ka anek saih, sinh vien. Bhap bini hu kakei njauk hu bruk meng tabiak gah langiu saong iew phone di ban raya meyah hu bruk daong samar chip.

Urak ini, dom urang metai dalam mbang tayun megei baoh taneh ngak metai lahik Venezuela tagok jaik 3.000 urang. 12 harei hadei mbang tayun megei taneh gam gam, dom kapol nyaom daong dom kapol nyaom di Mỹ saong dom kapol di Nam Mỹ - daok tamat bruk duah daong urang daok diuk, dalam tuk nan dom baoh sang daok kham merat duah gauk gar dalam patau kayau kateik tagok. LHQ kuhria mboh dua mbang megei taneh ngak khat lahik tagok tal 6,7 ti USD, sumu 6% GDP di Venezuela.