Meng harei 15/5, Sarak 90 di Rajaei hu brei pandar, brei adat ka tanut taong bhat ngan haong bruk njul pakao hala ndien tu saong njuk pakao hala di labik rahra. Tui nan, njuk pakao di labik njauk pakauk brei taong bhat meng 200.000 tal 500.000 dong. Njauk caik hatai lac, bruk njuk pakao hala ndien tu, pakao hala pandiak hu taong bhat meng 3 tal 5 trieu dong. Urang brei ka urang kakrei njuk pakao, njuk pakao pandiak dalam labik daok di drei jeng meda njauk taong bhat tal 10 trieu dong.

Piah ngak tabiak truac bung saong kruac aih tapa Trung Quoc, Mentri Ngak nong - Alam moi truong caong khin dom karja palei samar brei ma so bhum pala, salah harak gal ho so dahlau harei 30/5, oh ngak kan kandah tal bruk ngak tabiak saong bruk ngak mbang. Dom bhum palei jao brei bruk ngak ka dom don vi njauk bruk ngak, tui nan peih bruk pasram patia pakat xa piah langyah dom bruk tavak ka urang jakar ngak bruk di labik, oh lac pablei tabiak darak pasar  bo oh hu ma so piah pablei tabiak.

Rilo bilan ini, darak pasar baoh menuk ada di dom tinh Meraong Negar patrun biar, hu meng 2.200 - 2.500 dong sa baoh, dalam tuk jien buh tabiak tagok rilo, ngak ka dom labik raong khat lahik dui atah. Oh takik baoh sang njauk patakik tapol, pablei tapol meduk, gaok mai khan pablei labik raong piah hu jien. Dalam bruk ini, dom urang ilamo pachreih kakei baoh sang urang ngak nong brei ngak tani tanat dalam bruk raong gilac veik tapol menuk, plaih peih praong bruk ngak mbang ta-eng peih ngak. Gam haong nan, gah ngak mbang pablei salih brei jhul khang bruk ngak tantu saong patagok pablei tabiak dom kaya meng bruk raong menuk ada piah patagok yaom kaom, patrun kateik geik ka darak pasar dalam negar.

Anak bruk njom mbak sraw kadau virus hanta di rilo taneh ia di dunya, urang brei panuac Mentri Ngoại giao mboh lac, mbiah tal ini Viet Nam oh hu thei njom virut hanta. Viet Nam brei pathau khan khaw tin jit ruak di dunya saong peih ngak bruk pasang iek jit ruak di tapen negar, brei tui pasang iek catang jit ruak meng pabah negar saong di dom labik iek ruak, jru ruak, ngak hacih gam kuhria ngak dahlau dom jalan pacang  caga jit lagaih piak plaik njiak virut hanta njom tame Viet Nam.

Pasak Pasang iek ruak hakik Ban raya Dong Nai bahrau hu urang metai kayua ruak meruai. Urang metai lac sa urang lakei umo 72 thun, daok di palei 5 Bom Bo, xa Bom Bo. Bruk njauk duh hatai lac oh ka thau njom mbak meng halei. Urang dalam sang brei thau lac tuk mboh njauk ruak, urang ruak oh khan ka bruk njauk asau mayao atau athur karei kail, blac atau lah tagok inem mbaik saluah laka. Meng akaok thun tal ini, ini lac bruk metai ka dua kayua ruak meruai di Dong Nai.

Tui pathau khan di Nha Trang ka bruk taom gaok pakat glong Mỹ - Trung harei kabroi 14/5 di Bắc Kinh, Tổng thống Trump saong Po negar Tập Cận Bình njauk hatai lac “ eo tasik Hormuz tuk halei jeng peih saong Iran oh panda vu khi hat nhan”. Dahlau di nan, bruk Iran cakak dahlau tuk mbang nao rivang Trung Quoc  di Tong thong Trump, ba tal mbang nao rivang kadun veik 6 adit.

Indonesia daok jhul khang jalan salih tapa nang luong hijao saong ba tagok panuac daong yaok trieu radaih moto ndien. Dalam nan Rajaei srap gap daong ka 100.000 oto ndien saong 100.000 radaih moto ndien dalam thun ini. Ngan haong radaih moto, tanut daong brei lac 5 trieu rupiah (samu 8 trieu VNĐ) yaok sruh, urang blei radaih ndien hu patrun jien je yaom kaom tagok tal 100%. Dom jalan ngak ini hu caong takre patakik bruk blei tame xang menyek dalam tuk yaom menyek jeng daok di tanut glaong.

Labaih 19,5 trieu urang Sudan, sumu labaih 40% bhap bini taneh ia ini dang anak bruk iek lipa trak. Mac jamraih Parabha Khik ginup kaya mbang IPC kakei dahlau 825.000 uranaih  mbuan lavang lavaih, tuk rah tabiak bruk kalin kan saong kurang kaya mbang ba tal bruk pajeng ba daong gaok kan kandah. Bilan hajan jak mai tal, laik tame bilan pala takik lagaih, kuhra mboh dahlau meda ngak kan kandah jang./.