Meng harei 5 bilan 8 anak tal taong pahat glong mbiah tal 100 trieu dong. Ini lac asar kadha di Sarak 211 di Rajaei birau ba tabiak. Tui nan, ngak suan dom kadha dalam bruk raong glang, pablei tabiak, blei tame kaya mbang raong athur hu jru pacang ruak, jru mek, kaya sinh hoc, vi sinh pakauk pandar dalam kaya mbang, taong phat biar abih lac 5 trieu dong, glong abih lac 100 trieu dong.

Jaik 80 kaya kan, blah thaik binguk saong harak gal di Labik parang iek “Khol dahlak, dom kraong ia Meraong negar”, daok dak dalikan ka dom kraong ribaong Meraong negar, meng halau gha tal ndo thi salih birau. Dom kaya kan, thaik cih, thaik binguk saong harak gal hu prang pambuak mai meng 4 gilang khik piah di TPHCM, nan lac: Gilang khik piah drap ar sajarah dak rai TPHCM, Gilang khik piah drap ar TPHCM, Gilang khik piah drap ar kaya kan Urang kumei Meraong negar saong Gilang khik piah drap ar My thuat TPHCM. Mbang parang iek ini ngak hadah tagok dom bruk siam gheih di dom kraong ribaong Nam Bo, hu rilo kraong ribaong di bhum Taneran kraong Cuu Long tal dom bruk langik salih karei di medil do thi birau.

UBND tỉnh An Giang peih bruk “ Pasang iek, ngak hacih, padang dữ liệu; ngak căn cước, tai khoan định danh dien tu; So dut iek prein yawa di ung dung VNeID” saong pabak jit vu karja hu lagaih jang ka bhap bini dalam 85 harei. Piah ngak bruk hu siam lagaih, Akok UBND tinh An Giang iew brei peih ngak bruk tui jalan sahaneng “ngak tal halei kajap karo tal nan”, parabha bruk cambaic laic piah hu 13 bruk  ba tabiak. Dalam nan gah bol lin urang jakar, kong chuc, vien chuc, dang vien brei ngak dahlau, ngak salah ka rup drei eng, baoh sang saong jak ba bhap bini tame ngak.

Lambaok Kapol urang pasang iek di Uy ban Ilamo saong Xa hoi di Quoc hoi birau ngak bruk haong dom so, dom gah tinh Dak Lak ka bruk peih ngak sarak, hukum khik iek uranaih angaok mang. Meng thun 2021 mbiah tal ini, Dak Lak peih 27 tal  pasram bac adat ka uranaih, pacang caga taong paoh, rambeik rambai uranaih saong bruk khik uranaih angaok mang ka jaik 2.000 mbang urang jakar. Jabat chuc nang taduan, langyah labaih 150 uranaih gaok urang ngak jhak tal rup pabhap. 

Meng akaok thun mbiah tal ini, Sang iek ruak Da khoa Tay Ninh, hu 8 mbang urang njauk jru mek kayua mbang bimao. Dom urang ruak rilo tagok meng akok bilan hajan, pataom tame dom bilan 5 saong 6. Tapa pasang iek jit ruak, kayua mbang bimao mek ruak. Yau nan ye, gah y te kakei bhap bini  juai paik bimao ngak mbang atau  pandar dom janih bimao meyah oh tahu cambaic laic kayua rilo janih jru mek kan mong mboh di meta.

Tong thong Han Quoc Lee Jae Myung khan brei thau ong jia “caong khin hu siam” ka bruk pambuak veik ndem biai nao mai saong pambuak Trieu Tien. Tui nan, brei mboh veik bruk sanya  di drei hoang bruk kham merat piah padang bruk salamat haong Trieu Tien. Tong thong Hàn Quốc ndem tal harak Tuyen bo pambuak Trieu Tien hu khan di harei 15/6/2000, nan lac bruk ngak bo ong khan brei thau meda yam tapa bruk cuang kandah di Trieu Tien, peih tabiak bruk  ndem biai saong pambuak veik.

Hadei dom mbang pasang iek, canh sat Indonesia brei panuac tamat ka sa baoh sang hu 4 urang metai tuk nao padang kadai tuan cắm trại di huyen Temanggung, tỉnh Trung Java nyom thak CO mek ruak. Tui canh sat di bhum palei ini, baoh sang hu 4 urang pandar ging meng dang piah am ralaow, hadei di nan urang ba tame padai tuan daok apui piah khik am ndih melam. Cảnh sát khan lac thak CO daok dalam kadai tuan kareih sir tuk dom urang nan ndih var.

Urang ilamo kakei dahlau bruk khat lahik saong palai pajua kaya mbang  rik tame jhul pasamar ngak pandiak tagok di baoh taneh. Tui Dom gilang Pariak kaya mbang di dunya, urak ini hu labaih 30% thak methane tathuak di dunya mai meng hareik huu co, dalam nan hu kaya mbang labaih hu tal 77%. Ini lac biak huac  kayua methane lac sa dalam dom janih thak  sang camin meda panjiak suai jang thak CO./.