Page harei 8/6, di Ha Noi, Nyaom raya pakat negar Kapol Urang ngak nong Viet Nam mbang ka IX, vaktu 2026 - 2031 peih ngak praong prang, hu mbaok di 600 urang naih gheih, lambaok ka jiak 10 trieu urang jakar, urang hoi, urang ngak nong dalam negar. Ngan haong kadha “ Jum pataom - Ngak njauk - Pambuak bruk - Patagok”, Nyaom roya caong khin patui bruk cakrok patagok ngak kaya meda, brei mboh labik dang di urang ngak nong oh lac urang ngak tabiak,  bo urang ngak po, pasak di bruk cakrok patagok gah ngak nong saong padang ngak palei pala birau.

Di Nyaom biai ba tabiak panuac tamat ka bruk liet si di Kubo Đô Thành (Chí Hòa - Sài Gòn), urak ini lac Bein bingu Lê Thị Riêng (Quận 10, TP.HCM), Phó Thủ tướng Phạm Thị Thanh Trà, Akok Mban tacei ba jalan pakat negar bruk duah, pataom saong brei thau angan je talang liet si, ndem cambaic laic: Bruk Dang tagok mesruh sang proh tagok Xuân Mậu Thân thun 1968, di mblang mesruh Sài Gòn - Gia Định, dom gah cach mang taong tame rilo labik praong dalam Bai Gon. Dalam dom mbang mesruh metak  rilo urang jakar, urang lin var klak rup drei dalam mbang mesruh metak. Yau nan ye, khol drei brei  pasang iek, taong yaom taong iek veik abih dom sarajarah, ilamo kong nghe, hukum saong bruk ngak pambuak tal labik kubo kapol nyaom urang liet si; tui nan ba tabiak jalan roh duah, kuac tagok saong pataom talang liet si njauk di urang.  

Piah khik brei ginup xang sinh hoc tui jalan brei ginup ka urang pandar dalam negar, Mentri Kong thuong caong khin dom labik pablei salih xang menyek oh bei kurang xang sinh hoc mbiah tal dom kuan labik pablei xang. Meng harei 1/6/2026, xăng oh hu chì tui tanut chuan pakat negar brei hlai, ngak jeng xăng E10 piah pandar dalam negar; xang E5RON92 njauk pandar tal thun 2030.

Urak ini, dom bhum palei kuhria caga Mbang pakacah tamat THPT thun 2026 jaik tal. Tui So Pato megru  tinh Vinh Long, dalam tinh hu 36.513 anek saih tut angan pakacah  di 91 labik pakacah. Piah caga dahlau ka bruk rah tabiak karei, tinh brei pabak 25 labik pakacah, tui nan kuhria caga  ginup ndap nda kaya pandar, mac jamaraih saong dom bruk duh pakacah. Bruk khik  caga de thi peih ngak catang tui hukum.

Dalam thun ini, tinh Gia Lai kuhria ba 38 bac si meng dom sang iek ruak, pasak y te saong labik iek ruak di karja ka bruk daong 30 xã, phuong hu brei ngak dahlau. Dalam tinh hu 135 balai y te xa, phuong. Yau nan min, bac si oh hu sumu gauk, hu rilo blaai iek ruak oh ka hu bac si. Bruk ba bac si salih gauk ngak bruk di balai iek ruak pakat bhum palei, piah takik bruk bhap bini ruak bhian hanjol tagok dom sang iek ruak.

Myanmar jhul pakhang bruk chap mek dom labik daok di kol pachot pagat. Urang jakar di taneh ia ini khan lac hu 77 danak dak suan hukum pambuak tal bruk pachot pagat  online di gah timur taneh ia ini jaik tayak. Langiu di nan, meng bilan 1 thun 2025 mbiah tal ini taneh ia ini  chap mek hu 15  ribau urang negar langiu tame negar suan hukum. Rajaei Myarmar daok jhul pakhang  bruk  chap mek kol pachot pagat online, brei mboh bruk ngak dahlau, di taneh ia.

Sa bala rah tabiak trak di gah meraong negar Irac  kayua radaih buyt pajeng tuai nao ngak hukum Haji  ginuh tame sa radaih tải pajeng menyek, ngak apui khuah ba tal takik di nyu 21 urang metai saong 19 urang njauk rambuac. Rup pabhap dom urang gaok bala apui mbang juk abih. Thu tuong Iraq tacei ba dom jabat chuc nang pambuak tal brei pasang iek  bruk rah tabiak bala.

Di Philippines birau hu riyak song than glong 1,4 met hadei megei tayun taneh khang 7,8 do di langiu tathik gah Meraong negar taneh ia ini ngak takik abih 25 urang metai. Taneh megei jeng ngak khut dom sang glong rilo tal saong sa tatua praong di gah Meraong  taneh ia ini. Tong thong Philippines iew bhap bini  panduan nao daok di bhum taneh glong jang saong brei pacang di dom labik mbuan gaok bala rah tabiak./.