Nyaom raya pakat negar Mat tran Negar Viet Nam mbang XI, vaktu meng thun 2026 -2031 peih ngak di page ini di Ha Noi. Ngan haong kadha “Jum pataom - Bhap bini ngak po - Salih birau - Hadah krah - Cakrok patagok”, Nyaom roya lac bruk chinh tri-xa hoi hu makna praong, peih tabiak vaktu ngak bruk birau di MTTQ Viet Nam dalam tuk dom kapol nyaom chinh tri - xa hoi saong dom kapol nyaom bhap bini kayua Dang, Karja drei jao brei bruk dalam  MTTQ Viet Nam. Sa dalam dom bruk di Nyaom roya mbang ini lac salih birau tui jalan mek bhap bini  ngak pasak. Rilo kadha ka salih tapa so, padang ngak “Mat tran taka so”, salih jalan pataom bhap bini, pakhang bruk ndem biai nao mai, pang tui panuac di pakat ala roh duah, pabak tame vaktu birau.

Dom bhum palei saong bhap bini doanh nghiep TPHCM peih ngak rilo bruk hu makna daong ka urang ngak, di Bilan Urang ngak kong. Yau ye alin pandap ka urang kong kan  kandah, “Var lisei ka urang ngak”, “Café page haong urang ngak kong”, pasang iek ruak tal labik ngak bruk, rik tame paglong jalan sahaneng khik brei salamat ngak bruk. Bingun ini, Lien ndoan Lao dong TPHCM jeng jhul pakhang dom danak dak ngak sang daok xa hoi ka urang ngak kong gam haong dom labik ma-in sambai ka urang.

Anak bruk virus laka cambuai tapaok kakau SAT1 meda tame Viet Nam, Mentri Ngak nong saong Alam moi truong tacei ba dom ndon vi pambuak haong dom bhum palei tui iek, samar thau dom urang ruak di baoh sang hu var raong, trang trại, njauk ndem tal dom tinh di tapen negar. Tuk mboh athur jaik ruak, brei mek mau dut iek ruak, dut iek jit tễ saong pacang veik labik hu jit ruak, ngak brei hacih sruh jit ruak oh brei pambak tabiak…Juai pablei, pajeng ba athur oh thau meng halei mai atau blei dauh meng negar langiu tame, piah pacang caga siam ka athur raong dalam negar…

Meng bilan 4 mbiah tal ini, dom po bein pala durien di bhum taneran kraong Cuu Long daok dang oh ta-eng kayua yaom trun biar, dom labik daok kan palei. Yaom durian Ri6 di Bhum taneran kraong Cuu Long tapa yaok thun. Meyah yau 2024 lac jaik 200.000 dong sa kilo, yaok thun, yaom meng 25.000 -30.000 dong sa kilo. Langiu di nan, rilo kaya nong  karei  di Bhum taneran kraong Cuu Long jeng laih yaom, kan pablei. Nan lac rituh tan baoh kruac sành Vĩnh Long; yaok rituk baoh bloi Cà Mau atau birau ini lac labaih 4.000 tấn lanung di Ban Can Tho.

Dalam dom bruk di danak dak  “Ca Mau - Labik sirah thun 2026”, dalam 2 harei tapa do Bein pakat negar U Minh Hạ (xã Đá Bạc, tỉnh Cà Mau) peih ngak “ Pahe glai U Minh” thun 2026. Njauk caik hatai  lac 5 bruk padhih the thao pambuak haong raidiuk bhum kraong ribaong saong glai tràm. Langiu yaih khan bruk sirah rivang ma-in sinh thai, yulit bhap bini, ini lac mbuan lagaih pambuak bruk palei salih, ngak mbang patagok kinh te, khik ramik dom ilamo siam gheih. 

Brah pablei tabiak negar Campuchia daok tagok khang, dalam 4 bilan akaok thun, Campuchia pablei tabiak negar langiu jaikl 470.000 tấn brah. Brah di Campuchia hu palei tabiak 60 darak pasar dunya. Dalam nan, dom taneh ASEAN lac darak pasar praong di Campuchia, meblah 58% jien pablei brah tabiak negar langiu.

Tui gah hang hai dunya, labaih 1.500 gilai saong jaik 20.000 urang peih gilai daok gar tavak di Vịnh Ba Tư kayua Iran pacang cakak eo tathik Hormuz. Tong thu ky  gah hang hai dunya khan brei thau 10 urang peih gilai  metai dalam 30 mbang patuh phao tame dom gilai pambuak tal bruk mesruh metak. Bruk ngak klaik klaoh di ao tathik Hormuz ngak kurang xng menyek di dunya.

Gah Y te Dunya (WHO) khan brei thau meda hu dom mbang urang njom hantavirus min tui kuhria mboh dahlau jit ruak meda pacang hu meyah peih ngak siam dom bruk pacang caga, hadei ruak ini ba tal 3 urang tuai di gilai Hondius metai. Gah y te dunya daok padang talaoh ban do pambak ruak di hantavirus, njom mbak tapa urang karei saong meda ba tal metai. Hantavirus lac ruak jalan suan yawa, meda ba tal mbuan ruak jalan suan yawa saong tim mach jeng yau panjiak tabiak darah./.