Pahadar 79 thun Harei Thuong binh - Liet si (27/7/1947 - 27/7/2026), page harei 23/7, di Ha Noi, labaih 300 lambaok urang ngak bruk daong taneh ia Nyaom biai pahadar urang ngak bruk  cach mang  pakat negar thun 2026. Mai meng grauk labik dalam negar, dom urang  lambaok ka Nyaom biai pahadar urang ngak bruk cach mang pakat negar  thun ini gam haong dom dalikan  di raidiuk drei, pandik pandua, khat lahik min hadah mbaok meta. Hadah mbaok kayua hu diukrai, hu daong bruk saong harei ini hu pahadar. 

Harei kabroi 22/7, Bộ Chỉ huy Quân sự ban  Cần Thơ pambuak haong Bol lin K90 (Quân khu 9) brei kuac mek, pataom atau talang Liet si Nguyễn Thị Út daok di palei Trường Thọ, xã Trường Long Tây. Dahlau di nan, don vi taduan khaw tin ka labik dar dom liet si dalam tuk mesruh metak di thuong binh Trần Văn Quận, ndih tapui thun 1950, daok di  xã Tân Hòa, ban Cần Thơ. Meng asar kadha nan gam dom urang hu mbaok tuk nan jeng yau bhap bini rahra bhum palei brei pasang iek, kuac mek saong duah pataom atau talang liet sĩ Nguyễn Thị Út.

          Harei ini, TPHCM peih ngak sumu bruk alin brei thaik bingu hu cih veik ka liet si di rilo bhum palei. Dom thaik bingu nan oh lac daong gauk gar baoh sang hu khik veik bo  daok pambak praong bruk ngak ilamo meng kan. Bộ Tư lệnh TP.HCM, Công an TP.HCM saong  Kapol pasiam veik thaik binguk halan hatian Team Lee alin brei thaik  binguk ka 54  baoh sang liet si ka danak dak “ Bayar dhar phol” di phường Bình Đông, Bàn Cờ saong Tam Thắng.  Langiu di nan,  thaik binguk liet si daok hu alin di dom labik papar binguk danak dak di Rayo Papar sap papar binguk Ban raya HCM.

Ban raya HCM urak hu labaih 8.000 urang Chau Ro diukrai, pataom di dom xã : Bàu Lâm, Kim Long, Châu Pha, Đất Đỏ...(bhum Bà Rịa - Vũng Tàu dahlau). Ini lac bhap bini bangsa daok di labik ini lavik abih, hu gilang kaya ilamo drap ar min daok rilo taneh piah ba tame ngak yulit. Sa dalam dom bruk njauk caik hatai lac Sang ilamo bangsa Bàu Chinh, xã Kim Long saong Sang ilamo  bangsa xã Bàu Lâm nan lac labik daok khik hu yaok rituh kaya kan pambuak pagam haong raidiuk Chau Ro yau kong chieng, alat ragam, yot, cambang, khan ao bangsa…

Harei kabroi 22/7, Jabat khik iek glai Bạc Liêu, tỉnh Cà Mau brei thau, birau pambuak haong dom don vi brei palao sa drei tra iku bhong tame glai Bein pakat negar U Minh Hạ. Tra trak labaih 8 kg, di nyaom IIB – Dalam sarak athur glai mbuan lahik, daok biak takik, kayua ong Nguyễn Trung Cang, daok di phường Vĩnh Trạch, tỉnh Cà Mau halan hatian jao brei. Tapa pasang iek, drei tra ini khang kajap, karo.

Bruk pacang caga iek lapa di dunya daok dak harei dak ngak hu siam hadei rah tabiak jit ruak praong, mesruh metak saong langik salih karei oh lagaih. Yau nan min, Lien hop quoc kakei dom bruk ngak hu nan biak takik tuk dom bruk kan kandah gah chinh tri, bruk kurang nang luong di dunya saong langik oh lagaih ba tal padai brah khat lahik. Njauk ndem tal, hu jaik 1/3 bhap bini dunya oh hu ginup jien bayar  ka bruk mbang huak hu siam.

Rah tabiak gam gam sa adit tapa, pandiak di Nhat Ban dak harei dak kan kandah jang, ngak khat lahik trak ka manuac urang saong drap ar. Dom urang ilamo ba tabiak dom panuac kakei dahlau oh ka bhian mboh. Tui yaok kuhria, langik pandiak di rilo tinh, ban di Nhat Ban di mon 15h00 harei kabroi lac 40,6 do, rilo bhum palei  karei jeng tagok tal 40doC. Langik pandiak  mbuan rah tabiak bala, tapa prein di anek manuac saong 42 dalam 47 tinh ban di Nhat Ban brei khan ka bala nan.

Di bang Assam, Đông Bắc Ấn Độ ye hajan praong dui atah saong ia ribuk sua biak trak dalam tuk 21 urang metai dalam 24 mon tapa; labaih 564.000 urang di 16 huyen gaok kan kandah kayua ia ribuk sua birau ini. Rilo ia kraong praong di bang Assam, ia tagok glong, dalam nan hu dom labik tagok glong biak glong. Karja bang kakei dahlau ia praong daok rah tabiak  gah angaok kraong ba tal ia ribuk  rah tabiak sraw kadau dalam dom harei anak tal./.