Dom harei ini, Bein bangu Lê Thị Riêng, phuong Hòa Hưng, Ban raya Ho Chi Minh jeng labik pataom gauk di hatai thau dhar phol. Rilo urang dak talei atah, ba tui dom bangu, galau nyang saong hatai thau dhar phol piah pahadar dom bol lin krah bijak var klak rup drei ka taneh ia negar dalam mbang Taong praong saong pachroh tagok di bal Pataih nethak Kra Mau Than 1968. Labaih meteh abap taneh ia hu yasa, min daok rilo bol lin oh ka hu mai sang. Meng bruk pandik pandua nan rilo urang oh padauk hu bruk drut druai tuk dang anak atau talang barau hu pataom ba mai sang, hu ma-om hala dok negar ginreih praong glaong…

Pahadar 79 thun Harei Thuong binh - Liet si (27/7) saong pamong tal pahadar  81 thun Harei padang gah Kong an Bhap bini (19/8), Kong an tinh An Giang peih bruk alin brei 15 mbang blaic raih meta patau oh mek jien, yaok paok 6 trieu ndong saong 30 paok kaya pandap, yaok paok 600.000 đồng ka dom thuong binh, benh binh, urang bol lin dahlau diah hu raidiuk ka kandah. Tui nan, peih bruk iek ruak meta, brei jru oh mek jien saong alin ka 150 thuong binh, benh binh, baoh sang ngak bruk cach mang, yaok paok yaom labaih 300.000 đồng.

Ong Y Nhuân Byă, Phaok Akaok UB Bhap bini tinh Dak Lak bahrau pato tacei So Ilamo, Pahat padhih saong Jirah rivang patui veik salah blaoh bruk ngak, sarak patagok ilamo tui Sarak Nghi quyet 80 di Mentri Chinh tri. Dalam gah ilamo, tinh Dak Lak daok padang harak gal “Ilamo pala saong ngak kaya kophi Dak Lak” ba tagok UNESCO; padang harak gal Adat ngak yang tapen ia di urang bangsa Randaiy hu brei panuac ba tame Harak angan ilamo oh mboh di meta pakat negar; peih ngak sarak khik Labik ilamo kong caing tuk vak thun 2026-2030; ngak taka so drap ar saong paglaong siam lagaih bruk pasang iek majam inem mek hadei tuk ramik lagaih jabat karja…

Tỉnh Tây Ninh kuhria labaih 710 ti dong peih bruk Pala glai vaktu meng thun 2026 -2030, piah pakhang bruk khik iek, patagok bruk pala glai, jhuk pakhang bruk pandar taka so saong ba tame ngak siam dom bruk ngak kinh te, pala glai. Sa dalam dom bruk ngak hu makna jhul khang bruk pandar kong nghe saong taka so piah khik iek glai. Tỉnh jeng hu padang ngak co so du lieu glai pala hu labik, ngak tui angka so piah khik iek, jao taneh, jao glai saong pambuak du lieu  glai pakat negar.

UB Bhap bini xa Trung Khánh Vĩnh, tinh Khanh Hoa brei thau, hu pambuak haong Trung ndoan Bo binh 974 daok di Bo Pato tacei Bol lin tinh Khanh Hoa peih rilo danak dak pamaong tal rahra. Di Sang bac THCS Chu Văn An hu alin brei 2 ginraong tapuk gam haong 600 tapuk dalam rilo gah yau ye sajarah, hukum, ilamo daok dang, van hoc saong alin hidiah 600 khan ao ka rahra raidiuk kan kandah. Gam haong nan brei kein lagaih piah gru pato saong anek saih, rilo meng lac urang bangsa takik, hu pabak rilo ilamo siam lagaih, daong paglaong asar siam pato megru.

Uy ban Drap ar Dunya daok pasang iek brei ba ceik Olympus di Hy Lạp tame Sarak Drap ar Dunya di UNESCO lac labik hu rilo janih, hu ilamo saong drap alam dunya. Bruk UNESCO taduan ceik Olympus oh lac tabung ceik ini hu makna haong bhap bini pak ini saong bhap bini Hy Lạp, bo daok yam tabiak dunya. Yaok thun, ceik Olympus pachreih yaok ribau  tuai damuai saong urang ndik ceik meng grauk labik di dunya.

Phim biak gheih mata maong The Odyssey di ndao dien danei angan Christopher Nolan bahrau hu mbang peih phim mek tame rilo hu kuhria labaih 124 trieu USD di darak pasar Bac My saong jaik 140 trieu USD meng dom darak pasar dunya. Ndao dien Christopher Nolan sa mbang tra brei mboh quyen luc duk bilik harak ve di drei tuk ngak ka sa dalam dom anakhan van hoc yao klak abih di anek menuac lac akayat di Homer – jeng film pachreih hu rilo tuai damuai abih.

Mentri Yulit saong Drap ar meng kan di Ai Cập birau khan brei tau 3 kubo ghor di mblah patau di labik inem krung gah Pei ban ine Cairo. Dom kubo hu meng samar patao Tân Vương, dahlau di ini labaih 3.000 thun min daok khik hu rilo akhar huroh cih thaik gam haong dom kaya kan hu makna, daong ka dom urang roh duah hu pabak tư lieu ka radiuk chinh tri, kinh te saong xa hoi di Ai Cập dalam jaman meng kan dahlau./.

Ghi chú: Krah bijak (anh hùng)