Asal kadha thun ini lac “Khik ramik saong patagok ilamu ahar bhap bini Nam Bộ”

Peih tabiak meng harei ini tal harei 11/4, di labik mblang bein bingu quận Bình Thủy, ban Can Tho asal kadha di Harei pataom ahar bhap bini Nam Bộ thun ini lac “Khik ramik saong patagok ilamu ahar bhap bini Nam Bộ”. Hu thau, harei pataom ahar mbang ini hu 200 labik, hu mbaok di dom urang gheih tangin ngak ahar bhap bini, dom labik ahar, pandap OCOP, dom đặc sản bhum palei saong pandap dulich. Abih di nyu nan lac mbang ini,  oh lac hu mbaok di dom tỉnh bhum gah Pei negar, bo daok hu ahar bhap bini di dom tỉnh bhum gah Barak negar.

Di mbang nyaom ka  5 HĐND ban raya .HCM mbang ka  X rah tabiak tuk mesup ni  (7/4), UBND TP.HCM hu panuac caong lac, yaom jien buh brei ka  bác sĩ dok hu mbaok tame danak dak ngak iek di dom sang iek ruak đa khoa gam song bilai  y tế lac  60 triệu/18 bilan . Điều dưỡng, hộ sinh dok hu mbaok ngak bruk di  bilai y tế, yaom dong lac  30 triệu/9 bilan . UBND ban raya hu caga pok jien piah peih ngak lac labaih  138 tỉ yaok thun.

Tal urak ini, bhum urang bangsa takik saong bhum ceik di tỉnh Ninh Thuận hu 20 dalam 37 xã mek hu chuan palei pala birau; baoh sang kathaot trun samar, kuhria rah tapa yaok thun trun meng 3 tal 4%, urak ini daok 14,46% baoh sang kathaot; jien mek tame kuhria tui akok manuac lac 30,4 trieu đồng thun 2021, tagok 1,19 triệu đồng dut saong thun 2020. Bruk pato pakai, y tế, iek glang prein yawa bhap bini dak harei dak hu iek praong saong paglong. Bruk quy hoạch, pato pakai, pabak ilamu brei hu kapol urang jakar, công chức, viên chức urang bangsa takik hu caik hatai.

Harei ni, Sở Tài nguyên song  Môi trường tỉnh Bà Rịa – Vũng Tàu brei thau , dalam thun  2022, tỉnh meda peih bruk pablei to yaom  7 mblang taneh praong abih tih labaih 228ha, tui kuhria mek tame hu 12.300 tỷ đồng. Sở Tài nguyên song  Môi trường dok ngak harak gar brei thau cambaih ka yaok mblang taneh, ba tagok blah web di Sở brei ka dom urang đầu tư thau, piah duah thau, hu mbaok tame to yaom.

Công an huyện Bảo Lâm (Công an tỉnh Lâm Đồng) brei thau lac birau tabiak harak brei ba tabbiak kaoh tui hukum saong chap kareih 3 bilan ngan haong Phan Văn Thanh  daok di xã Tân Lâm, huyện Di Linh (Lâm Đồng) piah duah thau ka duis “Palai pajua glai”. Dahlau di nan, Công an huyện Bảo Lâm pambuak saong dom gah chức năng tui iek, chap hu Phan Văn Thanh saong Nguyễn Doãn Trung (palei Nghệ An) peih radaih kuac hluk, wua taneh glai suan hukum di Tiểu khu 613, xã Lộc Phú (huyện Bảo Lâm) labaih 1,55 ha glai kageih phun ngak khat lahik labaih 67m³ kayau.

Urang dang akaok jabat  năng lượng dunya  (IEA) Fatih Birol brei thau, IEA song  Mỹ hu daok kuhria ba tabiak 120 triệu thùng menyek meng gilang khik piah di drei  piah patrun bruk pagam pambak tame  Nga, dalam nan  Mỹ brei ba tabiak  60 triệu thùng menyek, 60 triệu thùng dok veik lac di dom  taneh ia karei di  IEA. Bruk ini hu daong ngak brei yaom menyek trun khang chip.

Mentri Kinh tế saong Khí hậu di Đức harei 6/4 pok tagok “Paok Phục sinh” hu rilo salih birau dalam hukum piah peih praong bruk ngak tabiak năng lượng, kayua piah trun meneing bruk pambak tame taneh ia ini meng pandap hóa thạch blei tame meng Nga. Ngan haong Paok Phục sinh, tui kuhria mboh dahlau năng lượng xanh meda meblah  80% taong abih năng lượng di bruk kinh tế praong abih châu Âu ini thun 2030.

Rajaei Japon brei thau, meng harei paguh  (8/4), taneh ia ni klaak bruk takik brei tame negar ngan song urang mai meng  106 taneh ia song bhum palei, dalam nan hu  Anh, Mỹ, Ca-na-đa, Pháp, Đức, Ấn Độ.... Dom  du học sinh song  thực tập sinh kỹ năng mai meng dom labik nan  hu tame Japon hadei di tuk hu visa tapa bảo lãnh di doanh nghiệp atau sang bac , Min, Japon oh brei tame piah ravang me-in, du lịch. 56 taneh ia song bhum palei karei di dom bhum  Mỹ Latinh, châu Âu, Trung Đông, châu Phi dok dalam sarak brei takik tame Japon tui hukum pasang iek nhập cư./.

Urang lang: Hani Pha – Bhumi – 07/04