Pho Thu tuong Phạm Thị Thanh Trà brei adat ka Akok Mentri Noi vu pok tagok Po negar  ka bruk alin kaya pandap ka urang dahlau diah ngak bruk cach mang pahadar 79 thun harei Thuong binh - Liet si (27/7/1947 - 27/7/2026). Tui nan, hu 2 janih lac 600.000 dong saong 300.000 dong alin ka urang ngak bruk cach mang dahlau diah lac: thuong binh, urang mbang tui sarak thuong, thuong binh pakat B; urang ngak bruk kakuh liet si. Urak ini, dalam negar hu jaik 1,6 trieu urang ngak bruk cach mang  hu lin pandap tui yaom jien yau angaok nan kuhria tabiak jaik 476 ti dong.

Ndem ka bruk pasang iek xang menyek E10, Mentri Cong thuong brei thau: Bruk pasang iek xang menyek sinh hoc hu pandar ngan haong taong abih dom janih xang sinh hoc daok hu pablei di danak dak pasar. Bruk pasang iek xang di taong abih bruk ngak. Dom doanh nghiep hu pabak brei ngak bruk khik njauk tui hukum ba tabiak. Mentri Kong thuong brei thau dom sarak pambuak tal bruk salih tapa xang sinh hoc brei kuhria ka bhap bini dahlau abih.

TPHCM daok padang ngak Danak “ Padang labik ngak bruk hanh chinh karja thong minh di TPHCM”, dalam nan ba tabiak bruk ngak iek tui jalan pagam, brei ka dom nyaom urang jakar, kong chuc ngak bruk meng atah, ngak bruk di sang meng 1 tal 2 harei dalam sa adit. Tui So Noi vu, bruk puac abih di danak dak ini padang bruk hanh chinh birau, cambaic laic, duh ka bhap bini saong doanh nghiep, tui nan ba mbuan lagaih dalam bruk ngak, anit ranam piah khik urang naih joi ngak bruk karja.

Harei ini, peih pakak Nyaom darak pasar Pablei salih  dunya Tịnh Biên - An Giang di phường Tịnh Biên, tỉnh An Giang. Nyaom darak pasar hu 260 labik parang kaya kan, pataom tame  parang iek  kaya OCOP, kaya karei krih di An Giang, dom tinh ban dalam negar saong dunya yau Lào, Campuchia. Dalam nan ralo kaya: Kaya nong – Kaya dalam ia, kaya mbang, kaya pandar, kaya kong nghiep - tieu thu kong nghiep. Nyaom darak hu peih ngak ba mbuan lagaih ka doanh nghiep yaih khan kaya, duah urang ngak mbang, peih praong darak pasar pablei kaya kan.  

Kayua dom mbang hajan praong di ralo labik, ia kraong Mã Đà tagok glong, ngak glut jaleih  trak tatua ngak tạm. Urak ini, dom radaih nao mai labik ini oh hu.  Ini lac jalan tok hasa ta-eng , lac tatua  pambuak meng xa Tân Lợi soang xã Trị An, Ban Đồng Nai ( hahlau diah lac huyen Vĩnh Cửu, tinh Đồng Nai klak). Bruk jaoh tataua tạm brei mboh bruk njauk ngak samar tatua Mã Đà.

Tong thong My khan brei thau, Iran njauk hatai oh pandar vu khi hat nhan saong ong meda taom gaok urang jakar pakat glong di Iran Mojtaba Khamenei tuk halei lagaih meyah dom bruk rah tabiak mbuan njol njiac. Tong thong My khan brei thau ong iek bruk mesruh haong Iran lac siam kayua bol lin Iran taong alah. Bruk mesruh, meng bruk taong tame di Mỹ saong Iarael di harei 28 bilan 2, ngak sraw kadau yaom xang menek di dunya.

Rajaei An Do atah klak khaw tin khan lac Gilang pariak Khik piah An Do pablei labaih 12 ti dola ameh dalam 5 bilan piah daong khik yaom jien negar langiu saong tani tanat jien rupee. Gilang Khik piah An Do urak ini daok khik 880 tấn ameh, dalam nan labaih 77% hu khik dalam negar. Rajaei kakei lac ameh khik piah di Gilang pariak oh hagit karei ralo, tapa nan klak tapa bruk sahaneng palei ameh ralo.

Nhat Ban hu 511 mbang urang ruak sởi meng akok thun, dalam tuk ruak tagok baoh sởi mbuan njom mbak ralo. Kayua sởi lac ruak mbuan njom mbak saong ngak jhak tal prein yawa, Mentri Y te, Lao dong saong Phuc loi Nhat Ban kakei  dom urang mboh dreih ruak  brei pambuak hoang labik y te tapa phone piah hu tacei pato./.