Bi thu Trung uong Dang, Pho Akok negar Võ Thị Ánh Xuân birau brei peih ngak Bilan ngak bruk daong ka uranaih ngan haong kadha “ Uranaih sambai hatai, salamat, kajap tangin khang takai dalam jaman taka so”. Brei panuac di var ngak bruk, Pho akaok negar khan lac: Uranaih lac haniam phol di yaok baoh sang, lac bruk harei hadei di taneh ia; buh jien tame daong ka uranaih lac buh jien tame ka bruk cakrok patagok samar saong kajap karo di Taneh ia palei negar. Dom thun tapa, Dang saong Karja tuk halei jeng sangka  ralo tal bruk iek glang, pato pakai saong khik caga uranaih; rilo danak dak, sarak  hu peih ngak siam, ba mbuan lagaih ka uranaih hu bac megru, iek glang prein yawa saong patagok abih gah…  

Tui Sơ Y tế tinh Dong Thap, ruak panjiak tabiak darah saong tangin takai cambuai daok rah tabiak sraw kadau, patagok glong dut saong tukvak ini thun dahlau. Langik hajan oh njauk bilan dui atah harei, ngak ka jamoh caik menek saong pambak ruak, ba tal ruak ini kateik tagok ruak diah kan pacang khik. Tui yaok kuhria oh ka ginup, meng kaok thun mbiah tal ini, dalam tinh Dong Thap hu jaik 3.000 mbang urang ruak panjiak tabiak darah, tagok 3 mbang dut saong thun dahlau. Dom bhum palei hu urang ruak panjiak tabiak darah glong lac phuong Cao Lãnh, phuong Mỹ Ngãi, xã Lai Vung, xã Thường Phước, phường Sa Đéc.

Phường Vị Tân, Ban Cần Thơ pambuak haong Sang iek ruak Chan thuong Chinh hinh Ban raya HCM peih ngak Danak iek ruak, brei jru oh mek jien saong alin 200 paok pandap dalam nan hu brah saong kaya karei ka sang urang kan kathaot, baoh sang raidiuk kan kandah, yaok paok yaom 400 ribau dong. Di labik ini, 200 bhap bini dalam sarak sang kathaot, raidiuk kan kandah hu bac si iek ruak noi khoa, ngoai khoa, ruak kalik, meta, tangi – idung – tarakong, tagei- talang mbaok- mbaok, talang tagin takai saong hu tacei pato, brei jru iek ruakoh mek jien, rik tame patrun ndoa nong trak jien y te saong paglong raidiuk.

Harei sirah rivang ma-in he ngan haong kadha “Gia Lai - Labik rivang iek biak gheih”, tui kuhria brei peih pakak di harei 20 bilan 6 anak tal di Mblang bein Nguyễn Tất Thành, phường Quy Nhơn, tỉnh Gia Lai. Ini lac briuk hu makna praong dalam dom bruk ngak Thun Du lich pajat negar - Gia Lai 2026. Dom sở, dom gah  hu jao brei peih ngak sumu dom jalan duh ka roja roya, jhul pakhang bruk yaih khan  danak dak  tapa rilo bruk ngak karei saong daong harak mbao dunya tal bruk ngak, pathau khan ka yulit Gia Lai.

HĐND tinh Dak Lak birau khan tapa Sarak daong khik ramik saong patagok ilamo kong chieng meng thun 2026-2030.  Sarak hu pandar  meng harei 5 bilan 6 anak tal, salih ka sarak dahlau diah hu rilo kadha daong birau, pamong tal bruk khik drap ar hu lagaih saong kajap jang.  Sarak pataom tame 5 kapol nyaom asar kadha dalam nan hu daong pato, padang veik labik ilamo kong chieng, daong kalup kapol, ramik pasiam sang atah soang labik daok bhap bini pambuak haong bruk  yulit, tui nan daong jhul pakhang bruk salih pandar taka so piah khik ramik ilamo.

         Kadung jien Yai thuong Shaw atau daok iew lac yau Nobel di Phuong Dong harei kabroi 27/5 khan brei thau sarak dom yai thuong di kadung jien ini ka dom danak dak biak joi  di kadha Thien van hoc; Khoa hoc Diuk rai - Y hoc; saong Ilamo Toan hoc. Kuhria meng thun 2027 anak tal hu veik yai thuong gah Khoa hoc May tinh. Yaok yai thuong hu jien mbaok 1,2 trieu dola Mỹ.

Dalam bruk kham merat pamong tal bruk hlai carbon di thun 2050, Nhat Ban ba tabiak  bruk padang ngak sang mac ndien peih meng hudro praong akaok meti di tinh Aomori. Tukvak camereip sang mac ba tame dien negar  hu labaih  106 MW nan sumu labaih 10% prein khang di ging phan ung hat nhan meng kan. Bruk ngak tabiak ndien  meng hydro oh hu thak carbon dioxide, bo ngak amoniac jeng ndien nang.

5 urang daok gal tavak dalam sa la-on dauk ia di Lào luac sa adit tapa biak jamo metuah  hu daong ba tabiak  di harei 27/5. Bol lin daong di Lào saong Thái Lan daok kham merat  pambuak bruk roh duah  dom urang daok veik. Dahlau di nan, bol lin daong duah urang lahik takik abih lac 4 harei njuk ia tapa dom labik la-on sit, sup malup saong duah dalam ia piah tame tal labik urang daok gal tavak. Bhap bini bhian  mai labik ini  piah duah mek ro ameh, oh hagit lac panuac kakei di karja.