Rajaei bahrau mbaoh tangin ka Bruk Quy hoach ban raya Can Tho tal thun 2050, kuhria tal thun 2075, pamaong tal patagok Ban raya Can Tho jeng bruk cakrok, ban medin hat nhan, ban raya sinh thai, meda ilamo kraong ia. Patagok ban raya Can Tho pagam haong ilamo kraong ia, kein lagaih di pasak bhum kinh te tasik dalam bruk patagok ban medin saong patagok kinh te – xa hoi bhum taneran kraong Cuu Long; hu co so ha tang samu gauk, pambuak siam lagaih ngan haong dom kinh te; khik kajap pambuak bhum, negar saong dunya…

HĐND tỉnh An Giang brei khan tapa sarak daong pacang caga bruk raong chap kaya ia tathik suan hukum, oh khan brei thau, oh tui hukum ( IUU) di tinh An Giang. Tui nan, tỉnh daong 50% jien pasiam mac jamraih tui eik gilai ikan; Daong 50% jien salih jamraih  tui iek gilai ikan. Ini lac bruk ngak catang piah daong ka taneh ia samar talaih “ the pakat kanyik” di Uy ban chau Au. 

Ban raya Ho Chi Minh brei pasiam tanut di bruk panduan sang di angaok ribaong saong tapen ribaong meng 20.000 baoh sang tagok 40.000 baoh,pagam haong bruk pasiam ban medin, pasiam alam langik saong pacang ia dauk. Di bruk pasang duah nan, dom bhum palei brei ba tabiak harak angan danak dak ngak bruk pasiam, pagheih, panduan. Dalam nan, dom bhum palei brei pabak jalan danak dak. Gam haong nan ba tabiak kuhria hu taong abih tanut buh jien tame, jien bayar, caga labik daok karei, jien padang…

Sang iek ruak Meta VISI Sóc Trăng  pamong tal “ Sang iek ruak meta hadah samar” tapa  danak dak “ Sang iek ruak 360 jaman taka so”,  pambuak  bruk chuyen mon iek ruak meta, ngak iek taka so saong   iek gang urang ruak lagiah haong bhum palei hu rilo urang bangsa. Di bhum hu urang Kinh, Khmer saong Lo diukrai, bruk pathau khan y te tapa thaot binguk saong akhar huroh  mbuan thau mbuan dar. Ini lac yau jalan langyah  daong urang ruak brei takik sahaneng haduh hatai saong mbuan hu thau khaw tin y te.

Kong an tinh Tay Ninh bahrau taong tayah jalan talei ngak tabiak, pablei khak drak ja lau angan je “BACONCO” ngak bruk pambuak tinh, pataom khik labaih 70 tan kaya gam haong rilo jamraik mac moc, tem angan je saong harak gal hu pambuak. Klau urang ba akaok hu njauk kaoh duas, mek karreik anak meta. Kapul chuc nang brei mboh ini lac jalan talei ngak bruk hu kapul, ngak bruk pambuak tinh saong jalan ngak duah laba praong, ngak khat lahik ka urang ngak nong saong gah ngak mbang pablei salih gheih siam.

Mentri Ngak nong Indonesia khan brei thau, brah khik piah pakat negar  urak ini hu 5,37 trieu tấn - glong abih meng dahlau mai tal ini. Indonesia daok khik piah brah hu ralo abih. Kadha ini hu daong khik piah padai brah ka taneh ia hu rilo bhap bini abih Dong Nam A dalam bilan thu lagu dui atah tagok glong di bilan 8 anak tal. Anak bruk langik panjiak ba tal kurang pandap mbang, rajaei Indonesia daok iek catang gilang khik piah.  

Rilo negar di chau au jaik yam tame mbang pandiak bhang akaok bilan ngan haong tanut pandiak tagok biak samar. Di Tay Ban Nha saong Bo Dao Nha, pandiak hu kuhria tagok tanut 35-39 do C. Njauk caik hatai lac, ndiet do tuk malam di dom labik gaok mai glaong jang tanut nhiet tuk harei hu taduan di adit dahlau. Di Anh meda tagok tal 40°C. Kayua nan, Uy mban Salih Langik di Anh pachreih kakei dom rajaei samar pandar dom jalan ngak lagaih, dalam nan hu brei adat ka tanut nhiet rilo abih di labik ngak bruk, caga majam ngak mat la-an ka sang iek ruak saong labik raong urang taha dahlau thun 2035.

Di Mỹ, 3 urang metai saong rilo urang ngak bruk pacang caga samar chip hadei tuk gaok jru oh kathau di sa baoh sang di bhum palei pala Mountainair. Dom urang pasang iek  daok duah thau ka dom janih pambuak tal. Cảnh sát bang New Mexico brei mboh  bruk mbuan ba tal kan kandah di bhap bini. Dom urang jakar pasang iek mboh lac asar ini  njom mbak tapa gaok nyu min oh tapa yawa langik.