Pamaong tal pahadar 136 thun Harei Ndih tapui di Chu tich Ho Chi Minh (19/5/1890 - 19/5/2026), urang jakar, gru pato saong rilo urag di Sang bac Chinh tri ban raya Can Tho bahrau peih bruk gilac mai halau di Inem mek sajarah ilamo pakat negar Kalan Wa Ho di xa Lương Tâm, ngan haong kadha: “Patagok bruk pakacah anit ranam negar di Chu tich Ho Chi Minh. Bingun ini, Sang bac Chinh tri ban raya Can Tho hu alin brei 10 paok pandap, yaok paok hu yaom 1 trieu dong ka dom baoh sang hu bruk naih gheih dalam bac megru saong ngak tui Wa Ho; alin 5 paok jien pachreih bac ka anek saih baoh sang kan kandah, yaok paok hu yaom 5 trieu dong.

Di Bein bingu, Sang khik inem krung bol lin pan phao karaong, Liet si Võ Thị Sáu, Pasak Pabak jitvu pakat karja xa Đất Đỏ (Ban raya Ho Chi Minh) bahrau peih mbang pakacah cih thaik ngan haong kadha “Wa Ho dalam baoh hatai adei” saong vak panuac dalam hatai di drei “Luac jalan mai tal halau – Mboh hadah mbaok ka palei negar”. Mbang pakacah piah pato megru bruk di katmang, pabak ka hatai anit ranam taneh ia negar, hatai mboh hadah mbaok meta saong anit ranam palei negar ka rai rah sit thun umo, patagok bruk cih thaik, saong daong khik ramik dom yaom kaom sajarah, ilamo di bhum palei.

Uy mban Mat tran negar Viet Nam tinh Ca Mai bahrau peih padang 1.000 baoh sang kathaot, jaik kathaot saong baoh sang kan kandah dalam bhum. Ca Mau urak ini jeng daok labaih 3.000 baoh sang, labaih 7.000 baoh sang jaik kathaot daok biak brei hu klah rabha, daong pajum meng bhap bini. Ngan haong hatai kham merat oh luai ka thei daok veik gah likuk, tinh Ca Mau ieu da-a dom pakat, dom gah, kapul, menuac urang patui veik paglaong hatai anit ranam gauk, jum tangin piah daong urang kathaot hu kein lagaih uak drei tagok, hu labik daok karo piah ngak mbang.

Ban raya Ho Chi Minh daok dak harei dak ngak lagaih jalan ngak jeng sa pasak jien padai gah tasik pakat dunya tuk kuhria ba tabiak he sinh thai pasak jien padai gah ia tasik dalam harei 21/5 anak tal. Urak ini, yaok thun hu labaih 1.000 ty USD yaom kaom ndap nda kaya salih tapa majam lamnge di labik Ban raya Ho Chi Minh. Min, rilo meng lac bruk meyao meyit jien padai hu pambuak jeng daok ngak di Singapore saong Hong Kong, Trung Quoc. Ban raya hu ba tabiak jalan kuhria dalam 5 thun brei ba labaih 30% yaom kaom meyao meyit ini gilac mai Viet Nam, samu labaih 300 ty USD yaok thun.

UB Bhap bini tinh Vinh Long bahrau mbaoh tangin danak dak padang tatua Cổ Chiên 2, pambuak tinh Ben Tre haong tinh Tra Vinh (klak), hu taong abih  jien buh tame ngak 3.500 ti dong. Danak dak salah blaoh brei daong hu makna dalam bruk peih praong labik pamaong tal tasik, patagok kinh te tasik di Ben Tré saong Tra Vinh (klak) saong bhum Taneran kraong Cuu Long; hu bruk praong daong pambuak jalan mbak di bhum, brei kein lagaih patagok ka gah ngak jirah rivang gah tasik.

Rajaei Han Quoc brei tui rilo jalan ngak, dalam nan hu Lệnh trọng tài samar chip tui bruk brei caik dahlau plaih rah tabiak bruk paeih bruk di sang mac jamraik Samsung Electronics atau piah patakik khat lahik meyah bruk padeih bruk rah tabiak. Harei ini, urang jakar Samsung, kong ndoan ngak bruk Han Quoc brei pambuak gilac dom mbang nyaom biai ka jien bilan ngan haong bruk daok di kreh di rajaei. Bruk ini meda hu ngak la-i la-an sa mbang padeih bruk meda ngak klaih klaoh di kapul meda praong ilamo kong nghe di Han Quoc.

Kapul Y te Dunya (WHO) hu brei mboh mbang tamuh jit ruak Ebola di Cong hoa Dan chu Congo lac sa “bruk samar chip ka y te dalam rahra ngak huac kanda ka dunya”. Mentri Y te CHDC Congo brei thau, jit ruak eblola di negar ini kayua janih virus Bundibugyo saong “oh hu vaccine jeng oh ka hu jalan taong ruak ka nyu”, bruk metai “meda tagok tal 50%. Tal ini negar ini hu 246 urang medil njom ruak saong 80 urang metai kayua jit ruak.

Sa janih khung long meng kal biak praong bahrau hu duah mboh di Thai Lan daok dui pachreih bruk sangka iek praong di gah ngak ilamo khoa hoc dunya. Janih khung long hu angan Nagatitan chaiyaphumensis hu brei thau lac janih khung long praong abih Dong Nam A. Hu atah 27 met saong trak 26-27 tan, samu haong dua sruh radaih bus London pambuak iku gauk blaoh gaok mai atah jang ikan lamein hijao. Thai Lan lac sa dalam dom negar hu duah mboh rilo janih khung long di chau A.