Rajaei bahrau patabiak Sarak taong bhat bruk ngak suan hanh chinh dalam gah y te. Dalam nan, bruk ngak kanjah tal bruk diuk rai, prein yava, ngak jhak tal angan je di menuas urang ngak bruk saong urang karei di labik sang iek ruak, taong ruak atau jangan, ngak khut khat drap ar di labik pasang iek ruak, taong ruak; Ba tagok dom khau tin ka bruk ngak di urang ngak bruk, labik pasang iek ruak, taong ruak tuk oh ka hu tamat panuac ba tabiak di jabat hu tham quyen, njauk taong bhat meng 30 - 40 trieu dong. Langiu dom bruk oh iek praong, oh pambuak haong urang ngak bruk tuk pasang iek ruak, taong ruak ye njauk brei likau ma-ah tapak tantu.

Di var taom gaok Kapol urang lambaok vakil ka 6, Nyaom urang Quoc hoi Ban raya Dong Nai, cu tri phuong Binh Phuoc ba tabiak panuac ka danak dak quy hoach blaoh klak caik saong suai ngak, ngak cuang kandah tal raidiuk bhap bini. Rilo panuac  khan lac bruk pambuak co so dữ liệu di dom jabat, dom mban dom gah daok kurang labaih, ba tal bhap bini brei nao mai rilo mbang atau brei pabak harak gal klak yaok mbang hu karja salih ngak tui jalan  birau.

Tui Kong an Ban raya Ho Chi Minh, kuhria meng tuk tabiak bruk pasang iek, taong bhat ka bruk meblah, pandar suan hukum ka jalan nao tablak takai dalam Ban raya Ho Chi Minh (meng 16/1/2026) tal ini, kapul Kong an dom pakat hu peih labaih 24.000 mbang pasang duah, pasang iek, peih harak gal taong bhat labaih 33.000 bruk ngak suan ngan haong paok jien jaik 29 ty dong, pataom khik dom sruh radaih,…Tukvak anak tal ban raya brei peih dom labik darak malam, jalan nao tabak takai atau dom labik pablei salih pataom tame piah salih bruk pablei salih ka dom baoh sang pablei kaya rah jalan.

Tinh Lam Dong kham merat tal thun 2030 ngak hu meng 15 tal 16 xã saong 117  palei pala bhum urang bangsa takik, bhum ceik tabiak truh bruk kan kandah. Piah peih ngak hu bruk nan, Lam Dong brei ngak sumu dom jalan patagok kinh te xa hoi, dalam nan brei ngak dahlau jalan mbak piah daong bruk ngak mbang pala drak, duah bruk ngak kajap ka bhap bini. Tui nan paglong bruk pato megru, iek glang prein yawa, parilo urang ngak bruk.

Dom harei tapa, rah ar tasik Bãi Sau, labik phuong Vung Tau (Ban Vung Tau klak), Ban raya Ho Chi Minh, dom njeic tasik theik tabiak ar biak rilo, dui atah rilo mbaik jalan, rilo rahra mai tasik taduan njeic tasik ba mai sang rak ia menyum. Tui rahra bhum palei, bruk njeic tasik theik mai rilo yau nan nyu oh rah tabiak bhian, njeic tui riyak theik tabiak ar jeng yaok tal kapal. Kuhria rah tapa yaok harei hu meng 20 tal 50 tan njeic theik tabiak labik Bãi Sau. Kayua nan, kapul ngak hacih sa-at alam langik brei ngak bruk gam gam piah dil samu ngak hacih sa-at ar tasik.

Rajaei Prang daok kuhria pabak phun jien daong ka dom hãng kapal haok oh kan kandah hagait kayua yaom menyek ahaok pandar tagok glong. Rajaei sanya  daong ka urang yam tapa tukvak kan kandah ini. Urang jakar chau Au daok ngak samar duah jalan piah pacang cakak bruk ahaok padeih par di bilan he ini hadei dom hãng akaok  kakei ka bruk kurang menyak ahaok dalam dom adit anak kayua mesruh metak kalin kan di Trung Dong.

 Sa radaih bus pajeng tuai damuai saong sa radaih pajeng xang menyek gibuh gauk di jalan peih samar di kaoh pulao Sumatra, Indonesia harei 6/5, ngak ka takik abih 16 urang metai, 4 urang karei njauk rambuas. Jabat pasang iek bala di bhum palei brei thau bruk pasang duah anak meta brei mboh sruh radaih bus meda hu patabiak apui dahlau tuk ginuh gauk. Bruk ini meda lac ngak ka urang peih nduac radaih vaih tapa gah hanuk jalan piah plaih sa bruk gaok bala trak jang.

Dom urang njom hantavirus di gilai pajeng tuai ma-in di Đại Tây Dương hu 3 urang metai, 1 urang ruak trak saong dom urang ruak hanjol. Sruh jit ruak hantavirus di gilai Hondius di tathik Cape Verde daok peih ngak birau  tuk 3 urang ruak hu ba tabiak truh gilai piah iek ruak. Dalam tuk nan, dom taneh ia karei  daok hu veik urang njom virus ini./.