Meng akaok thun mbiah tal ini, bala meng langik tathik, abih di nyu nan lac ia sua, ia theik, glut jaleih taneh ba tal khat lahik trak di rilo bhum palei ngak 52 urang metai saong lahik, 80 urang njauk rambuac, 173 baoh sang jaleih, labaih 23.200 baoh sang khut tayak…Piah khik caga hu salamat, takik khat lahik drap ar di bhap bini, Thu tuong kakei brei caga dahlau hajan praong, ia sua, ia theik, glut jaleih taneh di bhum Barak negar saong Bhum kreh negar. Dom Akaok Mentri, akaok UBND pakat tinh taduan bruk ngak anak Rajaei, Thu tuong meyah suai damuai, ngak oh tani tanat, oh caik hatai dalam bruk ngak, tacei ba jalan ngak caik rah tabiak bala metai lahik rahra. 

Ia gah angaok kraong tuh trun, tinh Dong Thap jaik tame bilan ia ndik tagok glong. Bhap bini di dom bhum palei di gah angaok kraong sami samar yuak padai He Thu saong kuhria caga raok bilan ia ndik. Tui So Ngak nong saong Alam moi truong tinh Dong Thap, bilan He Thu thun ini, tinh Dong Thap hu taneh pala drak labaih 216.300 hecta. Dom bhum palei daok yuak padai di mbang hamu praong 120.000 hecta; yuak padai labaih 6,5 tấn sa hecta.

Tỉnh Cà Mau brei jhul pakhang bruk pathau khan ka bruk Jak ba “Bhap bini bac pandar taka so”. Makna bruk ngak ini lac pato ilamo saong pandar taka so; pato ilamo ka bhap bini ka bruk khik iek khaw tin, khik du lieu di drei, pacang, caga pachot pagat  angaok mang, jeng yau bruk pandar tri tue nhan tao saong kong nghe  birau hu siam, njauk bruk. Bruk pathau khan njauk brei salih birau asar kadha saong jalan ndem meyai, iek praong bruk pambak praong dom bruk gheih ngak, jalan ngak hadah krah, urang yau kareih camin naih gheih. 

Mban tacei ba duah pataom saong brei thau angan je talang liet si di TPHCM peih bruk duah pataom atau talang liet si  di puk palei Lạc An 3, xã Thường Tân ( huyen Bắc Tân Uyên, tinh Bình Dương dahlau diah). Tui khaw tin camereip, di bhum ini hu sa lung bang dar 5 liet si haong gauk. Dalam nan, 3 liet si oh ka thau  angan je. Yau nan ye, bruk duah mbang ini daok peih praong caong khin samar thau angan je liet si, daong baoh sang urang duah mboh gauk gar adei sa-ai hadei ralo thun maong kaok. 

Gilang khik piah Ilimo Bangsa Khmer, tỉnh Vĩnh Long urak ini daok khik, parang iek labaih 800 kaya kan, thaik binguk saong harak tai lieu, padang veik raidiuk ilimo, hukum di urang Khmer, meng ilimo yang mebang pambuak haong Phat giao Nam tong Khmer, bruk diukrai mbang ngui saong ngak mbang pala drak, dom palei ngak meng kan, parang iek bhap bini – jaman ini tal  bruk cach mang dalam dua mbang mesruh metak meng thun 1930 - 1975.

Tong thong My Donald Trump khan brei thau Po negar Triều Tiên Kim Jong-un hu su-uh javap calei ka dom bruk taom gaok jaik ini di ong.  Sa harei dahlau di nan, ong  Trump di mang xa hoi Truth Social sa blah thaik binguk haong ong Kim Jong-un di thun 2019, tui nan khan lac dua urang “ biak njauk gauk”. Bruk ini ngak pakhang bruk ndem melei gah la-kuk lac ong Trump pambuak haong Po negar Triều Tiên.

Ban raya Zamboanga, gah meraong negar Philippines birau rah tabiak sa mbang patuh phao tame sang bac trung hoc ngak 2 anek saih  metai, 9 urang karei njauk rambuac. Tui gah truyen thong pak ini, urang nan hu ba bruk patuh phao tagok mang xa hoi di drei. Dalam dom video pambak tabiak, hu mboh urang pan mbaik phao atah saong sa mbaik phao katut. Nyu cuh tame urang dang anak tal bac, hadei di nan patuh phao tame dom urang karei.

Labaih sa adit hadei tayun megei taneh khang 7,4 ngak megei tayun negar Colombia, tui yaok kuhria birau tagok tal 289 urang metai, 143 urang lahik. Urak ini, dom gah kapol nyaom dunya saong rilo taneh ia brei daong mbat tamra, phui men, kaya mbang saong mac jamraih samar chip tal Colombia. Yaom lac hu daong ralo, bruk ramik pasiam veik Colombia meda gaok rilo kan kandah./.