Page ini ( 26/5) di Can Tho, Thu tuong Lê Minh Hưng ngak bruk haong Ban thuong vu Thanh uy Can Tho ka bruk ngak brei cak rok patagok kinh te -xa hoi saong bruk patagok “ 2 taka so”; bruk peih brei phun jien meng kadung karja; ngak bruk di karja dua pakat; khik brei salamat, quoc phong; padang Đảng, pakat chinh tri saong lang talaih  dom kan kandah di bhum palei. Di mbang nyaom, Thu tuong caong khin ban Can Tho brei salih jalan ngak bruk meng duh bruk tapa padang bruk patagok; ba tabiak dom jalan ngak, sarak ndac thu piah ban ini cakrok patgok tui dom kein lagaih di drei, njauk ndem tal gah nang luong, tapen tathik saong ban do thi…

Tỉnh Dak Lak birau peih nyaom biai  ngan haong kadha: “ Khik iek, pandar  saong pachreih bruk buh jien tame ngak patagok ia pandar pambuak haong bruk ngak nong, palei pala birau saong nang luong hijao bhum Kreh - Tay Nguyen”. Di nyaom biai, dom urang mboh lac, bruk pala phun kong  nghiep saong kuac mek ia dalam taneh  ralo di Đắk Lắk, Gia Lai, Lâm Đồng daok ngak kurang ia biak trak. Nyaom biai lang talaih dom tavak tavaiy  urak ini, pamong tal bruk cakrok patagok khang kajap dalam bhum.

Harei roya sirah rivang ma-in, kaya mbang pambuak haong bruk pablei salih, kaya OCOP birau peih tabiak di phuong Rạch Giá, tỉnh An Giang. Ini lac bruk ngak pachreih Thun Yulit pakat negar 2026 saong pachreih bilan yulit he An Giang. Hu jaik 400 labik parang kaya ndap nda, harei roya thun ini  pataom tame hu dom doanh nghiep, HTX saong dom po kaya OCOP mai meng dom tinh, ban dalam saong langiu ngar. Harei roya peih ngak tal harei 31/5 anak tal.

Dalam tukvak suai atah, yaom baoh panat saong baoh thanh long di tinh Dong Thap trun biar, po bein gaok rilo kan kandah kayua oh laba. Urak ini, baoh panat Thái hatai bhong di tinh Dong Thap yaom 5.000 tal 9.000 dong sa kilo. Ta-eng panat hatai kanjik, urang blei abih baoh praong atau sit tok dom ribau dong sa kilo. Yaom baoh thanh long di tinh yaom meng 15.000 ta 20.000 ribau dong sa kilo. Yaom thanh long saong panat biar, dalam tuk yaom khak, jru khik caga phun pala tagok glong yau nan ye po bein khat lahik biak ralo.

Jala harei 26/5, Kong an TPHCM ginum biai brei thau bruk pasang duah mboh cemereip pametai manuac rah tabiak di melam 21/5 anak labik kuan mbang kaya ia  di jalan Trương Định, phường Bến Thành. Hadei oh ka bak 24 mon duah mek, bollin kong an hu thau dua urang nan lac Vaa Vaa (ndih tapui thun 1999, taneh ia Samoa)  patuh phao saong Tafia Steve (ndih tapui thun 2003, negar Samoa). Panuac khan di var ginum biai, Trung tướng Mai Hoàng, Yam ndoc Kong an di TP.HCM taong yaom ini lac bruk pametai manuac biak trak, dom urang hu sap pagap dahlau biak tanat, pandar phao gah bollin saong nduac dauk biak kan thau. Yau nan min, gah bol lin samar thau jalan nao di kol nyu saong chap mek hu salah.

Bhap bini Thụy Sĩ brei buh phieu di bian 6 anak tal ka bruk ngak hadah krah piah pacang bruk rahra ala 10 trieu manuac. Bruk ba tabiak nan pacang urang negar langiu tame ngak parabha urang di negar kaya meda ini. Dom urang njauk hatai ka bruk roh duah hadah krah mboh lac Thụy Sĩ, hu 9,1 trieu bhap bini urak ini, daok ndua naong trak kayua “ urang tame negar ini ralo”,  tui nan iew brei ba tabiak bruk yaok kuhria bhap bini ka njauk.

Sa blah thaot binguk  praong pok meyaom drap ar  dat blong saong ilamo di Mexico birau hu ngak salah blaoh di ban ine Mexico City. Blah thaot binguk nan mek hu Ky luc Guinness Dunya lac blah thaot binguk  praong abih labaih 203 met vuong cih meng kalam. Blah thaok binguk nan hu kapol urang cih vak kayua racih Carlos Badillo dang akaok. Kapol urang pandar cọ klam cih meng kan dahlau saong sơn piah ngak brei mekre meta.

Jit ruak Ebola di Congo daok peih ngak biak trak dalam tuk dom urang njom ruak tagok tal 1.000 saong labaih 220 mbang urang metai. Gah Y te Dunya( WHO) kakei dahlau ka jit ruak njom mbak samar tapa prein pasang iek di urang ngak bruk, dalam tuk bruk mesruh metak meng phao karong, kurang ndap nda saong bruk huac kandah di bhap bini  ba tal kan pacang cakak jit ruak./.