Page ini ( 27/5), di tinh Dong Thap, Thu tuong Rajaei Lê Minh Hưng ngak bruk haong Ban Thuong vu Tỉnh ủy Dong Thap ka bruk patagok kinh te - xa hoi saong bruk patagok “2 taka so”…Ndem ka dom bruk caong khin di tinh Dong Thap, Thu tuong caong khin quy hoach dom KCN, meyah pabak hu 50%  ye brei quy hoach veik KCN. Tinh brei  jhul pakhang bruk patagok kong nghiep ngak tabiak kaya kan, patagok bhum kong nghiep tapen kraong Tien saong kraong Hau jeng labik ngak tabiak ndap nda, kaya ia. Pataom tame  patagok logistics dalam bhum, padang dom pasak logistics praong di dom bhum taneh Gò Công, Tân Phước, Cao Lãnh…

Tỉnh Tây Ninh urak ini hu 9 xã ginup kadha padang ngak danak dak padang phuong, dalam nan hu: Đức Hòa, Hậu Nghĩa, Cần Giuộc, Bến Cầu, Tân Biên, Bến Lức, Dương Minh Châu, Cần Đước saong Tân Châu. UBND tỉnh Tây Ninh hu jao brei UBND  dom xã  dang tabiak ngak, samar  peih ngak 5 bruk piah ngak brei salah harak gal ho so, danak dak padang phuong. Tui nan, So Noi vu pambuak haong dom sở, dom gah  brei pasang iek, taong yaom dom tanut  tui hukum di UB Thuong vu Quoc hoi. Tui bruk ba tabiak, suai abih lac harei 1 bilan 6 anak tal, dom xã  pambuak don vi padang ngak danak dak, pathau khan pakat uy saong UBND tinh likau cu tri brei thau hatai sahaneng.

TPHCM brei ba tabiak ngak iek bruk peih radaih buyt sit tui caong khin (DRT) mbuan nao mai, duah radaih tapa ung dung, piah pambuak metro saong jalan noa mai di bhap bini di dom labik kan raok radaih. Tui bruk ba tabiak, DRT lac radaih daong pajeng ba tuai, pambuak akaok jalan – puac jalan di dom radaih buyt saong jalan pasei ban do thi. Bruk peih ngak iek di dom labik hu rilo urang caong khin nao mai ralo min oh hu radaih duh ka bhap bini yau di labik Dai hoc Pakat negar TP.HCM, pasak Ban raya saong dom ga radaih ndien Metri ka 1.

Page ini ( 27/5), di phuong Buôn Ma Thuột, Kapol urang Kumei  tỉnh Đắk Lắk peih ngak Bruk praong pathau khan ka bruk likei atau kumei saong Nyaom biai “ Urang kumei pandar kong nghe saong salih birau dalam jaman taka so”. Bruk dawah pathau ka  bruk likei kumei sumu gauk ngan haong kadha “ Sahaneng njauk - Ngak njauk - Radiuk siam jang”, pamong tal bruk paglong jalan sahaneng ka alam moi truong so; daong urang kumei, abih di nyu lac urang kumei di bhum atah bayah, bhum hu pandar kong nghe, taka so saong pandar  mang xa hoi salamat, siam mekre.

Uy ban MTTQ Viet Nam phuong Tịnh Biên, tỉnh An Giang birau pambuak bruk peih ngak Danak dak “ Jum pataom anit ranam”, alin ka dom baoh sang hu raidiuk kan kandah dalam phuong. Tui danak dak, mban peih bruk hu alin brei 200 paok pandap ka bhap bini kan kandah, yaok paok yaom 380.000 dong, dalam nan hu 10 kilo gram brah, 1 thung mi, kaya pandar yaok harei, khan ao saong 50 ribau dong jien mbaok, kuhria abih tih tui jien labaih 76 trieu dong.

Jabat Kapal ahaok saong Vũ trụ Pakat negar Mỹ ( NASA) harei kabroi (26/5) khan brei thau bruk hadah krah Labik angaok Ia bulan, ba tabiak bruk ngak suai lavik di anek manuac jaik gah Meraong ia bulan yau bruk di danak dak duah thau Artemis praong jang. NASA khan brei thau, gah Meraong ia Bulan hu palih ruah kayua labik ini hu pasang hadah  dui atah, lagaih  ka bruk ngak tabiak ndien ia harei saong ngak brei la-ar hu tani tanat jang ka bruk roh duah.

Nhat Ban brei thau hu 5 janih ve tinh nhan tao sit ngak eng, tui kuhria hu ba tagok langik meng ten lua di harei 10 bilan 6 anak tal. Dalam nan hu dom ve tinh nan, hu ve tinh “ Én tathik - Umitsumame” di Dai hoc ilamo  Tokyo. “Én tathik” hu thaik thaok lap the, yaok gah atah 60cm, hu pagam camera piah thaok binguk sinh vat saong kaya ia ala tathik, jeng yau dom mbang patuh patau, rik tame pagong prein yawa  meriak haong Nhat Ban dalam  bruk ngak kong  nghiep vu tru.

Ban ine Lisbon di Bồ Đào Nha birau meblah hu labik dang akaok dom ban njauk diukrai di dunya ngan haong urang negar langiu. Ini lac  sa dalam dom ban jien cai pandar glong, joi sap Anh, langik hacih jangaih siam ka prein yawa dut saong rilo ban karei di chau Au. Ban ine Amsterdam di Hà Lan dang ka dua siam lagaih, bruk iek glang prein yawa  siam saong langik hacih sa-at…