Ngak bruk haong Ban Thuong vu Tinh uy Vinh Long di biar harei kabroi ka bruk kinh te - xa hoi saong bruk patagok “ 2 taka so”, peih brei phun jien di karja, khik siam bruk quoc phong - an ninh, ngak bruk karja bhum palei dua pakat, padang ndang saong he thong chinh tri, Thu tuong Lê Minh Hưng khan brei thau, gah Pei jeng yau dalam tinh Vĩnh Long brei ndem tapak daok rilo bruk piah ngak hu bruk ba tabiak, abih di nyu brei patagok “2 taka so”. Tukvak anak tal, Thu tuong caong khin tinh Vinh Long brei salih birau jalan sahaneng, kuhria bruk ngak brei patagok birau, njauk hatai meng jalan sahaneng tal bruk ngak, salih bruk ngak, pakhang bruk pachreih urang buh jien tame ngak kong nghiep, jitvu saong parilo urang ngak bruk naih joi piah ngak hu “ 2 taka so”. 

Harei ini saong harei paguh ( 27 & 28/5), labaih 44.300  anek saih tinh Dong Thap brei hu mbaok tame pakacah palih ruah THPT (palih ruah tame tal bac 10) thun bac 2026 -2027. Dom labik pakacah di dom xã kaoh pulao, gah Pato megru Dong Thap pambuak pakajap  haong karja bhum palei kakei anek saih mai pakacah njauk tukvak, ba mbuan lagaih  ka anek saih dalam tuk ndik gilai tapa kraong, sumu tukvak pakacah.

Pahadar Harei Dunya uranaih 1/6, So Y te TP.HCM pambuak haong Ban Ndoan  peih ngak danak dak “Harei roya uranaih 1/6” piah kuhria sangka ka labaih 1.700 uranaih hu raidiuk kan kandah. Di bhum palei 1 (TPHCM klak) page 26/5, danak dak hu alin pandap ka labaih 900 uranaih. Danak dak hu peih ngak di bhum 3 (Bà Rịa - Vũng Tàu klak) di harei 29/5 di Pasak daong khik saong Bruk xa hoi phuong Rạch Dừa hu 400 paok pandap saong bhum dua (Binh Duong klak) di harei 1 bilan 6 di Pasak Bruk xa hoi - Kadung jien daong uranaih  Bình Dương, phường Thới Hòa hu 400 paok pandap alin.

Meng harei 17 tal 19 bilan 7 anak tal peih ngak Festival Tathik Khánh Hòa 2026 saong kadha “ Ilamo ban tathik - Yam tagok dunya”. Ini lac bruk ilamo - yulit quy mo pakat negar ngan haong bruk caong khin pachreih 600.000 tal 800.000 mbang bhap saong tuai damuai dalam, langiu negar. Bruk ngak di roya  Carnival - dieu hanh 26 radaih binguk yulit ngan haong kadha “Bingu tathik Nha Trang” haong labaih 2.000 urang hu mbaok tame.

Sở Ilamo, The thao saong Yulit Ban raya Can Tho pambuak haong UBND phuong Phú Lợi peih bruk “ Peih ngak taong abih bhap bini pasram caluai ia ia, pacang caga mblung ia thun 2026”. Ini lac bruk lagaih piah pacheih ngak tui Bilan bruk ngak daong ka uranaih, tui nan paglong jalan sahaneng di manuac sia ka bruk pasram caluai ia, khin caga mblung ia ka uranaih, ba mai rilo kein lagaih ka bhap bini.

Nao ngak Haji bhian thun - sa salam 5 hukum  di agama Isalam tame ngak di Saudi Arabia, hu labaih 1,5 trieu urang nao haji  negar langiu mai Saudi Arabia. Dalam harei kaok meti di haji, dom urang musilim pataom tame di  Mina dahlau tuk mai tal ceik Arafat - lac labik hu iek ngak hukum haji hu makna praong. Di ini, dom urang musilim sampahyang, sahaneng saong likau ma-ah di Po Alluah.

Labaih 300 tuai damuai daok gal tavak rilo mon angaok langik hadei tui 65 cabin cap tuan danei angan di Gulmarg Gondola di bhum Kashmir, Ấn Độ khut dalam tuk langik biak jhak. Gah  daong, bol lin saong cảnh sát  hu jak ba samae chip  piah langyah daong ba tabiak truh 320 tuai damuai daok dalam cabin tuan angaok langik. Urang ngak praong Jammu & Kashmir, ong Omar Abdullah khan lac kayua khut ky thuat.

Pahadar Harei kra nduh Dunya (23/5), di Labik khik ramik kra nduh tathik di ban Tam Á, Trung Quốc ba tame ngak bruk, rik tame pakhang bruk khik caga saong ngak pajaih kra tathik. Labik khik ramik hu taneh praong 388 m2, dalam nan hu kuang pasiam veik, labik caik menek  saong labik parang iek pato pakai. Danak dak taong yaom lac bruk hu makna praong  piah khik ramik kra nduh tathik, peih prong  bruk daong, ngak parilo pajaih saong palao tame tathik./.