Meng blaoh rah tabiak rilo dom bruk mblung ia di uranaih ngak tabiak kanjah jhak trak di dom tinh Dak Lak saong Phu Tho. Piah aval drah pasiam saong srap gap pacang caga gaok bala mblung ia ngan haong uranaih, anek saih, Thu tuong Lê Minh Hưng pandar dom bhum palei brei pataom buh tame ka ndap nda kaya duh bruk peih pato luai ia salamat, ilamo salamat dalam ia ka uranaih; pato ilamo pacang caga mblung ia ka amaik ame, uranaih, anek saih. Mentri Pato Megru samar drah salah blaoh danak dak, harak gal saong peih bruk pato luai ia salamat, pacang caga mblung ia di uranaih, anek saih dalam dom labik pato megru. Mentri Y te paglaong bruk pasang iek, pasang duah bruk pacang caga mblung ia ka uranaih di dom bhum palei, rilo meng lac dom bhum palei bhian rah tabiak mblung ia di uranaih.

TPHCM mbang akaok meti peih bruk padang “ ATM harak ve anit ranam” di jalan Metro ka sa ( Ben Thanh - Suoi Tien), ngan haong 500 -1.000 harak ve yaok harei daong bhap bini hu raidiuk kan kandah hu ndik radaih duh ka bhap bini siam birau.  “ATM harak ve anit ranam” hu pagam di labik sang ga Ben Thanh saong Mblang radaih Suoi Tien di jalan Metro ka 1. Bhap bini saong khin pandar can cuoc atau pandar ung dung VneID pasang ma QR di kiosk tự đồng, palih ruah jalan nao karei saong taduan hu sa phieu ndik radaih oh abih jien.

# Ban raya Can Tho bahrau peih padang jak jeng sang mac ndien angin Soc Trang 4, ngan haong cong suat thiet ke 350MW, hu 56 tuabin; taong abih jien buh tame 14.500 ty dong. Kuhria salah blaoh puac thun 2028. Ini lac sa dalam dom danak dak hu makna daok dalam gah nang luong pasiam, daong jhul tagok kinh te hacih hijao, salih nang luong karo kajap saong khik kajap an ninh nang luong negar.

Di rilo bhum palei di tinh Ca Mau, bruk pandiak bhang tua riya, njom ia mbak daok rah tabiak yaok thun, raidiuk bhap bini rahra gaok rilo kan kandah. Anak bruk nan, gah chuc nang di Ca Mau daok kham merat peih ngak tui rilo jlan pambak praong ba ia pandar, lang talaih bruk kuhria ia di bilan panjiak. Suai lavik, tinh peih praong dom jalan ba ia tal dom labik kurang ia piah ginup ia brei ka bhap bini.

Jabat Canh sat pasang duah Kong an Ban raya Ho Chi Minh bahrau taong tayah jaln talei pablei dauk ameh meng Campuchia, kaoh duas saong mek kareik dua urang: Vũ Thị Ngọc Anh (menek 1977) saong Nguyễn Duy Tấn (menek 1981) piah pasang duah ka bruk “Pablei dauk” tui Paka 188 Hukum Hinh su. Dahlau nan, harei 20/4, kapul chuc nang duah mboh Vũ Thị Ngọc Anh ba tui labaih 2,2 kg ameh 9999, hu yaom labaih 9,7 ty dong, di mblang kapal ahaok par pakat dunya Tan Son Nhat ngak harak gal nao Phu Quoc. Jalan talei ini hu ngak labaih 10 mbang pajeng ba ameh meng Campuchia mai Viet Nam, yaok mbang pajeng hu yaom labaih 30 ty dong, mek jien tame suan hukum yaok pluh ty dong.

Tong thong Nga Putin hu mai tal Bac Kinh, rivang tui pakat Karja dalam 2 harei daok rivang Trung Quoc. Dalam kadha bac tapa video dahlau tagok jalan tal Bac Kinh, ong Putin taong yaom, talei rohim Nga – Trung hu thau ka gauk, jia hatai tame ralo abih jang tuk halei. Dua taneh ia brei pambuak duah gah hu kein laba, daong ka gauk dalam dom bruk pambuak tal “ dom bruk hu kien laba praong, dalam nan hu bruk ngak po saong yasa taneh ia”.

Rajaei Indonesia brei pabak 2 ribau ty rupiah – sumu 113 trieu USD tame darak pasar trái phiếu dalam negar yaok harei, piah daong tani tanat dong rupiah tuk jien ini patui veik oh daok kajap dut haong dolla My. Tui Hukum Jien padai Indonesia bruk tame bruk ini piah ngak tabiak sa darak pasar hu lagaih saong pacang cakak bruk nduac phun jien tabiak negar langiu. Bruk trái phiếu tani tanat brei pachreih dom gah buh jien tame di negar langiu khik tani tanat bruk buh jien tame di Indonesia, meng nan patrun kateik geik tagok dong rupiah.

Thổ Nhĩ Kỳ pakhang bruk duah mek dom urang khủng bố. Cảnh sát khủng bố  Thổ Nhĩ Kỳ mek hu 110 urang ngak suan hukum, pambak tal dom bruk daong gah khung bo Karja IS. Dom kol nan peih tal pato bac suan hukum, pato uranaih jalan sahaneng sahanak suan, mek jien, buh pataom tame saong iew da-a urang birau tame./.