Di bingun Pahadar 101 thun bao chi kat mang Viet Nam (21/ /6/1925-21/6/2026), biar harei kabroi (14/6) Thu tuong Rajaei Lê Minh Hưng saong Akaok Quoc hoi Trần Thanh Mẫn hu dang ngak haong gauk ka mbang taom gaok urang dang akaok dom jabat bao chi. Ndom meyai di mbang taom mbaok, Akaok Quoc hoi ong Trần Thanh Mẫn tadhau ayuh dom urang ngak harak bao saong brei mboh bruk iek praong dom ndom meyai biak hu tung tian, praong dalam, ba tabiak dom jalan langyah tantu cambaih laih haong bruk truyen thong, pathau khan, khan brei thau ka hukum saong bruk di Quoc hoi, Rajaei. Akaok Quoc hoi taong yaom dom jabat bao chi hu patui veik buh jien tame ka ilamo kong nghe so, pandar tame saong rik daong ka nen tang du lieu taka so pakat negar; ndom meyai dom bruk jabat ngak harak bao bahrau…

Mbiah tal ini, danak dak tatua Đại Ngãi 1 lac sa danak dak praong pakat negar pambuak Vĩnh Long haong Cần Thơ ngak hu labaih 63% bruk ba tabiak. Dom bruk brei ngak trak samar  hu peih ngak njauk tukvak, siam mekre sang pabak tui hatai caong khin tani tanat. Rilo bruk ngak njauk tukvak, pabak hu makna  piah ngak salah njauk bruk ba tabiak. Brei panuac di var  pasang iek bruk padang ngak di harei 14/6, Akok Mentri Padang ngak Trần Hồng Minh taong yaom bruk ngak siam di Mban Khik iek danak, po padang ngak saong labaih 350 ly sư, urang ngak kong kham merat  ngak brei njauk tukvak

Tinh Dong thap daok samar drah srap gap ka harei peih pakak Harei raya Caraih Dong Thap mbang ka III thun ini tui kadha “Mai pang Caraih khan kadha”. Harei raya brei rah tabiak meng harei 18 - 21/6 tal labik phuong Cao Lãnh, hu rilo danak dak gheih mekre, pamaong tal bruk hadah krah, pambuak bhap bini saong ba mai dom bruk ba drei tame hu makna ka rahra, tuai damuai dalam saong langiu negar, yau ye: Labik parang rilo yaom kaom gah kaya caraih, kaya OCOP; jalan kaya caraih saong parang iek khinh khi cau ka seni nghe thuat v.v…

Pachreih ngak tui Bruk jak ba “Taong abih bhap bini bac megru ngak tui jalan diukrai siam mekre di Wa Ho praong uranam”, melam kabroi 14/6, di Mblang bein Nguyễn Tất Thành, phường Quy Nhơn, tỉnh Gia Lai peih Nyaom biai Padhih the thao mon Kickboxing saong Yai Vô địch daok sit thun umo Kickboxing thun 2026. Tui Mban peih bruk, yai thun ini hu mbaok di 45 labik bac võ, kalup kapol kuhria taong abih 161 urang pasram bac. Bruk pakacah dua yai nan piah hu labik pah dom urang bac vo, urang pakacah hu bac megru, klak rabha dom ilamo ka gauk.

Biar harei kabroi (14/6), sa mbang apui khuah rah tabiak di tinh Dak Lak, mbang abih sa baoh sang atah bhap bini di baoh sang amuk H Rim Niê, daok di mbon palei Hô, xa Cuôr Dăng. Apui mbang taong abih baoh sang saong rilo kaya dalam sang. Sa radaih kong nong caik tabiak jeng njauk apui mbang khut tayah. Tukvak rah tabiak apui mbang oh hu urang daok dalam sang nan oh ngak khat lahik ka menuac urang. Makna akaok meti di mbang apui khuah hu jabat chuc nang brei thau lac kayua patuh jalan talei ndien. Urak ini karja palei daok kuhria khat lahik saong peih ngak dom bruk saong baoh sang.

Tong thong My Donald Trump harei kabroi 14/6 khan brei thau Mỹ saong Iran ngak salah  sa bruk ginum biai hadei rilo bilan ndem biai nao mai biak kan kandah. Tong thong Donald Trump khan lac bruk ginum biai birau haong Iran ngak brei salamat di taong abih bhum taneh Trung Đông. Ong khan lac rilo rai Tong thong Mỹ dahlau diah ngak kham merat ngak oh hu  bruk salamat haong  Iran, min dom urang ngak praong di dalam bhum taneh urak ini duah mboh taneh ia ngak hu bruk nan. 

Thai Lan brei raok labaih 153.000 radaih ndien (EV) tut angan bahrau dalam thun ini, mek hu tanut cakrok biak mekre labaih 28% dut saong tukvak ini thun dahlau. Njauk caik hatai lac, bruk tut angan ka radaih ndien bahrau ralaoh bhong meraih taduan tanut cakrok samu di taong abih dom labik, abih di nyu nan lac rah tabiak di 23 tinh, ban hu makna. Thai Lan kuhria lac, ty trong tut angan bahrau di janih radaih ndien (BEV) brei patagok meng tanut jaik 20% di thun blaoh tagok tal labaih 25% dalam thun ini.

Trung Quốc ba tame ngak bruk dom robot hàn thong minh biak samar akaok meti kayua  negar ini roh duah ngak tabiak. Ini lac kaya duh ka dom bruk kan hàn pagam di danak dak padang ngak yau talaoh kapal praong  yau mejam sang pathei menyek di tathik, atau dom bruk kan karei. Ndap nda umo atah 20 thun, cakong trak 30 tấn, hu gah dalam ngak kaya kan di Trung Quốc.