Ndem meyai ka bruk ngak di thun bac birau kayua Mentri Pato megru nga bruk online haong 34 tinh, ban birau ini, Thu tuong Lê Minh Hưng kakei lac, thun bac 2026 -2027 njauk brei pataom tame langyah dom bruk daok tavak tavaiy, kurang urang ngak bruk saong kaya kan; brei “ginup sang bac, ginup tal bac, ginup gru pato”; oh luai ka anek saih sang kathaot oh hu nao bac. Kuhria caga ginup kaya kan piah dom bac pho thong gam bac gam daok dom pakat di dom xa taphia negar ba tame ngak bruk. Thu tuong kakei lac: bruk kham merat tal puac abih lac urang bac da-a siam jang, urang gru naih gheih, sang bac siam jang saong urang ngak di taneh ia siam jang.

Sa bruk praong Pahadar 81 thun Cach mang Bilan 8 jak jeng saong Harei negar 2/9 daok peih ngak di Ban Can Tho lac Parang iek kadha “ Meraong negar hadar miat miat dhar phol Wa Ho” saong prang  iek kadha “ Ilimo dom bangsa Viet Nam - Yasa bein ralo ilamo bangsa”. Tapa parang iek mbang ini brei mboh bruk ngak di Dang CSVN, Chu tich Ho Chi Minh ngan haong bruk peih paha bangsa, dak padang saong khik caga Taneh ia plei negar. Tui nan, paglong jalan sahaneng, bruk ngak di yaok urang dalam bruk khik ramik, patagok ilamo bangsa dalam jaman uak drei patagok.

Uy ban MTTQ Viet Nam tinh Dong Thap peih ngak danak dak patrun kathaot, peih ngak sumu 187 danak dak, bruk daong urang kathaot, kuhria jien daong labaih 14 ti dong. Mbiah tal puac thun 2025, Dong Thap daok jaik 6.700 baoh sang kathaot; kuhria yaok thun jak ba hu labaih 1.000 baoh sang Jum pataom. Kapol Chu thap do tinh alin phun jien ka 10 baoh sang kathaot kuhria 50 trieu dong.

Ban Dong Nai daok peih ngak dom jalan khik ramik saong patagok dom yaom ilamo, rik tame khik piah ilamo saong pato pakai ka dom rai rah harei hadei. Gah ilamo ban raya  ba tame ngak tui taka so 2D harak gak ho so dom inem mek pakat negar, negar barik; gam ngak salah tak so 3D ralo kaya kan yau capi abap patau Lộc Hòa, rup patau Tê tê Long Giao, thaik patau yang Vishnu Bình Hòa...Gam haong nan, 11 drap ar dalam Sarak drap ar ilimo oh mboh di meta pakat negar hu ba tame taka so flim tu lieu piah khik ramik saong yaih khan pambak praong jang.

Kayua langik Ei Nino, ia binek Dầu Tiếng trun, Đông Nam Bộ mbuan gaok kurang ia. Tui ong Nguyễn Hữu Mạnh, Yam ndoc jabat labik Dầu Tiếng - Phước Hòa, kurang halau ia mbuan ba tal khat lahik labaih 170.000 ha taneh ngak padai di Tay Ninh, TPHCM, tui nan ngak ia dauk di labik gah ala. Gah ribaong kraong kakei dom bhum palei saong bhap bini brei pandar ia patak pataom, brei ngak lagaih piah khik hu ginup ia dalam vaktu anak tal.

Mỹ saong Campuchia pambuak bruk taong chap mek kol rao jien tu ndong  di  negar Campuchia. Bol lin chuc nang chap mek sa urang negar langiu, chap mek labaih 200 kilo matuy, labaih 1 tấn jru gam jien rao hu yam labaih 7 trieu USD. Kol ini rao jien ka gah kol matuy Sinaloa di Mexico.

Rajaei Nhat Ban khan lac “ Dom sarak kuhria piah ngak brei pabak xang menyek”. Bruk praong lac pambak tame eo tathik  Hormuz, brei pabak tui hatai caong pandar dalam raidiuk bhap bini. Rajaei Nhật Bản kuhria ngak salah blaoh di pauc thun ini. Nhat Ban jeng brei padang doanh nghiep hu blei bao hiem radaih dalam negar dalam tuk bruk kan kandar rah tabiak di dunya.

Ia tathik pandiak di ralo labik di chau Au daok tagok samar. Njauk ndem tal abih di nyu lac di bhum gah Pur saong gah Pei  Địa Trung Hải, rilo kaya ia brei nao gah Barak, dalam tuk oxy dalam ia trun ba mbon lagaih ka do janih tamuh. Dom urang ilamo kakei dahlau meyah oh pacang athak nerak sang camin, mbuan pandiak rah tabiak yaok thun./.