Salam uan 81 thun Katmang Bilan Dalipan, Harei Negar 2/9 saong Harei Kong an Rahra, tinh Ca Mau peih Danak dak nao tabak takai “Gam haong Viet Nam yam tagok” di 6 tuk harei Adit 30/8, di Labik Ban medin Happy Home Cà Mau, daok di phuong Tân Thành. Danak dak dui pachreih labaih 5.000 urang hu mbaok tame daong, dalam nan hu kapul: Kong an, bol lin, anek saih, sinh vien, kong chuc, vien chuc, urang ngak mbang pablei salih saong rilo rahra meng 4 phuong lac An Xuyên, Tân Thành, Lý Văn Lâm saong Hòa Thành. Urang hu mbaok tame hu pachreih kakei cuk khan ao sambo hala dok bhong patuk kanyik.

Gah ilimo tinh Dak Lak daok peih bruk ba tame taka so, tui nan jak ba dom but pajaih, baoh sang ba tapuk hukum adat mai labik khik piah hu siam jang, piah khik hu tamo  drap ar karei krih. Oh lac asar kadha sajarah, yaok tapuk hukum adat daok lac “ dom asar kadha daok hadar” di bhap bini, daong duah thau bruk ngak saong patagok di bhum palei, xã, adat cambat saong dom ilamo tapa rilo rairah, duh ka bruk roh duah, khik ramik saong pato padar.

Sang bac Ilamo Kong an Bhap bini IV bahrau hu ba tabiak di tinh Tay Ninh, pamaong tal bruk daong anek saih metui mejua, brei labik bac megru gam daok gam bac taong abih, pagam pato megru haong khik kajap an ninh, bruk daok dang mbang ngui rahra. Ini lac bruk pato megru karei, pamaong tal anek saih baoh snag kan kandah, uranaih daok dalam kapul metui mejua, anek kamuan baoh snag mbang tui sarak soang mikva bangsa takik, brei kein lagaih piah dom adei bac megru, pasram dalam labik gam daok gam bac.

Piah pakhang bruk ngak gah ye te bhum palei, So Y te TPHCM brei parilo urang bac si meng dom sang iek ruak mai blai y te, dalam hu jalan ba bac si hu angan jaik tagok jakar yam ndoc balai y te meng 3 tal 5 thun. Bac si meng sang iek ruak  mai ngak bruk di blaai y te, brei dahlau ka chuyen khoa khin hu gru jru yau noi khoa, khoa iek ruak uranaih, khoa ndih tapui, tim mach, noi tiet, khoa urang taha. Balai y te ngak bruk iek glang prein yawa camereip, min gah likuh tuk halei jeng hu sang iek ruak daong tuk hu bruk praong.

Xa Trà Côn, tinh Vinh Long urak ini hu labaih 2.220 baoh snag mikva bangsa Khmer, hu labaih 21% dom baoh sang dalam xa. Dalam dom thun mesuh metak, mikva dom bangsa xa Trà Côn hu mbaok tame bruk taong pacang khamang. Meng dom rik daong nan Trà Côn hu taduan lac xa Salamat labik. Paglaong bruk katmang, rahra Trà Côn pataom tame patagok jalan mbak palei pala, peih praong bruk ngak tabiak, pambuak kaya ndap nda saong paglaong raidiuk rahra.

Rajaei Anh iew TikTok saong dom nen tang mang xa hoi karei atah klak dom video peih radaih mbuan rah tabiak bala hu rilo urang tame iek, hadei bala di gah Barak negar Anh ba tal 2 cảnh sát saong 5 urang dam metai. TikTok oh ka ba tabiak kadha ndem meyai nan, min nen tang ini pakauk dom asar kadha meda ngak jhak tal rup pabhap.  

Robot plaong di phling ragam nan lac bruk pambuak di ilamo kong nghe robot saong ilamo bhap bini meda bai mai sa bruk me-in tapak bahrau. Sa bruk pablei salih bahrau hu angan “Me-in - kong nghe” meda brei mboh gilac gah me-in tapak dalam harei hadei. Bruk ini rah tabiak tuk robot jeng pasak di raya peih pakak sa bein bangu me-in bahrau di Han Quoc.

Urang kumei Dolly Parton, sa dalam thaik binguk praong abih di alat ragam palei pala Mỹ, plang lahik umo 80 thun di bang Tennessee. Sap daoh oh meluh hu, naih joi cuah kadha jeng yau ngui cuh khan ao hadah hadai, Parton padang bruk ngak du atah labaih 6 thun di tabung glong gah ma-in sa mbai di bhap bini Mỹ. Dolly Parton mek hu 11 yai Grammy saong pablei labaih 100 trieu mbang tavak sap di dunya.