Page ini (23/6), di phuong Buôn Ma Thuột, So Bangsa saong Agama tỉnh Đắk Lắk peih nyaom biai pasram, pabak ilamo ka 130 urang hu angan je  dalam bhum urang bangsa takik saong bhum ceik di tinh. Rilo ilamo kadha salih pandar taka so, bruk bangsa dalam tukvak birau, payua mai ka urang hu angan je di bhum palei. Dak Lak hu jaik 1.100 urang hu ngan je, lambaok ka 18 dalam taong abih 45 bangsa diuk rai haong gauk. Dom thun tapa, kapol urang hu angan je brei patagok bruk pambuak pakat uy, karja haong bhap bini dom sarak, hukum di Karja, rik tame khik brei tani tanat saong dak padang bruk jum pataom taong abih bangsa.

Tui ong Hoàng Nguyên Dinh, Pho Akaok UBND TPHCM, thun 2026, Ban raya padang ngak labaih 110.000 baoh sang di xa hoi saong dalam 2 quy akaok thun 2027 padang ngak ginup kadha ba tabiak di Rajaei lac jaik 200.000 baoh sang. Kham merat tal thun 2030, Ban raya brei ngak labaih bruk ba tabiak, sanya pambuak pagam hoang dom doanh nghiep. Ban raya tuk halei jeng nao dahlau dalam bruk ngak salah dom kadha ka sang daok xa hoi dalam tukvak tapa, sumu 100% tanut hu Thu tuong Rajaei jao brei.

UBND TP. Dong Nai hu jalan kuhria iek taong abih bruk dak ramik palei, khu pho dalam ban raya piah bruk ngak di karja njol njaic, takik khat jien padai saong paglong bruk ngak di bhum palei. Piah khik hu kein laba ka urang jakar daok labaih, ban raya hu buh jien labaih 550 ti dong piah langyah dom sarak njauk tui hukum. Bruk dak ramik nan piah ramik takik veik dom labik ngak bruk di karja, paglong bruk ngak di gah chinh tri dalam bhap bini; paglong bruk khik iek karja, bhap bini saong dom bruk chinh tri di bhum palei.

Urak ini lac bilan hajan, rilo janih baoh kayau di tinh Dong Thap trun yaom gam gam, ba tal po bein gaok rilo kan kandah kayua khat lahik. Tui dom po bein, di bilan hajan, phun mbang baoh bhian brei takik baoh min baoh jeng oh hu bingi kayua ruak halak palai. Thanh long saong baoh durian lac dua janih baoh kayau hu ralo di tinh Dong Thap, pala di taneh praong abih tih labaih 45.000 ha dalam labaih 133.000 ha phun mbang baoh dalam tinh.

Gah yulit tinh Vinh Long mboh hu rilo bruk bui sambai hu rilo tuai damuai saong jien mek tame glong dut saong tukvak ini thun dahlau. Dalam bilan 5 meng blaoh, tinh Vĩnh Long taduan raok hu 570.000 mbang tuai, tagok 19% dut saong thun dahlau. Dalam nan, tuai dunya hu labaih 95.000 mbang, tagok jaik 124%. Bruk nan mai meng dom labik rivang yulit daok paglong jitvu, parilo kaya kan saong patagok bruk ngak yulit jirah di bhum kraong ia, bein kayau.

Tong thong Mỹ Donald Trump birau mbaoh harak ba tabiak hukum jhul pasamar  patagok kong nghe luong tu saong pakhang bruk pacang caga dom bruk an ninh mạng tukvak anak tal. Tui Nhà Trắng, sa dalam dom bruk hu makna praong lac jhul pasamar  bruk kham merat dak padang may tinh luong tu hu lagaih rilo  dalam bruk roh duah ilamo. Karja Mỹ jia lac bruk nan meda  ngak hu di thun 2028.

Rajaei Thái Lan birau ba tabiak  bruk ngak suai lavik dalam 12 thun piah ba taneh ia hu taneh ia jien mek tame glong. Bruk pachreih  “ 4 prein khang” patagok saong jhul pakhang bruk ngak karja - urang. Thái Lan caong khin brei ramik ngak veik birau taong abih bruk ngak kinh te, paglong jien mek tame kuhria rah tapa yaok akaok manuac glong dua mbang dut saong urak ini. Njauk caik hatai, Thái Lan kham merat paglong phun jien buh tame  ngak di taong abih gah meng 22% tagok 30% GDP piah tui ngak hu suai lavik.

Thu tuong Cộng hòa Séc Andrej Babis khan brei thau hukum birau brei takik pandar phone tangin dalam sang bac di taneh ia ini meda hu pandar meng bilan 9 thun 2027. Hukum hu ba tame pandar  dalam tukava padei padei dom kadha bac. Mbiah tal ini, rilo taneh ia  pakauk uranaih pandar mang xa hoi, dalam nan Australia lac taneh ia akaok meti pakauk saong Anh jeng khan brei thau pakauk uranaih umo ala 16 thun pandar mang xa hoi./.