Cuc Ilamo dom bangsa Viet Nam pambuak haong So Ilamo, Pahat padhih saong Jirah rivang Dak Lak peih pakak tal bac pasram paglaong saong pato ilamo oh mboh di meta di bangsa Randaiy. Bac pasram pataom tame dom ilamo siam gheih karei hu vak angan tame Harak angan drap ar ilamo oh mboh di meta pakat negar yau ye: Adaoh khan akayat Randaiy (Klei Khan), sap ndom tui sap paoh Randaiy (Klei Duê), dom kadha adaoh dam dara ndom meyai nao mai (Ei Rei), gam haong ilamo pandar dom janih alat ragam bhap bini duh bruk hlai ragam tui phling ragaam bangsa. Tui urang Randaiy, dom janih akayat bhap bini bangsa, hlai ragam bhap bini saong phling ragam bhap bini brei mboh ka hatai ilamo saong prein diuk karo kajap di sa ilamo meda di dalam ceik glai Tay Nguyen.

Pamaong tal Festival Bingu Đà Lạt mbang ka XI, di labik yulit Lang Biang, tỉnh Lâm Đồng birau peih Nyaom pataom ilamo kong chieng saong kaya mbang gam haong kadha main bhap bini. Bruk njauk ndem tal di danak dak labik parang iek ilamo kong chieng hu mbaok di dom kapol nghe nhan saong  kalup kapol di tinh, yau Bingu Lang Biang, Baoh sang ilamo, Bon Dơng, Dà M’Lốt, Jồ Rơng saong Dom ayut Lang Biang...yaih khan, pambak praong dom ilamo siam gheih di urang bangsa K’Ho tal tuai damuai dalam saong langiu negar.

Piah pachreih ilamo puac tapuk, ban raya Ho Chi Minh brei alin dom tu tapuk bhap bini ka dom labik sang tro hu rilo menuac urang meng 80-500 bilik tro. Ini lac sa dalam dom bruk ndih dalam Kapul tapuk uranaih Ban raya Ho Chi Minh mbang ka 6 brei rah tabiak meng harei 26/6 tal harei 2/7 anak tal. Labik bahrau naih gheih di Kapul tapuk thun ini lac peih praong labik duh, ba tapuk saong dom bruk pachreih puac tapuk nao tal jaik jang haong raidiuk rahra, abih di nyu nan lac uranaih di dom labik daok rahra, labik sang tro urang ngak kong, labik daong rahra saong dom labik daok rilo kan kandah.

Tỉnh An Giang pataom tame peih ngak siam dom bruk, dom sarak di Đảng saong Karja ka bruk patagok ilamo; jhul  pakhang  bruk Jak ba “ Taong abih bhap bini jum pataom dak padang  ilamo” pambuak haong bruk salih pandar taka so, dak padang palei pala birau, dom thi birau. An Giang padang bruk bac da-a siam, pabak bruk bac da-a ilamo gam haong bruk patagok yulit hu kuhria ngak dahlau.

Sa labik jaleih taneh praong labaih 40 met, praong 8 met bahrau rah tabiak di jalan ar gah Pei kraong Cổ Cò, daok di puk Thái Hòa, xa Mỹ Lợi, tinh Dong Thap, ngak klaih klaoh jalan mbak nao mai di rahra. Patuah jamo lac, bruk ini oh ngak kan kandah tal bruk diukrai menuac urang, 6 baoh sang hu sang danaok jaik taphia mbuan laik tame bruk oh salamat. Hadei tuk rah tabiak bruk jaleih taneh, tinh Dong Thap hu peih kapul nao pasang duah labik jaleih taneh saong peih bruk panduan dom baoh snag rahra daok di labik mbuan rah tabiak jaleih taneh taneh nao tal labik salamat; paga pacang, padang ralaoh kakei caga di labik jaleih taneh, ramik caga kapul daok khik piah dil samu langyah dom bruk kanjah karei…

Trung Quoc tut angan Kapol nyaom Tri Tue Nhan tao (AI) Dunya thun 2026 saong Mbang gunum biai pakat glong ka Khik iek AI di dunya di Thuong Hai di bilan 7 anak tal. Ini lac thun ka 8 jiak gauk taneh ia ini peih Nyaom biai Tri tue Nhan tao Dunya. Dalam tukvak anak tal, Trung Quốc meda pambuak dom bruk kham merat patagok saong khik tani tanat, kham merat ngak tui jalan pambuak rilo gah, mek anek manuac ngak pasak saong patagok AI kayua kein laba bhap bini.

Dom negar sit Arab Thong Nhat (UAE) hu brei adat ka thun umo biar abih lac 15 thun piah pandar mang xa hoi, jeng negar Arab akaok meti ba tabiak adat yau nan ka uranaih. Rajaei UAE brei thau, dom jalan ngak ini hu pandar piah pandar langyah dom huac kanda ka bruk uranaih pandar asal kadha oh lagaih, pambuak online oh salamat, pandar mang xa hoi biak rilo saong bruk pabak du lieu ta-eng menuac urang./.

Danak dak ngak nang luong hacih praog abih meng dahlau mai mbiah tal ini di Mỹ yaom 11 ti dola di New Mexico, ba tame ngak bruk hadei jiak dua pluh thun likau harak gal saong padang ngak. Danak dak pabak ndien ka labaih 1 trieu baoh sang saong tagok glong klau mbang dut saong dua labik ngak tabiak ndien meng hangin praong abih hadei di Mỹ. Danak nan hu ngak di thun 2008 saong tapa rilo thun tavak tavaiy harak gal dahlau tuk padang ngak di thun 2023./.