Di bingun pahadar Harei Thuong binh – Liet si (27/7/1947 - 27/7/2026), harei kabroi 21/7, tinh Dong Thap peih Harei papok alin angan je Amaik Viet Nam krah bijak ka amaik Phạm Thị Kiên saong alin hidiah pok meyaom angan je hadah mbaok meta pakat Karja ka “Amaik Viet Nam krah bijak” ka 14 amaik ka dom bruk buh hatai tian, halan tian praong dalam bruk peih paha saong yasa taneh ia bangsa negar, padang saong pacang khik Negar. Urak ini taong abih Amaik Viet Nam krah bijak daok diuk rai di tinh Dong Thap jeng hu dom jabat, labik saong gah ngak mbang pablei salih taduan bruk sangka raong luac rai.

Ngak bruk pato tacei di Rajaei ka bruk rivang tangi dom urang mbang tui sarak, urang hu daong katmang meng kal dahlau di harei Pahadar 79 thun Harei Thuong binh – Liet si, UB Bhap bini tinh Dak Lak hu padang dom kapul nao rivang tangi, daong prein saong alin kaya ka dom urang mbang tui sarak di dalam tinh. Taong abih jien brei ka mbang alin hidiah ini hu jaik 30 ty dong. Langiu kaya alin di UB Bhap bini tinh Dak Lak, bingun ini Po Negar jeng alin kaya ka labaih 27.200 baoh sang mbang tui sarak di Dak Lak hu taong abih phun jien lac labaih 8,23 ty dong.

So Pato Megru Ban raya Ho Chi Minh bahrau pathau khan jalan kuhria palih ruah anek saih pabak tame tal 10. Tui nan meng harei ini 22/7 tal 17h harei 29/7 anek saih tut angan pabak tame tal 10 sang bac pakat karja, patui tanut adat di 79 sang bac. Kuhria harei 3/8 pathau khan harak angan urang njauk palih ruah, taduan tame bac tal abih harei 7/8. Urang hu palih ruah pabak lac dom anek saih hu mbaok tame Mbang pakacah anek saih tame tal 10 THPT thun bac 2026–2027 di Ban raya Ho Chi Minh min oh njauk palih ruah yaok caong takre halei tame dom sang bac THPT pakat karja dahlau nan.

Hoc vien Chinh tri pakat negar Ho Chi Minh pambuak haong Mban pathau khan saong Jak ba Tinh uy Khanh Hoa bahrau peih bruk ndom biai ka ilamo khoa hoc hu angan: “Bruk ngak bangsa, agum; khik ramik saong patagok ilamo siam gheih bhap bini; pasang iek adat cambat di Khanh Hoa dalam tuk salih lek taka so saong ba drei tame dunya – Bruk rah tabiak saong Jalan langyah”. Tukvak tapa, bruk bangsa, aguma tuk halei jeng hu tinh Khanh Hoa sangka dui ba, pato tacei saong peih ngak samu gauk. Dom sarak bangsa, aguma hu ngak dil samu, daong paglaong raidiuk daok dang di mikva, pasiam bruk gul pataom taong abih bangsa dalam negar, khik kajap an ninh chinh tri, siam mekre salamat dalam rahra saong brei kein lagaih ka bruk patagok kar kajap.

Harei kabroi 21/7, sa mbang apui khuah glai yuong di labik palei Tân Phụng, xa Phù Mỹ Động, tinh Gia Lai. Hadei tuk taduan hu khau tin ka mbang apui khuah, Bo Pato tacei Bol lin tinh Gia Lai hu samar drah caga kapul lin, radaih nao tal labik piah pambuak gauk padam apui khuah. Tal 20 tuk dalam harei, dom kapul lin jeng daok di labik, patui veik peih ngak dom jalan ngak pataom tame sa labik, pacang cakak saong padam khuah, gam haong nan tui iek catang piah pacang bruk mbuan apui khuah rah tabiak gilac.

Cuc Ahaok par Lien bang My daok jhul samar luac jalan salah blaoh dom adat hukum saong pabak harak brei adat piah aval drah ba taxi par haong ahaok par siêu sap yava rai bahrau tame pandar thuong mai. Dahlau nan, Cuc Ahaok par Lien bang My hu peih danak dak ngak iek piah daong dom gah ahaok par paataok trun meng ndien. Du lieu mek hu meng 8 gah ngak mbang pablei salih pambuak bruk di 26 bang brei kein lagaih ka bruk pabak harak brei adat, ngan haong jalan ba radaih bahrau tame arthak langik negar biak salamat saong siam lagaih.

Di pandiak bhang di bilan pandiak he di chau Au, tuai damuai mai tal Croatia oh lac ba drei tame dalam ia tasik mat la-an blaoh daok hu kein lagaih rivang iek sa gilang muyim gheih karei di ala tasik. Bruk pambuak pagam di nyuk ia tasik saong maong iek dom anakhan paoh sarak karam dalam ia ngak ka ini jeng labik maong iek saong mekre meta, biak rilo kadha gheih karei. Labik ini hu 52 patau rup, brei mboh veik 15 jalan dalam luac jalan kan kandah rambah rambup di Po Ysa.

10 thun hadei tuk rajaei Áo mek baoh sang lac labik urang akaok phat xit Adolf Hitler menek tabiak, danak dak ini brei mbaoh tangin salih jeng balai canh sat menh harei ini 22/7. Uảng jakar Áo brei thau bruk mbaoh tangin ini piah pacang cakak labik ini jeng labik mai tal atau labik pataom di dom kol jhak sanak saong dom urang pok papraong phat xit. Anak bruk ini di karja, rilo rahra bum palei hu brei mboh bruk njauk hatai.