Danak dak Mekong Connect 2026 kuhria ra tabiak dalam puac bilan 7 atau bilan 8 anak tal di tinh Vinh Long, ngan haong bruk hu mbaok di dom bhum palei di Bhum taneran kraong Cuu Long gam haong rilo jabat, gah ngak mbang pablei salih dalam negar. Bruk njauk hadar di danak dak lac 3 kadha ndom biai vil dom asal kadha hu makna di bhum taneran kraong Cuu Long urak ini. Ini hu maong yau lac danak dak hu makna piah patagok bruk pambuak di Ban raya Ho Chi Minh haong dom tinh bhum taneran kraong Cuu Long; gam haong nan ngak jeng kein lagaih yaih khan kein lagaih, dui pachreih saong peih praong pambuak patagok ka bhum palei.

Sở Y tế TPHCM caong khin dom labik y te brei pakhang bruk tui iek, pacang caga bruk njom mbak virus Ebola di ban raya. Tui nan, pakhang bruk tui iek di dom pabah mbang dunya, mblang kapal ahaok, pabah tathik di ban raya; kakei urang nao mai meng bhum hu jit ruak brei tui iek prein yawa dalam 21 harei. Gam jao bruk ka Sang iek ruak Nhiet doi taduan urang ruak tame tuk mboh drei yau ruak kayua virus Ebola hu dom labik iek ruak, jru ruak ba tame.

Hoi dong Bhap bini tinh An Giang tapa Sarak daong 100% jien blei BHYT ka urang hu angan je dalam bhap bini bangsa takik dalam tinh An Giang. Biak nao tapa pasang duah urak ini di dalam tinh An Giang daok 454 urang hu angan je oh ka hu daong blei BHYT. Kayua nan bruk daong paglaong bruk daong prein mikva bangsa takik, daong ngak siam bruk ngak bangsa, jalan ngak di Ndang, sarak, hukum di Karja.

UBND phuong Binh Phuoc, Ban raya Dong Nai birau ba tame pandar danak dak 29 duk bilik bac, jabat chuc nang Sang bac THCS Tân Phú, kuhria abih tih jien buh tame labaih 30 ti dong. Bruk padang ngak saong ba tame pandar 29 duk bilik bac, bilik chuc nang  Sang bac THCS Tân Phú daong ngak salah blaoh drap ar ka sang bac, dak harei dak ngak brei takik kan kandah ka sang bac di phuong saong pabak bruk bac da-a di dom adei anek saih. Bruk ini piah uan harei Ban raya Dong Nai di pakat negar.

Di Ca Mau, yaom lac tok bahrau tame bilan hajan min hu rah tabiak rilo bruk glut jaleih trak di dom xa Trần Văn Thời, xa Khánh Hưng saong xa Tân Ân. Tui Balai Kuhria Langik tasik kraong ribaong tinh Ca Mau, pandiak bhang dui atah ngak ka ia dalam taneh lahik nao ngak ka taneh calah tanrac, tuk hajan dui atah ngak ka taneh njauk tayah samar drah, ba tal glut jaleih rah tabiak samar saong kan thau dahlau, rilo meng lac rah di tapen kraong, ribaong saong labik tapen tasik. Gah chuc nang pachreih kakei rahra paglaong bruk caga, tui iek caga dahlau dom inem tanrac tapen kraong, ribaong.

Tui yaok kuhria kayua Jabat Pambuak dom bruk ngak pahala di LHQ mboh lac, dom urang daok di Isarael patuh phao takik abih lac 49 mbang dalam sa adit, ngak njauk rambuac atau khat lahik ralo kaya drap ar. LHQ saong jaik abih dom taneh ia mboh lac dom labik daok di Isarael di bhum taneh Bờ Tây meblah dalam mbang mesruh thun 1967 lac suan hukum, yau nan min Israel atah klak bruk ini.

Tong thong My Donald Trump ndom lac Washington habar jeng mek hu bruk pasang iek gilang uranium hu ngakmeda di Iran, oh sangka tal bruk pacang cakak khang caatang di Tehran lac negar ini oh jao dom kaya hat nhan nan tabiak negar langiu. Ong Donald Trump ndom lac, gilang uranium hu ngak meda di Iran trak labaih 400kg saong njauk lam dar hadei dom mbang taong tame meng ahaok kayua My saong Israel di jaik sa thun dahlau.

Tui hang tin AP, takik abih 25 urang metai dalam dua mbang patuh phao rah tabiak di harei kabroi 21/5 di bhum tathik Honduras, dalam nan hu 6 si quan canh sat. Dom kapol nyaom pasang dauh dalam nan hu urang phap y saong cong to vien hu padang tabiak piah ngak brei cambaic laic dom mbang patuh phao nan. Honduras meng lavik mai gaok rilo kol dius saong kol pablei matuy pajeng tapa ralo negar./.