Meng akaok thun tal ini Ban raya Ho Chi Minh taduan labaih 4 trieu harak gal, dalam nan jaik 80% lac harak gal online. Tui Pasak Duh bruk karja, Ban raya hu salah blaoh bruk peih ngak harak gal karja oh daok pambak tame labik hanh chinh karja ngan haong 100% harak gal ginup tanut di nyu, oh daok gaok kan daman meng labik daok pandaok atau labik taduan. Min, luac jalan peih ngak jeng daok dom kan kandah yau bruk oh ka samu gauk di dom bruk di mentri, di gah Trung uong, bruk ngak njauk lagaih jalan ngak pambuak lien thong oh ka samu taong abih.

Hadei sa thun peih ngak karja bhum palei 2 pakat, tinh Ca Mau ngak hu rilo bruk siam lagaih. Yau nan min, dom bhum palei mboh lac, daok kurang rilo urang ngak bruk, ndap nda cơ sở, hạ tầng dữ liệu. Tui ong Lữ Quang Ngời - Akok UBND tỉnh Ca Mau, kapol urang jakar dom gah taneh riya, padang ngak, kong nghe khaw tin daok kurang saong laman lamuac, abih di nyu lac pakat xa. Bruk ngak di bhum palei tagok samar min  pakat ala  ngak bruk oh ka sumu, rilo labik khut tayak, kurang ndap nda piah ngak bruk.

UB Bhap bini tinh Dong Thap bahrau mbaoh tangin 3 xa Tân Long, Long Phú Thuận lac xa kaoh pulao, yau nan tal ini, Dong Thap hu 5 xa kaoh pulao. Klau xa kaoh pulao bahrau hu mbaoh tangin jeng daok dalam kreh kraong Tien, hu taong abih taneh kaoh pulao daok calah di taneh riya, hu kein lagaih samu yau kaoh pulao saong hu rahra daok rai tani tanat. Dom xa ini brei hu mbang tui lagaih karei ka bruk patagok kinh te, buh jien tame co so ha tang, y te, pato megru saong bruk daong lagaih ka urang jakar, kong chuc, vien chuc… Dom sarak ini piah khik kajap an ninh, quoc phong saong tani tanat raidiuk di rahra.

Yaom manuk saong baoh manuk di bhum Dong Nam Bo daok trun ralo ba tal rilo baoh sang raong glang saong doanh nghiep tame bruk khat kahik trak. Di Ban raya Dong Nai, yaom manuk trun gam gam, manuk bilau bingu di var daok labaih meng 42.000 - 45.000 đồng sa kilo, biar jang 15% dut saong tukvak ini thun dahlau. Manuk bilau pong patih  yaom biar, yaom meng 25.000 - 27.000 đồng sa kilo, do sumu jien buh tame ngak.

Bol lin Bien phong ban raya Dong Nai bahrau taduan 18 rahra Viet Nam kayua Campuchia bayar tapa Pabah bambang dunya Hoa Lư. Dom urang ini ngak bruk di Campuchia, njauk kapul chuc nang Campuchia mek kareik saong jao bayar ka Viet Nam. Dahlau nan, harei 17.3, di Pabah bambang dunya Hoa Lư, Cuc Cah sat hinh su, Bol lin Bien phong saong Kog an Dong Nai taduan 344 urang Viet Nam kayua kapul chuc nang Campuchia jao bayar. Dalam dom urang ini hu 328 urang njauk taong bhat bruk ngak suan hanh chinh ngan haong bruk tabiak negar suan hukum, taong abih jien taong bhat hu labaih 2,4 ti dong.

Thái Lan ba tabiak bruk patagok jitvu duh ka tuai damuai dunya di 6 mblang kapal ahaok prang meng harei 20 bilan 6 anak tal. Bruk tagok jien jitvu piah buh tame ngak pasiam hatang. Urang jakar  mboh lac, dalam tuk kalin kan di Trung Dong jhul yaom menyek tagok glong, jien jitvu  “ adat ngak iek” mbuan gaok khat lahik ngan haong gah yulit Thai Lan.

Ngan haong taneh praong labaih 550 km2 daok hu mbom, min saong kaya patuh meng bruk mesuh metak, Campuchia daok jhul tagok jalan pasamar drah “ngak hacih” mbom, min hadei mesuh metak di thun 2030. Yaom lac tukvak ngak hu lagaih, min dom bruk metai njauk rambuas tagok meng akaok thun tal ini daok ba tabiak caong khin samar chip ka bruk khik tani tanat gah daong saong khik kajap salamat abih ka rahra.

Gah Y te Dunya khan lac sruh jiut ruak virus Hanta di gilai sirah yulit Hondius di Đại Tây Dương oh lac peih camereip tame bruk sraw kadau yau jit ruak COVID-19, min kakei  dahlau meda  ba tal hu rilo urang njom ruak birau. Urak ini di dom taneh ia daok peih ngak catang duah 9 urang njom ruak kuhria meng tuk hu jit ruak  di gilai Hondius. Tui yaok kuhria birau abih, urak ini hu 3 urang metai kayua njom virus ini./.