Ban raya Ho Chi Minh peih ngak labaih 300 danak dak duh ka bhap bini pahadar 50 thun angan Wa Ho. Dom danak dak padang ngak sa “Ban raya ilamo, salih birau, anit ranam, hijao, mekre”. Tui kuhria, taong abih tih  prein jak ba ka mbang peih ngak labaih 3.219 ti dong, pataom tame  rilo gah piah padang ngak yau padang sang anit ranam, sang jum pataom, rik tame salih birau raidiuk ka rilo baoh sang urang kan kathaot.  

Di Harei raya Ilamo bangsa Cam mbang VI di tinh Khánh Hòa, kapol kapulan tinh Lam Dong mek hu jaik 20 yai, huy chuong tui dom asar kadha daoh tamia, padhih the thao, kadha ma-in bhap bini…Dalam nan hu 4 yai A, siam gheih abih lac kadha parang ma-in rija raya, adat cambat tanarakun meng kan di urang Cam saong parang kaya kan, yaih khan ilamo bangsa Cam. Kapol Lam Dong hu 85 urang hu dom nghe nhan, urang daoh tamia saong urang pakacah  oh bhian lac urang Cam.

Meng harei 1 bilan 7 anak tal, urang umo ala 35 thun mesra blai sang daok xa hoi brei kak jien je 6,5% sa thun, tagok 0,6 tanut angaok sa rituh dut saong dahlau diah. Dalam 10 thun anak, jien mesre blei sang daok lac 7,5% sa thun. Ini lac asar kadha hu Gilang pariak Karja khan brei thau tal dom gilang pariak palei salih.

Sang mac Ngak tabiak kaya ia Minh Phu Khánh An haong phun jien buh tame 1.500 ti dong, prein khang ngak tabiak 35.000 tấn kaya yaok thun, birau ngak blaoh ba tame pandar di Khu cong nghiep Khánh An, tinh Ca Mau. Tui kuhria mboh dahlau duah bruk ngak ka labaih 5.000 urang. Bruk ngak hu siam abih  lac bruk buh jien tame ngak birau  meg mac moc, rik tame tani tanat labik raong pala, jhul pakhang kaya hadang di tinh Ca Mau patagok khang kajap.

Yaom hadang takai patih di tỉnh Vĩnh Long daok trun ralo. Urak ini, hadang prang 30 drei sa kilo hu urang blei labaih 105.000 - 115.000 đồng sa kilo. Yaom ini, urang raong oh hu laba ba tal rilo baoh sang  brei padeih palao pajaih  di bilan birau. Gah ngak nong kakei bhap bini tui iek darak pasar, kuhria tukvak yuak kuak saong palao pajaih ka lagaih; tui nan, brei raong tui jalan hacih sa-at, pandar kong nghe piah trun jien padai saong takik khat lahik.

Mbang pandiak catang daok me-om tagok rilo gah di chau Au ba tal rilo urang metai, labaih 1.300 urang. Gah Y te dunya ( WHO) iew dom taneh ia chau Au samar ngak dom jalan pacang caga, khik iek prein yawa bhap bini saong pakhang prein ciuk  sumu tuk langik salih karei oh lagaih. WHO jeng kakei chau Au urak ini lac pandiak abih di dunya, dui atah labaih 150 trieu bhap bini diuk rai dalam langik pandiak.

Sa janih “ vi khuan mbang rilo manuac” meda tamuh khang di dom bhum tathik chau Au. Vi khuan ini patagok khang di dom bhum ia tapen tathik hu ia pandao am saong mbak gap mbiah, abih di nyu nan lac papah kraong, danao saong labik ia meteh mbak metah taba. Vi khuan  meda tame dalam rup tapa mbang kaya ia metah saong laka mbaih gaok labik hu anek ruak.

Jabat Moi truong saong Cuc Khi tuong Thai Lan khan brei thau chi so pandiak di ban ine Bangkok tagok tal tanut mboh rah tabiak bala, tal 52 do C. Karja ban ine  di Thai Lan kakei bhap bini ka pandiak catang mbuan mebuh pandiak. Tui nan, kakei bhap bini takik tabiak gah langiu meng mon 11 tuk tal 15 tuk dalam dom harei pandiak catang./.