Meng harei 1/7/2027 yaok urang kamei menek ginup 2 anek dahlau umo 35 thun brei hu daong 2 trieu dong. Ini lac adat bahrau hu Rajaei ba tabiak. Langiu di nan, dalam luac tukvak metian di urang kamei hu pasang iek saong ngak dom bruk halang palih ruah dahlau tuk menek ginup 4 ruak yau ye: Ruak Down, ruak Edwards, ruak Patau, ruak hlai brai darah dalam tung amaik. Langiu di nan, taong abih urang kamei metian saong anek kaman hu daong paok jitvu pasang iek palih ruah halang meng kadung jien karja di Danak dak jaln ngak pakat negar ka bruk sangka, rahra saong patagok tukvak 2026 - 2035.

Piah taduan raok anek saih tame thun bac 2026 -2027, TPHCM birau jak ba tame ngak bruk tabung glong “ 100 harei melam ngak salah blaoh 1.000 duk bilik bac”. Bruk cakak trun 50% harak gal karja brei mboh bruk langyah hu dom kan kandah ka bruk kurang sang bac, tal bac di dom labik hu ralo bhap bini. Tui Sở Pato megru TPHCM, chien dich  ngak hu labaih 1/3 bruk ba tabiak, hu labaih 233 dut bilik bac hu peih ngak. Piah ngak hu bruk nan njauk tukvak, dom jabat dom gah di ban raya brei peih bruk ginum biai yaok adit piah lang talaih  dom kan kandah  ka mban khik iek di dom bhum palei,  njauk ndem tal dom bruk kurang phun jien.

Hadei rilo adit gaok kan kandah, yaom kaom durian di Bhum taneran kraong Cuu Long daok hu mboh pasiam tuk tagok meng 5.000 tal 10.000 dong sa kilo dut haong meteh bilan dahlau. Meng bilan 5, tukvak yam tame bilan paik baoh, darak pasar rah tabiak rilo khau tin kanjah jhak yau durian daok labaih kim loai trak, daok kandaong cang pasang iek atau njauk gah ikak kaiy kateik geik yaom, klak jien takai… Gah dang akaok Gah Ngak nong saong Alam langik bahrau ini hu brei mboh, dom bruk yau ye radaih pajeng durian daok kandaong cang pasang iek, yaom durian pataom blei di bein biar, po bein brei ba durian tabiak jalan pablei…lac hu biak, min hu biak takik, oh lac bruk di taong abih dom bhum pala.

Hadei 4 melam pakacah, melam 19/5, Nyaom pataom “ Ragu capi, daoh bhap bini di gah Meraong negar” di ban Can Tho tamat blaoh. Ini oh lac bruk pakacah biak bo lac harei roya di labaih 300 urang daoh tamia, urang ma-in capi di Can Tho. Bruk njauk caik hatai di mbang nyaom pataom ini lac pachreih hu rilo uranaih, tuk hu biak ralo daoh tamia, urang iek daok ranaih umo takre duah thau ilamo bangsa. Tapa Nyaom pataom ini daok duah mboh  dom urang naih gheih, brei tame pasram patia bac megru piah dom dam dara hu jeng dom “ manuac khik dahlah apui ilamo”, ba drap ar ilamo di muk kei drei mai jaik jang haong rairah uranaih.

Kapul Kong an tinh Tay Ninh hu pataom mek Nguyễn Cao Bằng (umo 45 thun, daok di xa Hậu Thạnh) piah pasang duah bruk pametai menuac pambuak tal bruk pametai ngak ka 3 urang dalam sa baoh sang metai. Makna akaok meti di bruk ini hu mai meng bruk srau kadau di uranam. Hadei tuk ngak tabiak bruk nan, urang nan klal kaya pametai blaoh nduac dauk. Kong an tinh Tay Ninh hu samar drah peih bruk brei kapul nao pasang duah saong mek kareik jak jeng urang nan hadei labaih mon 5 tuk pametai.

Mentri Kong an Trung Quoc khan brei thau, meng thun 2025 tal puac bilan 4 thun 2026, chap mek hu 128.000 bruk ngak mbang kinh te, pasiam veik bruk khut khat tagok tal 37 ti nhan dan te. Njauk ndem tal, bruk “Duah mek athau glai” chap  mek dom urang ngak suan bruk ngak mbang dauk tabiak negar langiu chap khik labaih 880 urang, dalam nan hu 38 urang dalam sarak bhong di Interpol.

Malam kabroi 19/5, di labik anak bambang jang di Quoc hoi Japon hu rah tabiak sa mbang trun jalan praong piah pacagar bruk salih Hien phap daok pandar, hu mbaok di labaih 10.000 urang. Dom urang trun jalan ndom catang ka bruk hu makna ngan haong bruk khik tani tanat Hien phap sron mbon salamat di tukvak 1 thun anak, gam haong nan ieu da-a rahra hu dom bruk khang catang jang veik anak dom bruk kham merat salih piah pasalih asal kadha di Hien phap.

Ruak bạch hầu daok nyom mbak tabiak oh pacang iek hu di Australia saong jeng bruk huac kanda praong di taneh ia ini tuk urang ruak tagok tal labaih 200 urang di 4 bang saong bhum taneh di taneh ia ini. Sa bruk biak huac kanda veik di mbang tamuh jit bach hau ini lac jit ruak daok njom mbak di dom labik atah di taneh ia ini, lac labik daok di bhap bini saong kurang bruk tui iek gah y te./.