Tui Mban Khik iek dom Khu che xuat saong kong nghiep TPHCM, dom khu che xuat, khu cong nghiep di ban raya hu labaih 918.000 urang ngak bruk, dalam nan hu labaih 727.000 urang ngak khin hu labik daok. Tapa nan bruk caong khin blei saong pabak sang daok oh sumu gauk, bruk padang ngak sang daok ka urang ngak kong lac bruk hu makna praong piah khik takai urang ngak ka doanh nghiep. Anak bruk nan, TPHCM ba tabiak bruk ngak catang, sumu saong mbuan ngak hu sang daok ka urang ngak kong.

Pasak Patagok taneh di Bien Hoa, Ban raya Dong Nai birau ngak salah bruk kuhria jien bayar, daong, peih taneh padang ngak Danak dak dui atah jalan metro Ben Thanh - Suoi Tien tal pasak Hanh chinh karja Ban raya Dong Nai saong Mblang kapal ahaok Long Thành, tapa Ban raya Bien Hoa klak. Kuhria abih tih jien buh tame ngak labaih 1.200 ti dong. Langiu jien bayar, bhap bini daok hu daong jien pah sang, tani tanat raidiuk, salih bruk ngak saong dom jien pajeng ba. 

Xã An Cư, tỉnh An Giang daok ngak brei salah dom bruk padang ngak palei pala birau. Urak ini, xã ini birau ngak hu 2/10 bruk di padang palei birau, daok rilo kan kandah ka jien padai, jalan mbak saong bruk ngak mbang brei pataom tame lang talaih. Dom bruk oh ka ngak hu lac jien mek tame, patrun kathaot, jalan mbak, alam moi truong saong bruk ngak mbang pala drak. Bruk ngak nan daok kurang phun jien buh tame ngak; pambuak bruk ngak tabiak, patagok jien mek tame oh hu karo kajap; bruk jak ba phun jien dalam bhap bini daok kan kandah, dalam nan hu bol bhap bangsa Khmer meblah hujaik 68% bhap bini dalam xã.

Jabat Jien je labik 1 Tây Ninh birau likau ma-ah di ong Ngô Thanh Liêm, daok di xã Tân Trụ saong sanya brei ngak samar harak ho so kayua brei pasang iek, ramik pasiam bruk ngak. Jabat jien je labik 1 Tay Ninh dhar phol ong Ngô Thanh Liêm khan brei jabat jien je thau samar pasang iek, piah ngak siam bruk saong caong khin hu bruk pambuak di bhap bini. Dahlau di nan, ong Ngô Thanh Liêm hu khan blaoh, harak gal di ong tapa blaoh 25 harei min oh mboh khan brei thau  piah kak jien tame.

Tukvak jaik ini, bruk glut jaleih ar kraong ribaong di tinh Dong Thap biak sraw kadau saong kan thau dahlau, mbuan ngak khat lahik trak tal bruk ngak mbang pala drak, jalan mbak nao mai saong raidiuk di bhap bini. Yaom lac mbuan gaok bala min kurang jien padai yau nan ye bhap bini daok huac haduh hatai ka ia ba theik. Anak bruk nan, UBND tinh Dong Thap peih ngak tui rilo jalan, danak dak piah plaik njiak bruk glut jaleih.

Pasak roh duah saong pasram ngak phi hanh gia Trung Quoc  brei palih ruah urang halan hatian ka danak dak ngak iek birau abih dalam dom mbang ngak iek di angaok mbaok taneh brei ka dom phi hanh gia ngak lavik harei  di balai vu tru. Urang tame ngak iek oh cang hu harak bac gah ini, lac urang likei prein yawa khang kajap umo meng 30 -55 thun saong taduan hu jien tagok tal 70.000 nhan dan te( labaih 10.000 USD) ka bruk ngak iek ini.

Sa mbang ribuk tuyet di mbang Colorado di Mỹ ba tal rilo sang bac karei pabah mbang, brei padeih dom mbang haok par saong jalan mbak gaok rilo kan kandah. Di dom bhum ceik di Colorado tuyet laik kapal labaih 60cm. Yaom lac rilo sraw kadau, ribuk tuyet  yau brei mboh bruk siam dalam tuk langik pandiak bhang dui atah. Dom urang ngak nong khan lac tuyet  saong thu lagu meda hu kein lagaih ka bruk pala drak bilan Xuan.

Dom uranaih Nhat Ban trun thun ka 45 jaik gauk, ngak kanda huac bruk kurang bhap bini. Kuhria tal bilan 4 thun ini, Nhat Ban hu 13,29 trieu uranaih umo meng 15 thun ba trun, trun 350.000 adei dut saong thun dahlau. Ini lac biar abih meng tuk Nhat Ban ba yaok kuhria di thun 1950, gam trun thun ka 45. Kuhria tui likei atau kumei, Nhat Ban  urak ini hu 6,81 trieu uranaih  likei saong 6,48 trieu uranaih kumei./.