Page ini harei 27/7, di Kubo liet si TPHCM, kapol urang jakar TPHCM saong Bộ Tư lệnh Quân khu 7 ngak adat Pok bingu, cuh gihluw, pahadar dom AHLS pahadar 79 thun Harei TB-LS (27-7-1947 – 27-7-2026). Dahlau di nan, melam 26/7, yaok ribau urang doan di Ban doan TPHCM, kubo Liet si Binh Duong, kubo Liet si Ba Ria – Vũng Tàu, Kubo Liet si Củ Chi, Rừng Sác, Bein bingu Ilamo Lê Thị  Riêng  saong dom kalan, đài, mbia patau pahadar di ban raya.

Mon 5 tuk page harei ini 27/7, sap chuong, yawa hagal bát nhã taong tagok  meng yaok pluh ribau baha, labik kakuh di grauk labik palei pala, jalan dalam ban, labik tapen negar, kaoh pulao di 34 tinh, ban piah pahadar, dhar phol dom AHLS saong ngak yang likau ka dom anh hung liet si hu nao tapak sa jalan. Bruk ini oh lac adat di Phat giao bi daok ndung bak makna dalam, bo daok lac jalan diukrai “ Menyum ia hadar tal halau ia” di bangsa.

Kapol Khik iek uranaih TPHCM hu alin 60 paok pandap ka uranaih hu raidiuk kan kandah, uranaih jaoh jo di xã Tuy Phong saong xa Liên Hương, tỉnh Lâm Đồng (huyện Tuy Phong, tỉnh Bình Thuận klak). Dom paok pandap hu jao brei oh lac daong ka raidiuk bo daok lac bruk pachreih jak ba, daong ka dom adei hu bui sambai saong pabak prein bac da-a, raidiuk. Meng akaok thun tal ini, Kapol khik iek uranaih TPHCM daong, iek glang uranaih, hu yaok ribau paok kaya alin di rilo bhum palei.

Piah paglong bruk khik iek, jhul pakhang bruk padang ngak saong ngak siam phun jien ngak mbang, UBND Ban raya Dong Nai brei padang 3 Mban Khik iek danak dak gah ini nan lac: Jalan mbak, danak dak duh ka bhap bini saong ngak nong. Bruk birau nan pataom tame sa labik tui yaok gah tame dalam bruk ngak, pamong tal bruk ngak piah salih birau jalan mbak ndo thi. Tui nan, pasiam bruk ngak brai rai, cagar gauk saong rik tame jhul pakhang  bruk peih brei phun jien,pandar phun jien lagaih, ba mbuan lagaih ka Ban Dong Nai patagok  birau.

Thun ini, Bhum taneran kraong Cuu Long ia takik kayua El Nino saong binek halau ia gah angaok kraong. Ia di dom balai di bhum Taneran kraong Cuu Long daok biar saong salih khang oh lagaih. Adit tapa,  ia di balai  Tân Châu saong Châu Đốc trun ralo, biar jang rilo thun saong thun 2025. Kayua  hajan takik di bhum kraong ia Mekong tuk ia hajan adit tapa meng 5 tal 50 mm. Ta-eng Bhum taneran kraong Cuu Long takik hajan, ralo ala 10mm, hu labik hajan meng 10-30mm.

Rajaei Nhat Ban brei pasiam ramik hukum ka labik daok suai lavik saong brei ngak tui dom harak ho so hu payua meng bilan 4 thun 2027. Tui nan, urang likau daok suai lavik, oh brei hu jien mek tame glong jang jien kuhria rah tapa di sa baoh sang rahra Nhat Ban. Thau ndem panuac Nhat gam thau cambaic  hukum  gam dom kadha xa hoi jeng yau ba tame palih ruah. Daok urang lakhah haong bhap bini Nhat Ban atau urang hu brei adat daok veik suai lavik, lakhak takik meng 3 tal 5 thun.

Jabat chuc nang Thai Lan brei kakei ka ia ribuk, glut jaleih taneh saong ia dauk di 61 tinh kayua hajan praong di ralo labik. Tui nan caong khin karja dom tinh tu iek catang tani tanat bruk rah tabiuak, parabha manuac hu mbaok ngak bruk caga luac harei melam di dom labik mbuan rah tabiak bala. Dom kapol nyaom caga samar gam radaih, mac jamraih saong ndap nda piah dang ka bhap bini dalam tuk bala rah tabiak hu samar. 

Hadei dom mbang langik pandiak saong tua riya dui atah, ralo labik di Phap sang Tay Ban Nha yam tapa sa dalam dom mbang apui khuah glai biak trak abih meng dom thun tapa  jaik 285.000 urang panduan ba nao labik karei atau daok dalam sang. Arthak me-om jhuk langik, dom glai apui khuah mbang khang, dalam tuk yaok ribau  urang lin brei ngak bruk luac harei melam. Urak ini, 2 taneh ia ini tame ngak bruk Khik iek Bhap bini Lien minh chau Au  piah iew daong dom taneh ia di dunya daong./.