Gah ngak nong ilamo tui ilamo pakat glaong, gah ngak nong hadah krah daok hu bau tal yau jalan nao njauk di Ban raya Ho Chi Minh bahrau dalam tuk taneh ngak mbang dak harei dak sit ganik. Di rilo bruk ngak nong ilamo ngak kong pakat glaong di Ban raya Ho Chi Minh saong dom bhum ngak mbang ve tinh, smart phone, cam bien saong phan mem pasang iek daok dak harei dak salih ka bruk pala drak tui jalan ngak meng kal saong pandar ngak bruk payeng, pandar nang luong ia harei saong pandar veik kaya karei.

Mintapi, taneh takik, kurang phun jien, kan kandah dalam bruk salih ilamo ky thuat saong ngak po ilamo ngak kong jeng lac dom bruk kan kandah praong. Kayua yau nan ye, rilo HTX saong gah ngak mbang pablei salih daok peih tabiak bhum pandap tamo tabiak labik jaik taphia piah khik tani tanat bruk ngak mbang, paglaong asar siam saong kein lagaih ka bruk salih lek taka so. Sa-ai Lâm Ngọc Tuấn, yam ndok HTX Ngak nong Tuấn Ngọc, ban raya Ho Chi Minh brei thau:

“Dahlau tuk ngak ban medin ngak ka taneh ngak nong sit ganik, dom bhum pala njam patam hu pandun tabiak truh labik pasak, peih praong tapa dom bhum taneh jaik taphia yau ye Nhơn Trạch, Long Thành saong dom labik di Binh Duong dahlau diah, yau ye Bình Nhâm, Thuận An. Tukvak anak tal, khol dahlak hulin breo pambuak veik dom urang hu mbaok tame HTX piah peih praong bhum pala, brei bruk pabak tani tanat di dom labik ve tinh vil taom dan Ban raya Ho Chi Minh.”

Tui urang jru ilamo gah kinh te, Tien si Lê Bá Trí Nhân, piah patagok gah ngak nong hadah krah, brei pataom tame pasang iek halau ia, paglaong ha tang saong pandar ilamo ngak kong. Min, bruk ngak tabiak daok laman lamuac, kurang bruk pambuak bhum saong jalan pasang iek yasa, ngak kan kandah ka bruk ngak njauk tanut di kaya pablei tabiak langiu negar. Kayua khik bruk pasak di labik gah Meraong, Ban raya Ho Chi Minh brei salih tapa pasang iek tui bhum ngak mbang, pambuak ilamo kong nghe taka so, du lieu praong saong majam pasang iek hadah krah piah pasang iek bhum pala, halau ia saong asar siam kaya ndap nda:

Ban raya Ho Chi Minh brei mboh bruk patagok gah ngak nong ilamo pakat glaong, gah ngak nong hadah krah saong salih lek taka so lac jalan nao hu kuhria dalam tuk taneh ngak mbang sit ganik, langik salih karei saong caong khin di darak pasar dak harei dak catang. Piah ngak njauk ka jalan ngak ini, Akaok UB Bhap bini Ban raya Ho Chi Minh ong Bùi Minh Thạnh ndom mayai lac: Ban raya Ho Chi Minh brei paglaong bruk pambuak bhum haong Dong Nam Bo, Tay Nguyen saong Bhum taneran kraong Cuu Long, gam haong nan peih praong bruk pambuak dunya piah dui pachreih ilamo kong nghe hadah krah, padang he sinh thai ngak nong hadah krah, paglaong siam lagaih bruk ngak mbang saong prein meraik di gah ngak nong.

“Khol dahlak hulin tuk halei jeng sangka peih praong HTX saong srap gap raok salam dom gah ngak mbang pablei salih, dahlau abih dalam nan di nyu hu lac gah ngak mbang di langiu negar mai buh jien tame saong jao brei pandar ilamo kong nghe glaong patagok piah bac tangi ilamo saong jhul tagok bruk buh jien tame. Tukvak anak tal, khol dahlak brei padang kapul ngak bruk nao tal Australia saong New Zealand piah roh duah dom bruk ngak bahrau, ieu da-a phun jien buh tame gah ngak nong ilamo kong nghe glaong di ban raya…”

Meng jalan ngak tabiak salih tapa jalan ngak ngak mbang blei salih gah ngak nong, Ban raya Ho Chi Minh daok dak harei dak salih bruk ngak nong ban medin. Tuk ilamo ngak kong hu ngak po, pambuak bhum hu peih praong saong bruk hu ngak lagaih, gah ngak nong oh lac lagaih blaoh daok jeng bruk daong prein patagok bahrau di Ban raya Ho Chi Minh.