Hadei di labaih 12 thun pagam saong phun kruac bung, ong Nguyễn Văn Thanh, po bein sinh thai Hà Thanh daok di xa Trị An, Ban raya Dong Nai jeng daok khik tani tanat bruk ngak bhian randap di rilo sang bein: ta-eng ngak tabiak, ta-eng sangka blaoh ta-eng duah bruk pablei. Bein kruac bung praong 3,5 ha di sang ong urak ini mek hu mek hu tanut asar Viet GAP, brei kuhria rah tapa 25 - 30 tan/ha yaok thun.

Bruk di baoh sang ong Thanh jeng lac bruk dreih gauk di rilo po bein urak ini. Oh takik urang ngak nong meda ngak tabiak baoh kayau siam, min kayua kurang bruk pambuak ngak saong oh ka hu tacei ba luac jalan mek hu tanut asar pablei tabiak negar langiu, bruk pala drak jeng daok oh ka lagaih, “bruk thei thei ngak”. Ong Thanh caong khin lac:

"Drei jeng caong khin yau habar ka dom pakat karja, dom gah ngak ilamo dalam nan njauk ralo di nyu lac dom gah ngak mbang pablei salih pablei tabiak pambuak siam haong mikva urang ngak nong, tacei ba ka mikva ngak nong ka gah ilamo ky thuat piah ngak yau habar ka asar siam akaok tabiak mek hu tanut chuan pablei tabiak”.

Tukvak barau blaoh di ini, Kalup kapul urang ngak mbang gah ngak Nong Viet Nam daok jeng sa dalam dom bruk jhul tagok bruk pambuak bhum pandap tamo saong padang chuoi kaya nong tani tanat di dom tinh gah Meraong.

Tui amuk Trần Thị Minh Hà, Akaok kalup kapul urang ngak mbang gah ngak Nong Viet Nam, meng bruk pambuak ini, rilo gah ngak mbang hu pagun sanya daong haong po bein paglaong bruk mek hu baoh njauk tanut asar chuan pablei tabiak meng labaih 20 - 25% tagok 50 - 60% dalam tukvak mai meng anak tal. Hu makna jang, bruk ini oh padeih di Dong Nai blaoh daok hu peih praong tapa rilo bhum palei karei di gah Meraong nagar, ngak jeng bhum pandap tamo tani tanat ka bruk ngak mbang saong bruk pablei dalam negar. Amuk hà brei thau veik:

“Dom gah ngak mbang pablei salih jeng srap gap mbaoh tangin pambuak bruk di nyaom biai pambuak pablei ndap nda kaya ngak nong harei 29/5 anak tal di Dong Nai. Nan lac dom bruk bo dahlak mboh lac biak siam dalam bruk pambuak karja, gah ngak nong, gah ngak mbang pablei salih tal dom kenh pablei, blaoh dom kadung jien buh tame, dom majam, gaok mai lac dom labik pablei khak. Dom urang nan jeng hu mbaok tame haong khol dahlak piah ba tabiak dom kaya njauk lagaih ka bhum pala kruac bung, pasiam asar siam kruac bung ka anak tal”.

Tui ong Hoang Trung - Thu truong mentri ngak nong saong Alam langik, bruk mbaoh tangin padang Sarak harak pablei kruac bung saong kruac aik tabiak tapa nagar Trung Quoc bahrau blaoh oh lac sa janih brei peih tabiak darak pasar pablei blaoh daok daong prein piah gah ngak nong pasiam bruk ngak tabiak tui jalan bahrau, gheih siam. Bruk salah blaoh angka taka so bhum pala, padang angan je karo kajap ka baoh kruac bung kanduh hijao, kruac bung nam roi lac bruk njauk hu piah ka baoh kayau Viet tame dom darak pasar kan abih yau My, EU atau Uc dalam harei hadei. Thu truong Hoàng Trung ndom khang lac.

“Praong abih di nyu hu lac peih Sarak harak yau habar. Lac dom bhum palei, gah ngak mbang pablei salih saong rahra brei mek tangin tame ngak, abih di nyu nan lac ngak tui dom harak gal caong khin ka ilamo ky thuat, padang ma lek taka angka so bhum pala, labik papaok saong duah thau ka labik pala. Ini jeng lac sa luac jalan khol drei peih ngak veik bruk ngak mbang tui sa jalan bahrau jang, tui bhum pandap tamo praong, pataom tame. Hadei ini oh lac tok tame darak pasar nagar Trung Quoc blaoh daok meda tame rilo darak pasar karei”.

Meng di dom baoh bein sit saot, bruk panduan tapa pambuak bhum daok peih tabiak bruk mbang ngui karo kajap ka urang ngak nong gah Meraong. Tuk ilamo ngak mbang pala drak hu ngak lagaih, baoh kruac bung Viet brei hu ginup khang hatai piah nao tame dalam dom darak pasar praong dalam dunya./.