Dom salih bahrau meng di gah pakat palei daok daong ka bhap bani mbuan laghaih jang dalam bruk ngak di drei, urang pablei salih hu mbluak di angaok jalan piah taom gaok urang blei pandar saong karja dak harei dak salih bahrau jalan ngak, ngak jeng pren khang cak rok patagok bruk ngak mbang kinh te rah ra. Phạm Hải, urang cihvak di Rayo sap ndom VN hu kadha ndom mayai brei ka bruk ba Sarak 57 tame rai diuk bhap bani meng dom bruk ngak hu mboh di meta pak di ban raya Can Tho.

Tui bruk ngak di pasak bhum Taneran Kraong Cuu Long, Can Tho brei mboh lac ilamu, ngak kong, salih bahrau hadah krah saong panduan salih taka nan lac pren khang piah paglaong bruk meriak gauk, jhul patagok saong cak rok khang kajap. Jalan ba sarak 57-NQ/TW di Mentri Chinh tri daok hu rilo palei di ban Can Tho peih ngak cambaih laih meng dom bruk ngak hu mboh di anak meta, bruk ngak biak biai pambuak pagam haong salih bahrau bruk ngak pasiam harak gal hanh chinh, patagok bruk ngak mbang kinh te saong paglaong bruk ngak duh ka bhap bani.

Amuk Nguyễn Thị Hồng Dung, daok di labik Thới An, phuong Ô Môn, Ban Can Tho brei thau, thun ini amuk umur labaih 60 thun nan ye bruk pandar phone jak karak saong dom bruk ngak tui taka gaok rilo kan kandah. Yaok mbang caong ngak tui jalan online, amuk njauk pambak tame anek taco di drei atau dom urang thau cambaih laih gah ilamu piah tacei pato, daong ba.

" Drei buh harak gar urak ini drei tagok mang oh thau ye manuac urang daong ngak. Drei pandar phone kan jang, yau nan ye drei nyim manuac urang saong manuac urang jeng halar hatian ngak daong jeng oh kan kandah di hagait".

Panduan salih taka daok daong ka dom urang ngak mbang pablei salih paglaong baoh jeng siam mekre bruk ngak di drei saong peih prong jalan taom gaok ngak mbang haong urang blei pandar. Ong Nguyễn Hoàng Bá Hưng, Kong ty TNHH Thiet bi ndien gom nang luong Nguyễn Hưng, phuong Ô Môn, ban Can Tho brei thau, ngak tui jalan taka sok daok daong ka urang ngak mbang pablei salih taom gaok, mong iek duh ka urang blei pandar mbuan laghaih jang, tak taom vaktu, paglaong baoh jeng siam mekre.

Yau nan min, tui ong Hưng, urak ini urang ngak mbang pablei salih sit saong mbiah gap jeng gaok kan kandah ka phun jien buh tame ngak, urang ngak saong ilamu ngak kong. Kayua yau nan ye, karja njauk peih prong dom tal bac magru tacei pato urang ngak mbang pablei salih dalam bruk pato pathram ilamu taka sok, abih di nyu lac bruk pandar AI, tui asal kadha saong jalan ngak laghaih njauk haong bruk ngak mbang pablei salih.

"Kong ty meda daong ka urang ngak tham paham jamariak ngak kong khao tin, taom gaok haong AI, kayua lac urak ini thei jeng pandar AI piah daong ka bruk ngak saong drei oh njauk lac daok sa labik piah ngak, salih tame nan drei jao ka AI ngak, piah ka urang ngak di drei hu rilo tukvak masa duh ka tuai damuai".

Sarak karja 57 di Mentri Chinh tri daok hu ban raya Can Tho peih ngak cambaih laih meng dom jalan ngak pambuak pagam haong hatai caong khin di bhap bani. Amuk Nguyễn Ngọc Hồng Nhung, Akaok Pasak ngak harak gar Ô Môn brei thau:

" Mayah khin salih taka sok tame dalam rai diuk ye ngak kong njauk nao gam haong anek manuac, harak gar njauk nao gam haong bruk salih bahrau harak gal hanh chinh saong taong abih bruk salih bahrau tal luac abih njauk pamong tal duh ka bhap bani. Nan lac jalan ngak di phuong Ô Môn daok ba sarak karja taka 57 tame dalam rai diuk, piah ka ilamu, kong nghe salih bahrau hadah krah saong panduan salih taka hu peih ngak cambaih laih, ngak brei salih bahrau dalam rai diuk di bhap bani jeng yau dalam bruk ngak di karja palei".

Piah Sarak karja 57 tame dalam rai diuk, panduan salih taka sok mai meng bruk caong khin di bhap bani, urang pablei salih saong karja palei. Gam haong jalan ngak mek bhap bani, urang pablei salih ngak pasak, ban Can Tho daok jhul khang ilamu, ngak kong, salih bahrau hadah krah saong panduan salih taka sok, pamong tal dak padang karja taka mek hu baoh jeng siam mekre, bruk ngak mbang kinh ye taka sami samar, rah ra taka pataom me-om, ngak brei peih prong jalan cak rok patagok bahrau dalam harei hadei./.