Di xa Nha Bích (ban sit Chơn Thành, tinh Binh Phuoc klak), kateik geih brei ka bruk ngak harak gar hadei di pagam jabat ngak bruk biak praong. Mek salih lektaka so ngak jeng bruk cakrok samar, karja xa dang pacakak patrun tukik di nyu hu 30% tukvak brei ka bruk ngak lang yah brei harak gar tui adat bruk ngak karja, janji sinyia salah brei bayar ka bhap bini urang tuk jang 2 harei tui adat brei dahlau. Taong abih meng bruk taduon mek harak gar tal salh blaoh njauk ngak brei tapak hatai hadah krah pandang mata di jamariak angaok majam hệ thống, daong ka urang pan akaok tui iek glang cambac tantu waktu.

Pan di angaok tangin harak taneh bahrau ngak blaoh, ong Nguyễn Đình Thượng (daok di palei Minh Lập 3, xa Nha Bích) oh padauk hu hatai mboh pacatuak drei:

 "Dahlak mboh biak bui hatai kayua nao mai jaik, lang yah bruk biak drah samar, tani tanat. Akau oh cambac harak gar ndom puac min hu urang jakar langyah biak abih hatai. Meng harei mai pakat xa ngak bruk, dahlak mboh biak lagaih sahnang."

Di xa Đồng Phú (huyen Đồng Phú, tinh Binh Phuoc klak), labik brei tui jalan patagok khang ka gah ngak kong, karja daok kham marat ramik mbaok taneh, peih praong taneh ngak ka Labik ngak kong Barak saong Mraong Đồng Phú. Khin taduon raok urang juru ilamu saong urang ngak, di bhum palei jeng brei dak danak quy hoach dom labik daok ka bhap bini pataom daok jeng ye dak quy hoạch cambaic laic 17 ha sang daok rahra.

Daok di phuong Long Thành (huyen Long Thành klak), bhum taneh ini daok mek abih kein lagaih meng Cảng kapal haok dunya Long Thành piah buh prein brei ka bruk patagok dua anek angka so. Ong Lê Hoàng Sơn, Akaok UB Bhap bini phuong Long Thành, brei thau lac:

“Long Thành ngak siam tui jalan “6 cambaic” saong "ngak bih bruk, oh abih tukvak". Khol dahalak parabha cambaic brei ka urang dang akaok, ndam gam saong yaom jeng bruk ngak di jakar, iek tui yao adit, yaok bilan piah uak tapak peih huan labik daok tavak daok gak gal piah khik siam bruk ngak nduac roro."

Abih mateh thun kuhria meng akaok thun mai, Ban raya Dong Nai tagok meng angaok 9,8%, glaong jang tanut dak dalau. Piah khik hu bruk patagok angak 10% di dom bilan tal puac thun, bruk ngak njauk tui jalan salih akaok saneng brei ka bruk ngak, kham marat caik hatai yah klak bruk ngak “nduac tui bruk”, salih tapa “dang akaok ba bruk”.

Akaok UB Bhap bini Ban raya Dong Nai Nguyễn Văn Út brei thau lac, ban raya daok ba abih hatai jai tame bruk ngak blaoh danak dak quy hoach sampurna abih, daong brei cambaic gok takai bruk ngak tani tanat karo khang kajap jeng peih jalan ka urang buh jien buh prein tame bruk ngak mbang. Dalam nan njauk ndom mayai lac, pabahrau pasiam gah bruk ngak harak gal jabat hành chính jeng ye paglaong pasiam brei ka urang buh jien buh prein tame ngak ieu lac kadha praong piah khik kakai dom kapul tập đoàn praong:

"Khol dahlak hulin mada daok pasiam pagheih dom bruk siam ka harak gal jabat karja, pasiam gah buh prein buh jien tame ngak. Ngak yau habar ka urang buh jien buh prein tame ngak mbang mai tal Dong Nai dak hatai tame Dong Nai. Urak ini di Dong Nai daok caik hatai dui pachreih dom urang hu angan praong hu prein jien padai khang praong. Dalam bruk ngak ini mayah drei oh caik hatai padang bruk pachreih urang mai ngak dang ngak oh ngak siam oh ba lagaih oh hu urang jie tui njauk urang khin buh prein tame oh pilih ngak mbang saong drei."

Gam gam saong bruk tatih pilih tui kinh te, Dong Nai daok caik hatai brei prein khang ka bruk daok dang mbang ngui, iek glang prein yava manuac urang bhap bini jeng ye khik caga ilamu bhum taneh, dalam nan njauk ndom mayai hu ilamu urang bangsa tukik. Piah ka tukwak masa brei ka 500 harei malam nao tal jalan jayah praong, ba Dong Nai jeng ban raya ilamu, bahrau gam kreih hatai karja, bhap bini rahra dan saong urang ngak mbang blei salih meng kajap karo atah dhua./.