Jirah Ban raya HCM daok mek hu dom angan sok tagok njauk hatai hadei di jit COVID-19. Meng thun 2025, tuai damuai dunya mai rah ban raya HCM tagok glaong di tanut thun 2019 – tukwak masa dalau jit. Di dalam 4 bilan akaok thun 2026, taong abih tuai damuai jirah dalam nagar dan saong dunya maiBan raya HCM mboh labaih jaik 24 triệu mbang, jien mek tame brei ka gah jirah hu labaih 172.000 tỷ đồng, mek hu bruk labaih 52% bruk ngak tui danak dak dalam thun.

 Bruk kadha njauk caik hatai ieu lac prein njuk pachreih tuai damuai jirah di Ban raya HCM oh daok di dom danak dak praong glaong di sang danaok blaoh ieu lac kayua di dom ragam ragu raidiuk hu karei jeng ye di janih ilamu di nyu. Gam saong tuai damuai jirah urang dunya, ban raya HCM pachreih hu urang kayua lac hu dom baoh kadha ialamu meng kan klak lak pablak saong dom janih ilamu jaman barau, pablak di dom damdara uranaih gam saong di dak dalam ilamu bhum palei.

 Nai kumei urang tuai damuai jirah angan Lily Grace – mai meng Australia brei thau, Ban raya HCM ieu lac labik mai riwang biak hu angan brei tui tangi mahit rah rah saong gauk di bhum palei gait. Hadei di jirah oh hu hagait chreih jang, Nai Lily Grace ba abih panuac mayaom Ban raya HCM oh lac sa janih caik tame dalam hatai ralo baoh gheih ghang chreih makre blaoh daok hu dom urang biak jaik taphia jeng ye ragam ragu ilamu biak karei.

“Biak di nyu hu lac di ini ieu lac sa baoh banraya hu angan praong. Khol dahlak khin caong mai jirah Viet Nam meng biak lawik. Dalam jirah, roh duah thau khol hulin dahlak paham jarah dakrai di Banraya ini dan saong Po Wa Chu tich Hồ Chí Minh, jeng ye ban Sai Gon hadei di ini salih angan jeng Ban raya HCM. Bruk kadha nan daok ngak brei ka hulin dahlak chreih si mai piah roh duah thau ralo jang. Dahlak sahaneng lac bruk ngak ka drei chrei di abih kayua lac ilamu gheih ghang di urang nagar ilamu Viet Nam. Dahlak hulin biak takre kambuan khanat urang Viet Nam dui tame rup ilamu di drei hu ilamu urang putih urang Frang jeng ye ilamu dom bangsa karei min daok khik ramik yau ye daok tamo ilamu bangsa bhap bini drei. Baoh kadha nan mboh biak praong glaong oh hagait duo.”

Baoh kadha di urang jirah dunya brei mboh bhum bhaok palei ban raya HCM di hala gamba jirah di dunya. Ndap nda kaya mbang huak di tapen jalan, kophi, darak pasar yau meng kar, raidiuk malam atau dom tour yau ye Luabang tanah Củ Chi daok jeng labik piah ieik piah duah thau di urang jirah biak chreih take. Tui ralo urang jirah daok dam dara, Ban raya HCM yau ye labik mai iek mai ma-in chreih chrai sambai, mbuan sir oh duah jeng ye piah iek piah riwang jeng ye duah thau ilamu.

Tui ong Lê Trương Hiền Hòa, Phaok Yam ndok So JirahBan raya HCM, oh sa janih lac tuai damuai urang jirah tagok ralo blaoh urang jirah jeng buh jien tabiak pandar jeng tagok glaong, brei mboh lac prein pachreih di ndap nda kaya kan gah jirah dan saong yaom kom asal brei ka gah jirah di Ban raya HCM daok tagok cambaic laic.

Langiu di darak pasar meng halei mai yau ye di Đông Bắc Á jeng ye di Đông Nam Á, gah jirahBan raya HCM jeng mek hu ralo bruk caik hatai dak harei dak praong ralo di dom pasar jirah barau ndong yau ye di Trung Đông, chau Úc dan Barak Utara Amirik Bắc Mỹ. Piah taduan raok kapul tuai damuai urang jirah ini, Ban raya HCM daok pataom prei dom kein lagaih karei brei ka majam inum krung ilamu – Sejarah dakrai, jirah jalan kraong ribaong, kinh te ngak mbang malam gam saong pambuak pagam saong Binh Duong, Ba Ria – Vung Tau (klak), Cần Giờ atau taneran kraong Cửu Long piah padang jeng dom majam main jirah ralo baoh kadha brei ka tuai damuai urang jirah dunya.  Ong Hoà daok brei thau, dut tui dom pasak jirah praong dunya dalam bhum, mada nao hadei di urang min Ban raya HCM hu ralo kein raba karei brei ka kaya angui brei ka jirah jeng ye taneh riya brei ka patagok nyu: 

“Di dalam waktu masa mai meng anak daok tal, gah jirah ban raya HCM daok pataom ralo prein jang brei ka yaom asal brei ka bruk ngak jirah salih ka ieik glang tuai damuai urang jirah. Ini jenglac gah jirah daok pachreih urang ngak mbang jirah caik hatai ngak tabiak barau ndap nda kaya kan jirah, pandar jamariak ngak kong piah patagok glaong tui hatai caong khin di tuai damuai urang jirah.

Ban raya HCM daok pan ralo kein lagaih oh ralo labik hu piah taduan raok padang taneh jirah di dunya. Gah jirah banraya daok ba pandar tui sarak karja brei ka patagok jirah MICE, sarak brei visa, brei kein raba dan saong pambuak mblang kapal haok piah uak drei meng sa “labik jao ba nao mai” jeng labik dui pachreih urang jirah di Asia./.