Di balai Bien phong Pabah bambang negar pakat dunya Lê Thanh, bruk ngak “yaok adit daong sa baoh sang kathaot labik tapen negar” hu peih ngak haong 52 urang ndang daong 132 baoh sang rahra, rilo aboh lac baoh sang kathaot. Bol lin daong harei ngak bruk, tacei ba rahra sangka phun pala, pasiam bein phun, paglaong siam lagaih bruk ngak mbang.

Sa-ai Hi Kri, bangsa H’rê, baoh sang kathaot di palei Bi, xa Ia Dom lac sa di dalam dom urang hu boll in bien phong daong. Bruk daong, tacei ba abih hatai tian di dom urang lin daong baoh sang sa-ai kamei Hi Kri hu kein lagaih piah pasiam bruk ngak mbang saong raidiuk.

 “Biak bui sambai, daok haong bol lin ye bui biak. Daok tapen negar ye baoh sang jeng daok jaik bol lin, bol lin daong baoh sang jeng rilo. Baoh sang biak thau dhar phol.”

Langiu di urang jakar, bol lin Balai Bien phong Pabah bambang negar Lê Thanh daok sangka dom baoh sang sarak, urang daong katmang meng dahlau. Yaok bilan, labik peih bruk rivang tangi, alin kaya kan, pasang iek prein yava saong pabak jru oh mek jien ka dom baoh sang sarak dalam bhum. Thuong binh 4/4 Rơ Chăm Nich, daok di palei Moóc Đen, xa Ia Dom, mboh cambaih bruk pambuak pagam nan tapa dom mbang boll in rivang tangi, daong tuk pandik ruak hakik saong di bingun raya, Tet:

“Ruak hakik meyah bo oh dil samu nao sang iek ruak ye tapa sang iek ruak di palei Bi di bien phong. Dom adei sa-ai bien phong harei raya, harei tet jeng bhian mai rivang tangi baoh sang, alin kaya. Adei sa-ai daok di labik yau nan min, thei thei jeng anit ranam, jeng iek praong abih.”

Gam haong bruk pagam haong rahra, thau ka labik, dom danak dak yau ye “Papok paglaong yam takai adei nao sang bac”, “Anek raong balai bien phong”, “Baoh sang tapen negar” saong dom danak dak rivang tangi, daong rahra di bingun raya, Tet patui veik daong ngak sarak daong daok dang mbang ngui, sangka rai rah sit umo saong dom baoh sang daok kan kandah. Amuk Siu H’Ler, Bi thu Ndang uy, Akaok HĐ Bhap bini xa Ia Puch, brei mboh, bruk pambuak di boll in haong pakat uy, karja saong rahra dak harei dak hu pasiam, brei daong prein khang taong abih dalam bruk patagok kinh te – xa hoi pagam haong pacang caga khik tapen negar.

“Dom adei sa-ai dalam kapul bol lin tapen nagar bien phong bhian srap gap pambuak dom ndom meyai haong pakat uy, peih ngak dom bruk pambuak tal khik kajap quoc phong langiu tapen negar. Gam haong nan, daong rahra patruh eik patrun kathaot, padang palei pala bahrau, pambuak haong dom kapul pasang duah pacang khik an ninh tapen negar.”

Khik kajap taneh riya, an ninh tapen negar saong sangka raidiuk rahra lac dua bruk pambuak pagam khang catang. Meng dom prein ngak harei harei daong rahra dalam bruk ngak mbang, bruk klah rabha haong dom baoh sang dalam danak dak sarak karja tal bruk jak ba mikva hu mbaok tame pacang khik jalan tapen negar. Bol lin Bien phong tinh Gia Lai daok daong pasiam hatai je di rahra, padang bhum tapen negar salamat, tani tanat. Ruk raidiuk dak harei dak hu sangka, hatai je saong bruk ngak di rahra ngan haong bruk pacang khik tapen negar jeng hu pabak, brei kein lagaih piah bhum tapen negar tinh Gia Lai patagok karo kajap./.